ەلٸمٸزدە دەرەتحاناسى اۋلادا ورنالاسقان 245 مەكتەپ قالىپ وتىر. بۇل تۋرالى قر بٸلٸم جەنە عىلىم مينيسترلٸگٸ بٸلٸم جەنە عىلىم سالاسىنداعى باقىلاۋ كوميتەتٸنٸڭ باسشىسى گٷلزات كٶبەنوۆا ايتتى, دەپ حابارلايدى قازاقپارات.
«بٷگٸندە مونيتورينگپەن 6 971 مەكتەپ قامتىلدى. تەك 245 مەكتەپ عانا اۋلاداعا دەرەتحانا قالىپ وتىر. ٸس جٷزٸندە بٸر جىل بۇرىن بۇل سان 2 700-دەن استامدى مەكتەپتٸ قۇراعان بولاتىن. وسى ارقىلى ٶڭٸرلەردەگٸ جىلى تۋالەت ورناتۋ ديناميكاسىن بايقايمىز. دەرەتحانا اۋلادا ورنالاسقان 245 مەكتەپتە جىنىسىنا بايلانىستى بٶلۋ, ارالىق قابىرعا ورناتۋ سىندى پروبلەمالار بار. دەگەنمەن, بۇل مەكتەپتەر شەشٸم تاۋىپ جاتىر. ولاردىڭ ٸشٸندە 195 بٸلٸم بەرۋ ۇيىمى جىلى دەرەتحانا ورناتۋ جۇمىستارىن جٷرگٸزۋ ٷستٸندە. قالعان 50 مەكتەپكە قاتىستى مەسەلە شەشٸلۋدە. بۇل بٸلٸم وردالارى اتىراۋ, الماتى, شىعىس قازاقستان, جامبىل, باتىس قازاقستان, قاراعاندى, تٷركٸستان وبلىستارىندا جەنە شىمكەنت قالاسىندا ورنالاسقان», - دەدٸ گٷلزات كٶبەنوۆا مينيسترلٸكتٸڭ اپپارات كەڭەسٸ بارىسىندا.
ونىڭ اتاپ ٶتۋٸنشە, دەرەتحانالاردى جىنىسقا بايلانىستى بٶلۋ, ارالىق قابىرعا جاساۋ مەسەلەلەرٸنە دە مونيتورينگ جٷرگٸزٸلگەن. 33 مەكتەپ دەل وسىنداي سەيكەسسٸزدٸكتٸ جويۋى تيٸس. 195 مەكتەپتە اتالعان پروبلەمانى جويۋعا باعىتتالعان جۇمىس اياقتالۋعا جاقىن. ولاردىڭ بارلىعىندا جىل سوڭىنا دەيٸن كەمشٸلٸكتەردٸ جويۋ جۇمىستارى اتقارىلادى.
«مەملەكەت باسشىسىنىڭ تاپسىرماسىنا سەيكەس, ٶتكەن جىلدىڭ قاراشاسىنان بٷگٸنگە دەيٸن 2 700 مەكتەپتٸڭ ٸشٸندە 2 456 بٸلٸم بەرۋ ۇيىمىنا جىلى دەرەتحانا ورناتىلدى. جىلى دەرەتحانالار تولىققاندى جۇمىس ٸستەۋ ٷشٸن جىنىسىنا قاراي بٶلۋ, ارالىق قابىرعا قاراستىرۋ, سۋ بەرۋ مەسەلەسٸن شەشۋ قاجەتتٸگٸنە نازار اۋدارتقىم كەلەدٸ. ەلٸ كٷنگە دەيٸن 197 ۇيىمدا سۋ بەرۋ پروبلەما ورىن الىپ وتىر. سونىمەن قاتار كەرٸز جٷيەسٸنە قوسۋ مەسەلەسٸن دە شەشكەن جٶن», - دەدٸ ول.
