قازاقستاندا ەپيدەميولوگييالىق جاعداي تۇراقتانۋىنا بايلانىستى كارانتين جەڭٸلدەيدٸ, - دەپ حابارلايدى "ۇلت اقپارات" COVID-19 تارالۋىنا جول بەرمەۋ جٶنٸندەگٸ ۆاك-قا سٸلتەمە جاساپ.
بٷگٸن قازاقستان پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن COVID-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ وتىرىسى ٶتتٸ.
دەنساۋلىق ساقتاۋ مينيسترٸ الەكسەي تسوي ەلدەگٸ ەپيدەميولوگييالىق جاعداي تۇراقتانعانىن, سوڭعى 2 اپتادا سىرقاتتانۋشىلىق پەن ٶلٸم-جٸتٸم دەڭگەيٸ 60 پايىزعا تٶمەندەگەنٸن ايتتى.
وسىعان بايلانىستى ۆاك بٸرقاتار شەشٸمدەر قابىلدادى:
- 27 قىركٷيەكتەن باستاپ Ashyq بويىنشا "قاۋٸپسٸز" مەرتەبەسٸ بار قىزمەتكەرلەر مەن كەلۋشٸلەردٸڭ قاتىسۋىمەن كەلەسٸ ٸس-شارالاردى ٶتكٸزۋگە رۇقسات ەتٸلسٸن (قىزمەتٸنە قاتىستى كارانتيندٸك تالاپتار جەڭٸلدەتٸلگەن نىساندار تٸزٸمٸ كەستەدە كٶرسەتٸلگەن).
- 16 ەلمەن ەۋە قاتىناسىن جاڭارتۋ جەنە ۇلعايتۋ (رەسەي فەدەراتسيياسى, تٷركييا, باە, ٶزبەكستان, گەرمانييا, مالديۆى, كورەيا, پولشا, ۆەنگرييا, يتالييا, چەحييا, شري-لانكا, قىتاي, ساۋد ارابيياسى, كۋۆەيت, ەزٸربايجان).
- قولايلى ەپيدەميولوگييالىق احۋالى جەنە حالىقتى ۆاكتسيناتسييالاۋدىڭ جوعارى دەڭگەيٸ بار 30 شەت مەملەكەتپەن قازاقستان رەسپۋبليكاسىنا كٸرۋ ٷشٸن ۆيزاسىز رەجيمدٸ قايتا باستاۋ (يتالييا, نيدەرلاندى, فرانتسييا, گەرمانييا, يسپانييا, جاپونييا, باە, ساۋد ارابيياسى, كۋۆەيت, پولشا دانييا, چيلي, ۆەنگرييا, كورەيا, چەحييا, باحرەين, كاتار, موناكو, كيپر, يسلاندييا, فينلياندييا, مالتا, شۆەتسييا, پورتۋگالييا, ليحتەنشتەين, سلوۆاكييا, ليۋكسەمبۋرگ, كانادا, سينگاپۋر, بەلگييا).
سونداي-اق, ەرالى توعجانوۆ ۆاكتسيناتسيياعا قولجەتٸمدٸلٸكتٸ ارتتىرۋ ماقساتىندا ەكٸمدٸكتەرگە ەۋەجايلاردا, تەمٸرجول ۆوكزالدارىندا, ٸرٸ بازارلار مەن ساۋدا ورىندارىندا تالاپتارعا سەيكەس كەلەتٸن پۋنكتتەر ۇيىمداستىرۋدى تاپسىردى.
ۆاك وتىرىسىنىڭ قورىتىندىسى بويىنشا پرەمەر-مينيستردٸڭ ورىنباسارى بٸرقاتار باسقا تاپسىرمالار بەردٸ.
