Energetika ministrligi elektr óndirý tarifiniń ósýi basqa tarifterdi qambattatýy múmkin ekenin joqqa shyǵarmaidy, dep habarlaidy QazAqparat.
Ortalyq kommýnikatsiialar qyzmetinde ótken baspasóz máslihatynda Energetika ministrliginiń ókilderine túpki tutynýshylardyń tarifi týraly saýal qoiyldy. BAQ ókilderi elektr qýatyn óndirý tarifiniń artýy kommýnaldyq tarifterdiń barlyǵyn kóterip jiberýi múmkin be degen alańdaýshylyq bildirdi. Vitse-ministr Qairat Rahimov ondai ózgeris bolýy múmkin ekenin joqqa shyǵarǵan joq.
«Buǵan deiin aitq a nymdai, tutynýshy tarifteriniń ósýi basqa ókiletti organnyń quzyryndaǵy sharýa. Sondyqtan ol organnyń atynan tikelei jaýap bere almaimyn. Óz atymnan aitar bolsam, energiia óndirýshi kompaniialarda tariftiń ósýi tabiǵi monopoliialardyń basqa túrlerinde tarifti kóterýi múmkin. Biraq árbir jaǵdai boiynsha, árbir sýbekt boiynsha, jylý energiiasyn jetkizýshi bolsyn, sýmen qamtamasyz etýshi bolsyn, ókiletti organ jeke-jeke qarap, elektr energiiasynyń shyǵyny jalpy shyǵynynyń qansha paiyzyn quraitynyna qarai tarif ózgertý týraly sheshim qabyldanady», - dedi vitse-ministr.
Al osy vedomstvoǵa qarasty elektr energetikasyn damytý departamentiniń direktory Aidos Dáribaev 1 sáýirden bastap elektr qýatynyń túpki tutynýshylarǵa arnalǵan tarifi qaita qaralatynyn jetkizdi.
«Energetika ministrligishekti tarifterdi bekitedi. Al túpki tutynýshylarǵa arnalǵan elektr energiiasynyń tarifterin belgileýge Ulttyq ekonomika ministrliginiń Monopoliialardyń retteý komiteti quzyrly. 1 sáýirden bastap shekti tarifter bekitilgennen keiin, jańaǵy komitet túpki tutynýshylarǵa arnalǵan elektr tarifin qaita qaraidy», - dedi departament basshysy.
