قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ماڭعىستاۋ وبلىسىنا جۇمىس ساپارىمەن باردى. ەلباسى اقتاۋ قالاسىندا حالىقارالىق تۋريستٸك حابتىڭ تۇساۋكەسەرٸنە قاتىستى.
تۋريستٸك حابتى دامىتۋ جوباسى كاسپيي تەڭٸزٸ جاعالاۋىن قامتىماق. ن.نازارباەۆ وتاندىق تۋريزم سالاسىن ٶركەندەتۋدٸڭ ماڭىزدىلىعىنا توقتالا كەلە, قازاقستان بٸرەگەي تابيعاتقا, سونىمەن قاتار تاريحي-مەدەني ماڭىزداعى كيەلٸ ورىندارعا, ۇلى جٸبەك جولىنىڭ نىساندارىنا, قۇندى ارحەولوگييالىق ەسكەرتكٸشتەرگە يە ەكەنٸن اتاپ ٶتتٸ. بۇل ەلٸمٸزدە ۇيىمداسقان دەمالىستىڭ كەز كەلگەن تٷرٸن ٶرگە باستىرۋعا مٷمكٸندٸك بەرەدٸ.
– تۋريزمدٸ دامىتۋ مەملەكەتتٸك باعدارلاماسى اياسىندا تۋريستٸك ەلەۋەتكە تالداۋ جٷرگٸزٸلدٸ جەنە بارىنشا كٶرنەكتٸ نىساندار مەن ماڭىزدى ٶڭٸرلەر انىقتالدى. ولاردى ٸرٸكتەۋ كەزٸندە ساياحاتشىلار ٷشٸن «ماگنيت» قىزمەتٸن اتقارار ەلەۋەتٸ باستى شارت بولدى. وسى باعىتتاعى جەتەكشٸ ٶڭٸرلەر قاتارىنا الاكٶل, بالقاش كٶلدەرٸ, ششۋچينسك-بۋراباي كۋرورتتىق ايماعى, تٷركٸستان قالاسى جەنە باسقاسى قاتارىندا ماڭعىستاۋ دا كٸرٸپ وتىر, – دەدٸ تۇڭعىش پرەزيدەنت.
كاسپيي تەڭٸزٸ جاعاسىندا مەملەكەتٸمٸزدە تۇڭعىش رەت «بارلىعى قوسىلعان» كونتسەپتسيياسى نەگٸزٸندە وتباسىلىق دەمالىسقا ارنالعان قوناقٷي كەشەنٸن تۇرعىزعان شەتەلدٸك ينۆەستوردىڭ كەلۋٸ – وسى ٶڭٸردەگٸ ەلەۋلٸ وقيعاعا اينالدى. Rixos قوناقٷيلەر جەلٸسٸنٸڭ باسقارما تٶراعاسى ف.تاميندجە Rixos Water World Aktau اتتى ليۋكس سىنىبىنداعى بەس جۇلدىزدى كۋرورتتىق وتەلدٸ دامىتۋ جوباسىن تانىستىردى.
سونداي-اق قازاقستاندىق جەنە شەتەلدٸك ينۆەستورلاردى تارتۋ ارقىلى تۋريستٸك كلاستەردٸ ارى قاراي كەڭەيتۋدٸڭ پەرسپەكتيۆاسى تۋرالى ەڭگٸمەلەدٸ. ەلباسىنىڭ بايلامىنشا, بۇل – كاسپييدە كەڭ اۋقىمدى حالىقارالىق تۋريستٸك حابتى قۇرۋ جولىندا جاسالعان تەك بٸرٸنشٸ قادام. وندا ەندٸ قازاقستاندىقتار دا, سونىمەن بٸرگە شەتەلدٸك قوناقتار دا جوعارى دەرەجەدە دەمالا الادى.
بۇعان قوسا, ن.نازارباەۆ تەڭٸز جاعالاۋىنداعى كۋرورتتىق ايماعىمىز جاڭا جۇمىس ورىندارىن اشاتىنىنا باسا مەن بەردٸ. ٸس-شارا بارىسىندا ٶڭٸردە وسى كلاستەردٸ دامىتۋ شامامەن 50 مىڭ جۇمىس ورنىن قۇرۋعا, سونداي-اق جوبانى جٷزەگە اسىرۋعا شامامەن 2 ميلليارد دوللار تارتۋعا مٷمكٸندٸك بەرەتٸنٸنە ەكپٸن تٷسٸرٸلدٸ.
– تەۋەلسٸزدٸك جىلدارى كٶپ ٸس تىندىردىق. بۇرىن ەلەم بٸلمەگەن قازاقستان بٷگٸندە دٷنيەجٷزٸ كارتاسىندا لايىقتى ورىن الدى. بٸز جاڭا استانانى تۇرعىزدىق. ول ٶزگە ٶڭٸرلەر مەن وبلىس ورتالىقتارىنىڭ ٶركەندەۋٸنە باعدار بەرٸپ كەلەدٸ. مەن الدا بارشا مۇسىلمان ٷشٸن كيەلٸ مەكەن – تٷركٸستان قالاسىنا ساپارلاۋدى جوسپارلاپ وتىرمىن. قازاق حاندىعىنىڭ وسى بايىرعى استاناسى سوڭعى ۋاقىتتا كەرەمەت تٷرلەندٸ جەنە قازٸر ٷلكەن تۋريستٸك ەلەۋەتكە يە, – دەدٸ قازاقستاننىڭ تۇڭعىش پرەزيدەنتٸ.
ول تۋريزمدٸ نىسانالى تٷردە ٶركەندەتۋگە باعىتتالعان ناقتى قادامدار تەك جەكەلەگەن ٶڭٸرلەردٸڭ عانا ەمەس, سونداي-اق تۇتاستاي العاندا بٷكٸل رەسپۋبليكانىڭ ەكونوميكاسىنا زور تيٸمدٸلٸك, وڭدى سەرپٸن بەرەتٸنٸنە نازار اۋدارتتى.
تۇساۋكەسەر سوڭىندا ەلباسى Rixos Water World Aktau قوناقٷي كەشەنٸن ارالاپ كٶردٸ. ٸس-شاراعا ونلاين-كونفەرەنتسييا فورماتىندا بٸرقاتار وتاندىق جەنە شەتەلدٸك ينۆەستورلار قاتىستى.
ولاردىڭ اراسىندا ACCOR كومپانيياسىنىڭ ەۋروپا, تاياۋ شىعىس جەنە افريكا ٶڭٸرٸندە ليۋكس سىنىپتى وتەلدەردٸ دامىتۋ جٶنٸندەگٸ بٸرٸنشٸ ۆيتسە-پرەزيدەنتٸ ف.بودەن, ÖG Holding باسقارما تٶراعاسى و.گيۋر, وتاندىق BI Group قۇرىلىس حولدينگٸنٸڭ ديرەكتورلار كەڭەسٸنٸڭ تٶراعاسى ا.راقىمباەۆ, «بازيس-ا» كورپوراتسيياسىنىڭ ديرەكتورلار كەڭەسٸنٸڭ تٶراعاسى ا.بەلوۆيچ بولدى.
