ەلەنا رىباكينا ەيەل سپورتىنداعى رەكوردتىق سىياقىعا يە بولدى

فوتو: Instagram/wtafinalsriyadh

ەر-رييادتا ٶتكەن WTA قورىتىندى تۋرنيرٸندە جەڭٸسكە جەتكەن ەلەنا رىباكينا ەيەلدەر سپورتىنداعى ەڭ ٸرٸ گونوراردىڭ يەگەرٸ اتاندى. فينالدا ول ەلەمنٸڭ بٸرٸنشٸ راكەتكاسى ارينا سوبولەنكونى 6:3, 7:6 (7:0) ەسەبٸمەن ۇتىپ, تاريحي جەتٸستٸككە قول جەتكٸزدٸ, دەپ حابارلايدى Ult.kz.

BBC مەلٸمەتٸنشە, 26 جاستاعى قازاقستاندىق تەننيسشٸ تۋرنير جەڭٸسٸ ٷشٸن 5,235 ميلليون دوللار الدى – بۇل ەيەلدەر سپورت تاريحىنداعى ەڭ جوعارى جەكەلەگەن تٶلەم.

بۇل — رىباكينانىڭ 2022 جىلعى ۋيمبلدونداعى جەڭٸسٸنەن بەرگٸ ەڭ ٸرٸ تابىسى. ول كەزدە فينالدا تۋننيستٸك ونس جابەردٸ جەڭٸپ, «ٷلكەن شلەم» تۋرنيرٸن ۇتقان العاشقى قازاقستاندىق سپورتشى رەتٸندە تاريحقا ەنگەن.

سالىستىرۋ ٷشٸن, بيىلعى US Open-2025 تۋرنيرٸنٸڭ چەمپيونى ارينا سوبولەنكو 5 ميلليون دوللار العان ەدٸ. WTA فينالىندا ەكٸنشٸ ورىن ٷشٸن دە قوماقتى سىياقى بەرٸلدٸ — سوبولەنكو 2,6 ميلليون دوللار تابىس تاپتى.

وسىلايشا رىباكينانىڭ كارەرالىق جالپى تابىسى 24 ميلليون دوللاردان استى. ال سوبولەنكونىڭ جينالعان جٷلدە قورى 44 ميلليون دوللاردان جوعارى.

بۇعان قوسا, تەننيس ەلەمٸندە تاعى بٸر ٸرٸ جاڭالىق تٸركەلدٸ: سەربييالىق نوۆاك دجوكوۆيچ افيناداعى تۋرنيردە جەڭٸسكە جەتٸپ, ٶمٸرٸندەگٸ 101-شٸ تيتۋلىن يەلەندٸ. ول رافاەل نادالدىڭ (92) كٶرسەتكٸشٸنەن ەلدەقاشان اسىپ تٷسكەن, الايدا رودجەر فەدەرەردٸڭ 103 تيتۋلى ەلٸ دە رەكورد بولىپ تۇر.

ايتا كەتەيٸك, بۇعان دەيٸن پرەزيدەنت قاسىم-جومارت توقاەۆ ەلەنا رىباكيناعا جەڭٸسٸمەن ارنايى قۇتتىقتاۋ جولداعان بولاتىن.