كەشە, 8 قازاندا قازاقستاندا 1940 ادامنىڭ اناليزٸنەن كوروناۆيرۋس انىقتالدى. بۇل الدىڭعى كٷنمەن سالىستىرعاندا 44 ادامعا كٶپ. كەيٸنگٸ اپتالاردا كٷنٸنە ەكٸ مىڭ تٶڭٸرەگٸندە ناۋقاس انىقتالىپ جٷر. دەنساۋلىق ساقتاۋ مينيسترلٸگٸ تامىزدان بەرٸ ەلدە ٸندەتتٸڭ بەسەڭدەپ كەلە جاتقانىن ايتقان. جازدا شٸلدەدە ٸندەت ۋشىعىپ, كٷنٸنە تٸركەلەتٸن ناۋقاستار 8 مىڭعا دەيٸن جەتكەن.
ٶتكەن تەۋلٸكتە الماتىدا – 369, نۇر-سۇلتان قالاسىندا – 294, الماتى وبلىسىندا – 188, قاراعاندى وبلىسىندا – 161, پاۆلودار وبلىسىندا - 165, سولتٷستٸك قازاقستان وبلىسىندا – 129, شىعىس قازاقستان وبلىسىندا 102 ادامنان كوروناۆيرۋس انىقتالعان. قالعان قالالار مەن وبلىستاردا ونداعان ناۋقاس تٸركەلگەن.
2020 جىلدىڭ ناۋرىز ايىنان بەرٸ 902 مىڭ ادامنىڭ كوروناۆيرۋس تەستٸ وڭ شىققان. 843 مىڭى جازىلعان. 11 489-ى قايتىس بولعان. 7 قازاندا 30 ادام كوروناۆيرۋستان كٶز جۇمعان.
پنەۆمونييانىڭ كوروناۆيرۋسقا ۇقساس تٷرٸن قازاقستان بيلٸگٸ حالىقارالىق ۇيىمداردىڭ قىسىمىنىڭ نەتيجەسٸندە 2020 جىلدىڭ 1 تامىزىنان باستاپ ەسەپكە الا باستاعان. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن.
سودان بەرٸ رەسمي مەلٸمەت بويىنشا, 77 مىڭنان استام ادام كوروناۆيرۋس پنەۆمونيياسىنا شالدىققان. 7 قازاندا بۇل دياگنوز 150 ادامعا قويىلدى. 2020 جىلدىڭ 1 تامىزىنان بەرٸ "پنەۆمونييا" 4900 ناۋقاس ٶلٸمٸنە سەبەپشٸ بولعان. 13-ٸ ەكٸ كٷن بۇرىن كٶز جۇمعان.
قازٸر رەسپۋبليكا بويىنشا 54 مىڭعا جۋىق ناۋقاس كوروناۆيرۋستان ەمدەلٸپ جاتىر. 9,4 مىڭ ناۋقاس ستاتسيوناردا جاتىر.
قازٸر 6,8 ميلليون ادام كوروناۆيرۋسقا قارسى ۆاكتسينانىڭ تولىق دوزاسىن العان. 1 ملن ادام ەكٸنشٸ دوزاسىن كٷتٸپ وتىر. مينيستر الەكسەي تسوي ەلگە باتىس كومپانييالارى ەزٸرلەگەن Pfizer ۆاكتسيناسى تٶرتٸنشٸ توقساندا جەتكٸزٸلەدٸ دەپ حابارلاعان. ول نەگٸزٸنەن 12 جاستان باستاپ بالالار مەن جاسٶسپٸرٸمدەرگە, جٷكتٸ ەيەلدەرگە سالىنۋى تيٸس.
قازٸر قازاقستاندا 18 بەن 65 جاس ارالىعىنداعى ادامدارعا رەسەيلٸك "سپۋتنيك V" (قازٸر ونى قاراعاندىدا ٶندٸرەدٸ), قازاقستاندىق QazVac, قىتايلىق Sinopharm كومپانيياسىنىڭ باە-دە ٶندٸرٸلگەن Hayat-Vax پەن قىتايدا ٶندٸرٸلگەن Vero Cell ەكپەسٸ, سونىمەن بٸرگە تاعى بٸر قىتايلىق Sinovac كومپانيياسىنىڭ CoronaVac ەكپەسٸ سالىنىپ جاتىر.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە 237 ميلليوننان استام ادامعا كوروناۆيرۋس جۇققان, 4,8 ميلليونى قايتىس بولعان.
