اباي اۋىلىندا 7 جاسار بالانى زورلاۋعا قاتىستى ٸس بويىنشا قىلمىستىق ٸستەر جٶنٸندەگٸ مامانداندىرىلعان اۋدانارالىق سوت ٷكٸم شىعاردى, دەپ حابارلايدى Sputnik قازاقستان تٸلشٸسٸ.
سوت الدىنا كەلگەن جالعىز ايىپتالۋشى — 2002 جىلى تۋعان جاسٶسپٸرٸم 7 جىلعا باس بوستاندىعىنان ايىرىلدى. ول جازاسىن كەمەلەتتٸك جاسقا تولماعاندارعا ارنالعان ورتا قاۋٸپسٸزدٸك دەڭگەيٸندەگٸ مەكەمەدە ٶتەيتٸن بولادى.
سوتتالعان بالانىڭ شەشەسٸ ٷكٸممەن كەلٸسپەيدٸ, ول سوت شەشٸمٸن اپپەلياتسيياعا بەرمەك. ال جەبٸرلەنۋشٸ تاراپتىڭ سوت ٷكٸمٸنە كٶڭٸلٸ تولادى.
اباي اۋىلىنداعى 7 جاسار بالانى زورلاۋعا قاتىستى ٸس بويىنشا سوت پروتسەسٸ شىمكەنتتە قىركٷيەك ايىنىڭ سوڭىندا باستالعان بولاتىن. سوت پروتسەسٸ جابىق رەجيمدە ٶتتٸ. ەۋەلدە بۇل ٸس بويىنشا تٶرت كٷدٸكتٸ ەدٸ. بٸراق جىنىستىق سيپاتتاعى زورلىق-زومبىلىق جاساعانى ٷشٸن 14 جاستان باستاپ قانا جاۋاپقا تارتىلادى. قىلمىس جاسالعان سەتتە تەك بٸرەۋٸ عانا وسى جاستا بولعان. ونىڭ ەرەكەتٸ قىلمىستىق كودەكستٸڭ 121-بابى 4-تارماعى (كەمەلەتتٸك جاسقا تولماعان بالاعا قاتىستى جىنىستىق سيپاتتاعى زورلىق-زومبىلىق) بويىنشا سارالاندى. قالعاندارىنا قاتىستى 14 جاسقا تولماۋىنا بايلانىستى قىلمىستىق ٸس توقتاتىلدى.
بٷكٸل ەلدٸ دٷرلٸكتٸرگەن اتىشۋلى وقيعا
بىلتىر كٶكتەمدە 7 جاسار بالانىڭ زورلانعانى تۋرالى تاراعان اقپارات كٷنگەي جۇرتشىلىعىن عانا ەمەس, بٷكٸل ەلدٸ دٷرلٸكتٸردٸ. تٷركٸستان وبلىسى سارىاعاش اۋدانى اباي اۋىلىندا بٸرٸنشٸ سىنىپتا وقيتىن وقۋشىنى ٶزٸنەن 7-8 جاس ٷلكەن تٶرت وقۋشى بەس-التى اي بويى زورلاپ كەلگەن. بالا بۇل جايت تۋرالى وتباسىنا 2017 جىلى تامىزدا ايتقان ەكەن. تۋعان-تۋىسقاندارى بٸرنەشە مەرتە پوليتسيياعا بارىپ, مەكەمەنٸڭ تابالدىرىعىن توزدىرسا دا, تەرتٸپ ساقشىلارى ارىزدى تەك قاڭتار ايىندا قابىلداعان. ٸستٸڭ جٷرۋٸنە اۋداندىق بٸلٸم بٶلٸمٸ مەن قۇزىرلى ورگاندار بارىنشا قارسىلىق تانىتقان.
قوعام نارازىلىعىن تۋدىرعان وقيعادان كەيٸن بٸرنەشە شەنەۋنٸك جاۋاپقا تارتىلىپ, جۇمىستان شەتتەتٸلدٸ. قۇلاق ەستٸپ, كٶز كٶرمەگەن سۇمدىق جايلى قازاقستان پرەزيدەنتٸ دە ايتقان بولاتىن.
"ٸس ۇزاققا سوزىلىپ, تۋعان-تۋىسقاندارىن ەۋرە-سارساڭعا سالدى. بەرٸبٸر ەشتەڭە تابا الماي, دەلەلدەي المادىق. نەگە ەكەنٸن بٸلەسٸزدەر مە? بارلىق جەردە تۋىسقاندارى وتىرعان. بۇل ٸسپەن اينالىسقان پوليتسەيلەر دە – تۋىستارى, جوعارى ورگانداردا دا تۋىستار, ودان جوعارىدا دا – تۋىستارى, بەرٸ ٸستٸ جابۋ ٷشٸن جاسالعان", — دەگەن ەدٸ نۇرسۇلتان نازارباەۆ "نۇر وتان" پارتيياسى ساياسي كەڭەسٸنٸڭ كەڭەيتٸلگەن وتىرىسىندا.
بٷلدٸرشٸننٸڭ زورلانعان-زورلانباعانىن انىقتاۋ ٷشٸن حالىقارالىق ساراپشىلار دا تارتىلعان-تىن.
زورلانعان بالانىڭ ناعاشى ەجەسٸ قازٸر بالانىڭ الماتىدا اناسىمەن بٸرگە تۇرىپ جاتقانىن ايتتى. سول جاقتا مەكتەپتە وقيدى.
"تۇرمىس جاعدايىمىزعا بايلانىستى الماتىعا بارىپ تۇرۋعا مٷمكٸندٸگٸمٸز جوق. 4 ايلىق كەزٸنەن قولىما الىپ, ٶسٸرگەن بالام عوي. ساعىنامىن", — دەيدٸ ول.
