Biyl Qazaqstanda zaman talabyna sai birqatar zańdar jańardy. Saiasattanýshy Qazbek Maigeldinov elimizde oryn alǵan saiasi jáne qoǵamdyq oqiǵalarǵa qatysty osyndai pikir bildirdi, dep habarlaidy QazAqparat.
«Biyl elimizde oryn alǵan saiasi oqiǵalardyń biri - Ulttyq keńes músheleriniń belsendi jumys isteýi. Onyń dáleli elimizde birqatar saiasi paket qabyldandy. Naqty aitqanda, sailaý týraly zańǵa ózgeristiń engizilýi, ol óz kezeginde elimizdegi saiasi partiialardyń róli men ornyn aiqyndap berdi. Oǵan dálel biylǵy praimerizdiń nátijesi. Elimizde eski zańdar jańaryp, tyń kózqaraspen jumys istep jatyr . Sebebi zaman talaby solai», - dedi Qazbek Maigeldinov.
Onyń aitýynsha, álemdegi jáne eldegi saiasi jáne pandemiialyq jaǵdailarǵa qaramastan biz saiasi turaqtylyǵymyzdy saqtap kelemiz.
«2020 jyly memlekettik saiasattyń negizgi algoritmderin anyqtaýdy jáne belgileýdi jalǵastyryp kelemiz. Jyl boiy bul protsester senimdi túrde atqarylyp keledi. Bir ǵana Memleket basshysynyń ózi keminde 150 ishki saiasi kezdesý ótkizdi. Bul rette ol tek basqarýshy isteblishmentpen ǵana emes, sonymen birge qoǵam qairatkerlerimen de belsendi kezdesip otyrdy. Sonymen qatar, elimizde oryn alyp jatqan negizgi oqiǵalarǵa ýaqtyly baǵa berilip, kún tártibindegi ózekti taqyryptar boiynsha bilik tarapynan úndeý jasalyp keledi. Munyń bári Prezidenttik institýttyń bilik pen sheshim qabyldaý qurylymynda sheshýshi ról atqarýynyń kórsetkishi», - deidi ol.
Aita ketsek, búgin elordadaǵy Eýraziialyq integratsiia institýtynda «Turaqsyz álemdegi turaqty memleket»: Q.K. Toqaevtyń 2020 jylǵy basty jeti isi» atty baǵdarlamany talqylaýǵa arnalǵan is-shara ótti. Oǵan saiasattanýshylar, qoǵam qairatkerleri men ǵalymdar qatysty.
