ەنەرگەتيكا مينيسترلٸگٸ ەلەكتر ٶندٸرۋ تاريفٸنٸڭ ٶسۋٸ باسقا تاريفتەردٸ قامباتتاتۋى مٷمكٸن ەكەنٸن جوققا شىعارمايدى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ەنەرگەتيكا مينيسترلٸگٸنٸڭ ٶكٸلدەرٸنە تٷپكٸ تۇتىنۋشىلاردىڭ تاريفٸ تۋرالى ساۋال قويىلدى. باق ٶكٸلدەرٸ ەلەكتر قۋاتىن ٶندٸرۋ تاريفٸنٸڭ ارتۋى كوممۋنالدىق تاريفتەردٸڭ بارلىعىن كٶتەرٸپ جٸبەرۋٸ مٷمكٸن بە دەگەن الاڭداۋشىلىق بٸلدٸردٸ. ۆيتسە-مينيستر قايرات راحيموۆ ونداي ٶزگەرٸس بولۋى مٷمكٸن ەكەنٸن جوققا شىعارعان جوق.
«بۇعان دەيٸن ايتق ا نىمداي, تۇتىنۋشى تاريفتەرٸنٸڭ ٶسۋٸ باسقا ٶكٸلەتتٸ ورگاننىڭ قۇزىرىنداعى شارۋا. سوندىقتان ول ورگاننىڭ اتىنان تٸكەلەي جاۋاپ بەرە المايمىن. ٶز اتىمنان ايتار بولسام, ەنەرگييا ٶندٸرۋشٸ كومپانييالاردا تاريفتٸڭ ٶسۋٸ تابيعي مونوپولييالاردىڭ باسقا تٷرلەرٸندە تاريفتٸ كٶتەرۋٸ مٷمكٸن. بٸراق ەربٸر جاعداي بويىنشا, ەربٸر سۋبەكت بويىنشا, جىلۋ ەنەرگيياسىن جەتكٸزۋشٸ بولسىن, سۋمەن قامتاماسىز ەتۋشٸ بولسىن, ٶكٸلەتتٸ ورگان جەكە-جەكە قاراپ, ەلەكتر ەنەرگيياسىنىڭ شىعىنى جالپى شىعىنىنىڭ قانشا پايىزىن قۇرايتىنىنا قاراي تاريف ٶزگەرتۋ تۋرالى شەشٸم قابىلدانادى», - دەدٸ ۆيتسە-مينيستر.
ال وسى ۆەدومستۆوعا قاراستى ەلەكتر ەنەرگەتيكاسىن دامىتۋ دەپارتامەنتٸنٸڭ ديرەكتورى ايدوس دەرٸباەۆ 1 سەۋٸردەن باستاپ ەلەكتر قۋاتىنىڭ تٷپكٸ تۇتىنۋشىلارعا ارنالعان تاريفٸ قايتا قارالاتىنىن جەتكٸزدٸ.
«ەنەرگەتيكا مينيسترلٸگٸشەكتٸ تاريفتەردٸ بەكٸتەدٸ. ال تٷپكٸ تۇتىنۋشىلارعا ارنالعان ەلەكتر ەنەرگيياسىنىڭ تاريفتەرٸن بەلگٸلەۋگە ۇلتتىق ەكونوميكا مينيسترلٸگٸنٸڭ مونوپولييالاردىڭ رەتتەۋ كوميتەتٸ قۇزىرلى. 1 سەۋٸردەن باستاپ شەكتٸ تاريفتەر بەكٸتٸلگەننەن كەيٸن, جاڭاعى كوميتەت تٷپكٸ تۇتىنۋشىلارعا ارنالعان ەلەكتر تاريفٸن قايتا قارايدى», - دەدٸ دەپارتامەنت باسشىسى.
