19 قىركٷيەكتە قازاقستاندا 2438 ادامنىڭ اناليزٸنەن كوروناۆيرۋس انىقتالدى. بۇل الدىڭعى كٷنمەن سالىستىرعاندا 343 ادامعا از.
جەكسەنبٸ كٷنٸ الماتىدا – 506, قاراعاندى وبلىسىندا – 340, نۇر-سۇلتاندا 299 ادامنىڭ پتر تەستٸ وڭ شىققان. قالعان وبلىستار مەن قالالاردا 200-دەن از ناۋقاس تٸركەلگەن.
ٸندەت باستالعالى بەرٸ 862 مىڭ ادامنىڭ پتر تەستٸ وڭ شىققان. 10 763-ٸ قايتىس بولعان. (18 قىركٷيەكتە 37 ادام كوروناۆيرۋستان قايتىس بولدى).
قازاقستاندا كوروناۆيرۋسقا ۇقساس پنەۆمونيياعا شالدىققاندار ەسەبٸ 2020 جىلدىڭ 1 تامىزىنان بەرٸ جٷرگٸزٸلٸپ كەلەدٸ. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن. بٸراق سوعان قاراماستان كوروناۆيرۋس پنەۆمونيياسىنا شالدىققاندار Covid ستاتيستيكاسىنا ەنگٸزٸلمەدٸ. دەگەنمەن حالىقارالىق ۇيىمدار قازاقستانداعى كوروناۆيرۋس جۇقتىرعاندار سانىن كٶرسەتكەندە "كوۆيدتەكتەس" پنەۆمونييانى دا قوسادى.
2020 جىلدىڭ تامىزىنان بەرٸ ەلدە 74 مىڭ كوروناۆيرۋس پنەۆمونيياسىنا شالدىققان. 4740 ادام قايتىس بولعان. 18 قىركٷيەكتە 6 ادام سودان كٶز جۇمعان.
قازٸر 70 مىڭ ادام كوروناۆيرۋستان ەمدەلٸپ جاتىر. 13,3 مىڭى ستاتسيوناردا جاتىر. 1051 ادامنىڭ جاعدايى اۋىر, 278 ادامنىڭ جاعدايى تىم اۋىر. 143 ناۋقاس جاساندى تىنىس اپپاراتىنا قوسىلعان.
قازٸر تٷركٸستان مەن جامبىل وبلىستارى "جاسىل ايماقتا". سولتٷستٸك قازاقستان, باتىس قازاقستان, شىعىس قازاقستان, ماڭعىستاۋ, الماتى وبلىستارى "سارى ايماقتا". نۇر-سۇلتان, الماتى قالالارى, اقمولا, اقتٶبە, اتىراۋ, قاراعاندى, قوستاناي, پاۆلودار وبلىستارى "قىزىل ايماقتا" تۇر.
كوروناۆيرۋسقا قارسى ۆاكتسينانىڭ تولىق دوزاسىن العاندار 6,1 ملن ادامعا جەتتٸ. 1,2 ملن ادام ەكٸنشٸ دوزاسىن كٷتٸپ جٷر.
ٸندەت باستالعالى بەرٸ ەلەمدە كوروناۆيرۋس جۇقتىرعاندار 228 ملن ادامعا جەتتٸ. 4,6 ملن ادام قايتىس بولدى.
