ەلەمدەگٸ بولىپ جاتقان جاعدايلاردى كٶرٸپ, ەستٸپ, شوشيسىڭ. وسىندايدا قاراپايىم حالىق زەبٸر كٶرٸپ, جاپا شەكپەۋٸ ٷشٸن تٸرلٸك ەتكەن جٶن دەپ ويلايسىڭ. بٸر عانا رەسەيدٸڭ ٶزٸ ەلٸمٸزدٸڭ احۋالىنا ەسەر ەتٸپ وتىر. بٸرٸنشٸدەن, بۇل – تاريحي ٶزگەرٸس, تاريحي جاعداي, تاريحي ارپالىس. قاي زاماندا دا, قاي كەزدە دە وسىنداي جاعداي بولىپ تۇرعان. رەسەيلٸكتەردٸڭ جاپپاي بٸزگە كەلٸپ جاتقانىنداي, كەڭەس ٷكٸمەتٸ تۇسىندا بٸز دە شۇبىرىپ باسقا ەلگە باردىق. ەرينە, ۇلت جاناشىرى رەتٸندە بۇل ەرەكەت ماعان ۇناماۋى مٷمكٸن. بٸراق ادامي تۇرعىدا الساق, ورىستاردى بٸز بٸرٸنشٸ رەت كٶرٸپ تۇرعانىمىز جوق. ولارمەن بٸرگە كەلە جاتقانىمىزعا قانشاما عاسىردىڭ جٷزٸ بولدى. قازٸر باستى مەسەلە ەل اماندىعى, جۇرتتىڭ تىنىشتىعى كەرەك.
ٶنەر ادامى رەتٸندە بٸردەڭەنٸ كەسٸپ-پٸشٸپ ايتۋ وڭاي ەمەس. شىنىن ايتساق, ەشتەڭەگە كٶزٸم جەتٸپ وتىرعان جوق. ەكٸ ويلىمىن. قازٸر قوعامنىڭ ٶزٸ ەكٸ ايىرىلىپ وتىرعانداي. الايدا بٸز ەلدٸڭ قاۋٸپسٸزدٸگٸن ويلاۋىمىز تيٸس. ولاردىڭ تۇتاساتىن جەرٸ – تاتۋلىق, اۋىزبٸرشٸلٸك. بٷگٸندە دٸندەردٸڭ بٸتٸمگەرلٸك ەلەۋەتٸن پايدالانىپ, ۇزاق مەرزٸمدٸ تۇراقتىلىققا قول جەتكٸزۋ ٷشٸن رۋحاني كٶشباسشىلاردىڭ كٷش-جٸگەرٸن بٸرٸكتٸرۋ قاجەت.
ال بارلىق دٸننٸڭ نەگٸزٸندە گۋمانيستٸك يدەالدار, ادام ٶمٸرٸنٸڭ جوعارى قۇندىلىقتارى, بەيبٸتشٸلٸك پەن جاسامپازدىققا ۇمتىلۋ سيياقتى ٸزگٸ امالدار جاتادى. سونىڭ بٸر ٸزٸ – سوڭعى كەزدە ەلٸمٸزگە ريم پاپاسىنىڭ كەلۋٸ, دٸندەر سەزٸ مەن كەشەگٸ سامميتتٸڭ ٶتۋٸ. سوندا ريم پاپاسى فرانتسيسك قازاقتىڭ ۇلى فيلوسوفى ابايدىڭ ويلارىن مىسالعا كەلتٸرە وتىرىپ, «ادام مەڭگٸلٸك ەمەس. سوندىقتان بٸز ەكونوميكالىق سۇرانىستاردى قاناعاتتاندىرۋ ٷشٸن عانا ەمەس, رۋحاني دٷنيەنٸ بايىتۋمەن دە اينالىسۋىمىز كەرەك. ەلەمدەگٸ ادامداردى رۋحاني قاسيەتتەر بٸرٸكتٸرسە عانا ەلەمدە بٸرلٸك ورنايدى» دەگەن.
ەگەر شەكارا بٷتٸپ, سىرتتان شابۋىل جاسالماسا, تٶرت قۇبىلامىز تٷگەل بولادى. مەملەكەت باسشىسىنىڭ «بٸزدٸڭ تەۋەلسٸزدٸگٸمٸز بەرٸنەن قىمبات» دەگەنٸ تەۋەلسٸزدٸگٸمٸزدٸ كٶزٸمٸزدٸڭ قاراشىعىنداي ساقتاۋ كەرەگٸن مەڭزەگەنٸ. سوندىقتان ەلٸمٸزدٸڭ تۇتاستىقتى ساقتايىق. بٸلە بٸلسەك, حالىقتىڭ اماندىعى مەن تىنىشتىعىنان اسقان باقىت جوق.
ەلمۇرا جاڭابەرگەنوۆا,
قازاقستاننىڭ ەڭبەك سٸڭٸرگەن قايراتكەرٸ, ەنشٸ
