19 qyrkúiekte Qazaqstanda 2438 adamnyń analizinen koronavirýs anyqtaldy. Bul aldyńǵy kúnmen salystyrǵanda 343 adamǵa az.
Jeksenbi kúni Almatyda – 506, Qaraǵandy oblysynda – 340, Nur-Sultanda 299 adamnyń PTR testi oń shyqqan. Qalǵan oblystar men qalalarda 200-den az naýqas tirkelgen.
Indet bastalǵaly beri 862 myń adamnyń PTR testi oń shyqqan. 10 763-i qaitys bolǵan. (18 qyrkúiekte 37 adam koronavirýstan qaitys boldy).
Qazaqstanda koronavirýsqa uqsas pnevmoniiaǵa shaldyqqandar esebi 2020 jyldyń 1 tamyzynan beri júrgizilip keledi. Byltyr Qazaqstanda jazda jii kezdespeitin ókpeniń qabynýy órshigen kezde DDSU "ólim qaýpi joǵary qazaqstandyq pnevmoniia" – durys anyqtalmaǵan Covid dep málimdegen. Biraq soǵan qaramastan koronavirýs pnevmoniiasyna shaldyqqandar Covid statistikasyna engizilmedi. Degenmen halyqaralyq uiymdar Qazaqstandaǵy koronavirýs juqtyrǵandar sanyn kórsetkende "kovidtektes" pnevmoniiany da qosady.
2020 jyldyń tamyzynan beri elde 74 myń koronavirýs pnevmoniiasyna shaldyqqan. 4740 adam qaitys bolǵan. 18 qyrkúiekte 6 adam sodan kóz jumǵan.
Qazir 70 myń adam koronavirýstan emdelip jatyr. 13,3 myńy statsionarda jatyr. 1051 adamnyń jaǵdaiy aýyr, 278 adamnyń jaǵdaiy tym aýyr. 143 naýqas jasandy tynys apparatyna qosylǵan.
Qazir Túrkistan men Jambyl oblystary "jasyl aimaqta". Soltústik Qazaqstan, Batys Qazaqstan, Shyǵys Qazaqstan, Mańǵystaý, Almaty oblystary "sary aimaqta". Nur-Sultan, Almaty qalalary, Aqmola, Aqtóbe, Atyraý, Qaraǵandy, Qostanai, Pavlodar oblystary "qyzyl aimaqta" tur.
Koronavirýsqa qarsy vaktsinanyń tolyq dozasyn alǵandar 6,1 mln adamǵa jetti. 1,2 mln adam ekinshi dozasyn kútip júr.
Indet bastalǵaly beri álemde koronavirýs juqtyrǵandar 228 mln adamǵa jetti. 4,6 mln adam qaitys boldy.
