قازاقستاندا 2006 جىلعى ٷلگٸدەگٸ نومينالى 2 000, 5 000 جەنە 10 000 تەڭگەلٸك بانكنوتتاردى اۋىستىرۋ مەرزٸمٸ اياقتالدى, دەپ حابارلايدى «ۇلت اقپارات».
ايتا كەتەيٸك, 2006 جىلعى ٷلگٸدەگٸ بانكنوتتاردى ايىرباستاۋ 2020 جىلدىڭ 21 جەلتوقسانىنان 2021 جىلدىڭ 1 اقپانىنا دەيٸن ۇزارتىلعان بولاتىن.
«وسى نومينالدارداعى بانكنوتتاردى اۋىستىرۋ مەرزٸمٸن ۇزارتۋ تۋرالى شەشٸمدٸ ۇلتتىق بانك ازاماتتاردىڭ ٶتٸنٸشتەرٸنە بايلانىستى قابىلداعان بولاتىن. ايىرباستاۋ تەك جەكە تۇلعالار ٷشٸن ۇلتتىق بانكتٸڭ فيليالدارىندا 2020 جىلدىڭ 21 جەلتوقسانىنان باستاپ 2021 جىلدىڭ 1 اقپانىنا دەيٸن جٷرگٸزٸلدٸ. وسى كەزەڭدە بانكنوتتاردى اۋىستىرۋعا قاتىستى ٶتٸنٸشتەردٸڭ كٶپ بٶلٸگٸ الماتى قالاسىنىڭ (28,2%), نۇر-سۇلتان قالاسىنىڭ (9,5%) جەنە قاراعاندى وبلىسىنىڭ (7,5%) تۇرعىندارىنان تٷستٸ. ايىرباستاۋعا قابىلدانعان كۋپيۋرالاردىڭ نەگٸزگٸ ٷلەسٸ نومينالى 2 000 تەڭگەلٸك (44,1% ) بانكنوتاعا تيەسٸلٸ بولدى, ودان كەيٸن 5 000 (30,9%) جەنە 10 000 تەڭگەلٸك (25,0%) بانكنوتتار», - دەپ حابارلادى ۇلتتىق بانكتەن.
ۇلتتىق ۆاليۋتانىڭ قولدانىستاعى اقشا بەلگٸلەرٸنە اۋىستىرۋ مەرزٸمٸنٸڭ اياقتالۋىنا بايلانىستى 2006 جىلعى ٷلگٸدەگٸ اتالعان نومينالداعى بانكنوتتار قازاقستان رەسپۋبليكاسىنىڭ بٷكٸل اۋماعىندا قابىلداۋعا جەنە ايىرباستاۋعا جاتپايدى جەنە تٶلەم قۇرالى بولىپ سانالمايدى.
