Foto: Májilis baspasóz qyzmetinen
Ár aptanyń sársenbisinde ótetin Parlamenttiń tómengi palatasyndaǵy otyrys osy aptada ótpeidi dep habarlaidy "Ult Aqparat".
"Eldegi kúrdeli sý tasqyny jaǵdaiyna bailanysty depýtattar óńirlerde júr.
Sol sebepti osy aptada Májilistiń jalpy otyrysy ótkizilmeidi", -dep habarlady Májilistiń baspasóz qyzmeti.
Aita keteiik, Qazaqstannyń onnan astam aimaǵyn sý basyp, myńdaǵan úi-jaidy qyzyl sý shaiyp ketti. Qazirgi ýaqytta taǵy da birneshe aimaqqa sý tasqyny qaýipi tónip tur.
Biylǵy jyly óńirlerdi sý basý qaýipi burynǵydan da joǵary ekeni qysta Parlament otyrystarynda talqylanǵan. Depýtattar Úkimetke depýtattyq saýal da joldaǵan. Alaida quzyrly organ ókilderi elimiz kezekti sý tasqynyna daiyn, aldyn alý sharalary jasalynǵanyn aitqan bolatyn.
