بيىل قازاقستاندا زامان تالابىنا ساي بٸرقاتار زاڭدار جاڭاردى. ساياساتتانۋشى قازبەك مايگەلدينوۆ ەلٸمٸزدە ورىن العان ساياسي جەنە قوعامدىق وقيعالارعا قاتىستى وسىنداي پٸكٸر بٸلدٸردٸ, دەپ حابارلايدى قازاقپارات.
«بيىل ەلٸمٸزدە ورىن العان ساياسي وقيعالاردىڭ بٸرٸ - ۇلتتىق كەڭەس مٷشەلەرٸنٸڭ بەلسەندٸ جۇمىس ٸستەۋٸ. ونىڭ دەلەلٸ ەلٸمٸزدە بٸرقاتار ساياسي پاكەت قابىلداندى. ناقتى ايتقاندا, سايلاۋ تۋرالى زاڭعا ٶزگەرٸستٸڭ ەنگٸزٸلۋٸ, ول ٶز كەزەگٸندە ەلٸمٸزدەگٸ ساياسي پارتييالاردىڭ رٶلٸ مەن ورنىن ايقىنداپ بەردٸ. وعان دەلەل بيىلعى پرايمەريزدٸڭ نەتيجەسٸ. ەلٸمٸزدە ەسكٸ زاڭدار جاڭارىپ, تىڭ كٶزقاراسپەن جۇمىس ٸستەپ جاتىر . سەبەبٸ زامان تالابى سولاي», - دەدٸ قازبەك مايگەلدينوۆ.
ونىڭ ايتۋىنشا, ەلەمدەگٸ جەنە ەلدەگٸ ساياسي جەنە پاندەمييالىق جاعدايلارعا قاراماستان بٸز ساياسي تۇراقتىلىعىمىزدى ساقتاپ كەلەمٸز.
«2020 جىلى مەملەكەتتٸك ساياساتتىڭ نەگٸزگٸ الگوريتمدەرٸن انىقتاۋدى جەنە بەلگٸلەۋدٸ جالعاستىرىپ كەلەمٸز. جىل بويى بۇل پروتسەستەر سەنٸمدٸ تٷردە اتقارىلىپ كەلەدٸ. بٸر عانا مەملەكەت باسشىسىنىڭ ٶزٸ كەمٸندە 150 ٸشكٸ ساياسي كەزدەسۋ ٶتكٸزدٸ. بۇل رەتتە ول تەك باسقارۋشى يستەبليشمەنتپەن عانا ەمەس, سونىمەن بٸرگە قوعام قايراتكەرلەرٸمەن دە بەلسەندٸ كەزدەسٸپ وتىردى. سونىمەن قاتار, ەلٸمٸزدە ورىن الىپ جاتقان نەگٸزگٸ وقيعالارعا ۋاقتىلى باعا بەرٸلٸپ, كٷن تەرتٸبٸندەگٸ ٶزەكتٸ تاقىرىپتار بويىنشا بيلٸك تاراپىنان ٷندەۋ جاسالىپ كەلەدٸ. مۇنىڭ بەرٸ پرەزيدەنتتٸك ينستيتۋتتىڭ بيلٸك پەن شەشٸم قابىلداۋ قۇرىلىمىندا شەشۋشٸ رٶل اتقارۋىنىڭ كٶرسەتكٸشٸ», - دەيدٸ ول.
ايتا كەتسەك, بٷگٸن ەلورداداعى ەۋرازييالىق ينتەگراتسييا ينستيتۋتىندا «تۇراقسىز ەلەمدەگٸ تۇراقتى مەملەكەت»: ق.ك. توقاەۆتىڭ 2020 جىلعى باستى جەتٸ ٸسٸ» اتتى باعدارلامانى تالقىلاۋعا ارنالعان ٸس-شارا ٶتتٸ. وعان ساياساتتانۋشىلار, قوعام قايراتكەرلەرٸ مەن عالىمدار قاتىستى.
