سۋرەت: Stock.com
قىزمەتتە جٷرٸپ جىنىستىق ازعىندىققا ۇشىراعان قىزمەتكەرلەر ەندٸ ەڭبەك كودەكسٸمەن قورعالۋى مٷمكٸن. قىز-كەلٸنشەكتەرشە قىرىنداپ, قول جٷگٸرتكەندەردٸ جازالايتىن باپ كەڭەيتٸلە تٷسپەك. ەڭبەك كودەكسٸندە جازىلاتىن حاراسسمەنت ۇعىمى تەك ەڭبەك ۇجىمدارىن عانا ەمەس, ۋنيۆەرسيتەتتەر مەن قوعامدىق ورىندارداعى دا ەركٸنەن تىس تيٸسۋدٸ دە قاداعالاماق. بۇل تۋرالى "ۇلت اقپارات" 31-ارنانىڭ ينفورمبيۋرو جاڭالىقتار باعدارلاماسىنا سٸلتەمە جاساپ حابارلايدى.
جۇمىستا جٷرٸپ حاراسسمەنتكە ۇشىراعان كٶپتەگەن ادام بۇل تۋرالى اشىق ايتا بەرمەگەن. باسشىسى قىرىنداپ, قول جٷگٸرتكەن جاعدايلاردى قىز-كەلٸنشەكتەر قاۋىمى جاسىرىپ قالادى.
حاراسسمەنت – ٶزگەنٸڭ دەنەسٸنە قول جٷگٸرتۋ, جىنىستىق قاتىناسقا مەجبٷرلەۋ, باسشىلىقتىڭ قىسىمى مەن تەلەفون ارقىلى مازا بەرمەۋٸ. مۇنداي جاعدايعا تاپ بولعاندار ٶزدەرٸنٸڭ جەبٸرلەنگەنٸن دەلەلدەي الماي كەلگەن. مەجٸلٸس دەپۋتاتى جۇلدىز سٷلەيمەنوۆا ەڭبەك كودەكسٸندەگٸ باپتىڭ كەڭەيتٸلۋٸ ٷشٸن بٸرقاتار جۇمىستار اتقارىلىپ جاتقانىن ايتادى.
"ەندٸ ەڭبەك كودەكسٸندە حاراسسمەنت دەگەن ۇعىم بولادى. ول ەكٸمشٸلٸك قۇقىقبۇزۋشىلىقتىڭ اياسىندا قازٸر قوعامدىق جەرلەردە "تيٸسۋ" دەگەن باپ بار, سونى كەڭەيتٸپ قارايمىز", – دەدٸ مەجٸلٸس دەپۋتاتى جۇلدىز سٷلەيمەنوۆا.
بۇل باستامانى قوعام اراسىندا قولداۋشىلار كٶپ. ولار ەڭبەك جولىندا ەيەلدەردٸڭ قۇقىعى قورعالۋ تيٸس دەپ ەسەپتەيدٸ. ال ماماندار قوعامدا جيٸ كەزدەسەتٸن وقيعالارعا توسقاۋىل قويۋ ٷشٸن زاڭمەن تىيىم سالۋ قاجەت دەپ سانايدى. ٶيتكەنٸ باسشىنىڭ باسىنۋى, جىنىستىق قاتىناسقا مەجبٷرلەۋ ٸس جٷزٸندە ٶتە سيرەك قارالادى دەيدٸ.
"ەلەمدٸك تەجٸريبەدە قاراساق, ەر ادامنىڭ وعاش كٶزقاراسىنىڭ ٶزٸ حاراسسمەنت بولىپ سانالادى. تٸپتٸ سول ٷشٸن سوتتاسىپ جاتقاندار دا بار. ال بٸزدە, ٶكٸنٸشكە قاراي, مۇنداي جاعدايلارعا جاۋاپكەرشٸلٸك جوق. سوندىقتان قازٸر زاڭ جوبالارىن رەتتەپ قاداعالاۋ قاجەت. جاقىن ۋاقىتتا بولماسا دا, بولاشاقتا ونىڭ وڭ نەتيجەسٸ مٸندەتتٸ تٷردە بولادى", – دەدٸ زاڭگەر جانگەلدٸ سٷلەيمەنوۆ.
