فوتو: مەجٸلٸس باسپاسٶز قىزمەتٸنەن
ەر اپتانىڭ سەرسەنبٸسٸندە ٶتەتٸن پارلامەنتتٸڭ تٶمەنگٸ پالاتاسىنداعى وتىرىس وسى اپتادا ٶتپەيدٸ دەپ حابارلايدى "ۇلت اقپارات".
"ەلدەگٸ كٷردەلٸ سۋ تاسقىنى جاعدايىنا بايلانىستى دەپۋتاتتار ٶڭٸرلەردە جٷر.
سول سەبەپتٸ وسى اپتادا مەجٸلٸستٸڭ جالپى وتىرىسى ٶتكٸزٸلمەيدٸ", -دەپ حابارلادى مەجٸلٸستٸڭ باسپاسٶز قىزمەتٸ.
ايتا كەتەيٸك, قازاقستاننىڭ وننان استام ايماعىن سۋ باسىپ, مىڭداعان ٷي-جايدى قىزىل سۋ شايىپ كەتتٸ. قازٸرگٸ ۋاقىتتا تاعى دا بٸرنەشە ايماققا سۋ تاسقىنى قاۋٸپٸ تٶنٸپ تۇر.
بيىلعى جىلى ٶڭٸرلەردٸ سۋ باسۋ قاۋٸپٸ بۇرىنعىدان دا جوعارى ەكەنٸ قىستا پارلامەنت وتىرىستارىندا تالقىلانعان. دەپۋتاتتار ٷكٸمەتكە دەپۋتاتتىق ساۋال دا جولداعان. الايدا قۇزىرلى ورگان ٶكٸلدەرٸ ەلٸمٸز كەزەكتٸ سۋ تاسقىنىنا دايىن, الدىن الۋ شارالارى جاسالىنعانىن ايتقان بولاتىن.
