قازاقستاندا ارنايى جۇمىس ورنىنا كەلٸپ ەڭبەكتەنۋدٸ تالاپ ەتپەيتٸن سالادا جٷرگەن 2,2 ملن ادام بار. «ەڭبەك رەسۋرستارىن دامىتۋ ورتالىعى» اق ستراتەگييا جەنە جوبالىق باسقارۋ دەپارتامەنتٸنٸڭ ديرەكتورى الەكساندرا مولچانوۆسكايا وسىنداي مەلٸمەت ۇسىندى, دەپ حابارلايدى قازاقپارات.
«قازاقستاننىڭ ەڭبەك نارىعى ٷشٸن پاندەمييا ٶتە كٷردەلٸ بولدى. بٸراق لوكداۋن كەزٸندە جۇمىسسىزدىق كەڭ اۋقىمدا ەتەك العان جوق. ٶيتكەنٸ مەرزٸمسٸز دەمالىسقا كەتٸپ, جۇمىس بەرۋشٸلەرٸمەن بايلانىسىن ٷزبەگەندەردٸڭ سانى كٶپ بولدى. وسىنىڭ ارقاسىندا شەكتەۋلەر الىنعان كەزدە جۇمىسىنا قايتىپ جاتتى. ساراپشىلاردىڭ ايتۋىنشا, شاعىن كەسٸپكەرلٸك نىساندارى جابىلۋعا مەجبٷر بولعان. بٸراق ولار بٸلٸم سالاسىنا كٶبٸرەك ماماندانىپ, سونداعى تەندەرلەرگە قاتىسا باستاعان. ەلٸ دە بولسا ادامدار پاندەمييانىڭ سالدارىنا بەيٸمدەلۋ ٷستٸندە. ترەندتەرگە كەلسەك, كٶپتەگەن كەسٸپورىندار جۇمىس ٸستەۋ فورماتىن ٶزگەرتٸپ جاتىر. تسيفرلاندىرۋ مەن جۇمىسشىلارىن قايتا وقىتۋ بەلەڭ الىپ تۇر», - دەدٸ ول «قازاقستاننىڭ ەڭبەك نارىعى: جاڭا جاعدايداعى دامۋ» اتتى تۇڭعىش ۇلتتىق باياندامانىڭ تانىستىرىلىمىندا.
ماماننىڭ ايتۋىنشا, جٷزدەگەن, مىڭداعان ادامدى جۇمىسپە قامتىپ وتىرعان ٸرٸ كومپانييالاردىڭ قىزمەتكەرلەردٸ قاشىقتان جۇمىسقا جٸبەرۋٸ تۋرالى ناقتى بٸر بولجام ايتۋ قيىن.
«ەركٸم جەكە شەشٸم قابىلداپ جاتىر. رەسمي ستاتيستيكا بويىنشا, قاشىقتان جۇمىسپەن قامتىلعانداردىڭ سانى ەزٸرگە از عانا. ەرەكشە ينفراقۇرىلىمدى قاجەت ەتپەيتٸن, كومپيۋتەر مەن تەلەفون ارقىلى ٸستەلەتٸن جۇمىستاردىڭ كٶبٸ ونلاين رەجيمگە ىعىسۋى مٷمكٸن. ال شاشتاراز سيياقتى ادامنىڭ قولىمەن ٸستەلەتٸن كەسٸپتەردٸ ونلاين رەجيمگە جٸبەرۋ مٷمكٸن ەمەس. ەكونوميستەر مەن زاڭگەرلەر, مەملەكەتتٸك باسقارۋ سالاسىنىڭ ماماندارى مەن ساراپشىلار قاشىقتان جۇمىسقا اۋىسا الادى. بٷگٸندە ولاردىڭ سانى – 2,2 ملن ادام», - دەيدٸ الەكساندرا مولچانوۆسكايا.
