Elena Rybakina áiel sportyndaǵy rekordtyq syiaqyǵa ie boldy

Foto: Instagram/wtafinalsriyadh

Er-Riiadta ótken WTA qorytyndy týrnirinde jeńiske jetken Elena Rybakina áielder sportyndaǵy eń iri gonorardyń iegeri atandy. Finalda ol álemniń birinshi raketkasy Arina Sobolenkony 6:3, 7:6 (7:0) esebimen utyp, tarihi jetistikke qol jetkizdi, dep habarlaidy Ult.kz.

BBC málimetinshe, 26 jastaǵy qazaqstandyq tennisshi týrnir jeńisi úshin 5,235 million dollar aldy – bul áielder sport tarihyndaǵy eń joǵary jekelegen tólem.

Bul — Rybakinanyń 2022 jylǵy Ýimbldondaǵy jeńisinen bergi eń iri tabysy. Ol kezde finalda týnnistik Ons Jaberdi jeńip, «Úlken shlem» týrnirin utqan alǵashqy qazaqstandyq sportshy retinde tarihqa engen.

Salystyrý úshin, biylǵy US Open-2025 týrniriniń chempiony Arina Sobolenko 5 million dollar alǵan edi. WTA finalynda ekinshi oryn úshin de qomaqty syiaqy berildi — Sobolenko 2,6 million dollar tabys tapty.

Osylaisha Rybakinanyń kareralyq jalpy tabysy 24 million dollardan asty. Al Sobolenkonyń jinalǵan júlde qory 44 million dollardan joǵary.

Buǵan qosa, tennis áleminde taǵy bir iri jańalyq tirkeldi: serbiialyq Novak Djokovich Afinadaǵy týrnirde jeńiske jetip, ómirindegi 101-shi titýlyn ielendi. Ol Rafael Nadaldyń (92) kórsetkishinen áldeqashan asyp túsken, alaida Rodjer Federerdiń 103 titýly áli de rekord bolyp tur.

Aita keteiik, buǵan deiin Prezident Qasym-Jomart Toqaev Elena Rybakinaǵa jeńisimen arnaiy quttyqtaý joldaǵan bolatyn.