Qazaqstanda epidemiologiialyq jaǵdai turaqtanýyna bailanysty karantin jeńildeidi, - dep habarlaidy "Ult aqparat" COVID-19 taralýyna jol bermeý jónindegi VAK-qa silteme jasap.
Búgin Qazaqstan premer-ministriniń orynbasary Eraly Toǵjanovtyń tóraǵalyǵymen COVID-19 taralýyna jol bermeý jónindegi vedomstvoaralyq komissiianyń otyrysy ótti.
Densaýlyq saqtaý ministri Aleksei Tsoi eldegi epidemiologiialyq jaǵdai turaqtanǵanyn, sońǵy 2 aptada syrqattanýshylyq pen ólim-jitim deńgeii 60 paiyzǵa tómendegenin aitty.
Osyǵan bailanysty VAK birqatar sheshimder qabyldady:
- 27 qyrkúiekten bastap Ashyq boiynsha "qaýipsiz" mártebesi bar qyzmetkerler men kelýshilerdiń qatysýymen kelesi is-sharalardy ótkizýge ruqsat etilsin (qyzmetine qatysty karantindik talaptar jeńildetilgen nysandar tizimi kestede kórsetilgen).
- 16 elmen áýe qatynasyn jańartý jáne ulǵaitý (Resei Federatsiiasy, Túrkiia, BAÁ, Ózbekstan, Germaniia, Maldivy, Koreia, Polsha, Vengriia, Italiia, Chehiia, Shri-Lanka, Qytai, Saýd Arabiiasy, Kýveit, Ázirbaijan).
- Qolaily epidemiologiialyq ahýaly jáne halyqty vaktsinatsiialaýdyń joǵary deńgeii bar 30 shet memleketpen Qazaqstan Respýblikasyna kirý úshin vizasyz rejimdi qaita bastaý (Italiia, Niderlandy, Frantsiia, Germaniia, Ispaniia, Japoniia, BAÁ, Saýd Arabiiasy, Kýveit, Polsha Daniia, Chili, Vengriia, Koreia, Chehiia, Bahrein, Katar, Monako, Kipr, Islandiia, Finliandiia, Malta, Shvetsiia, Portýgaliia, Lihtenshtein, Slovakiia, Liýksembýrg, Kanada, Singapýr, Belgiia).
Sondai-aq, Eraly Toǵjanov vaktsinatsiiaǵa qoljetimdilikti arttyrý maqsatynda ákimdikterge áýejailarda, temirjol vokzaldarynda, iri bazarlar men saýda oryndarynda talaptarǵa sáikes keletin pýnktter uiymdastyrýdy tapsyrdy.
VAK otyrysynyń qorytyndysy boiynsha premer-ministrdiń orynbasary birqatar basqa tapsyrmalar berdi.
