قىتاي حالىق رەسپۋبليكاسىنىڭ حالىق جينالاسى ٷيٸندە قازاقستان رەسپۋبليكاسىنىڭ تۇڭعىش پرەزيدەنتٸن تاتۋ كٶرشٸلٸك قارىم-قاتىناستى ٸلگەرٸلەتۋگە جەنە جان-جاقتى ستراتەگييالىق سەرٸكتەستٸكتٸ دامىتۋعا قوسقان زور ٷلەسٸ ٷشٸن «دوستىق» وردەنٸمەن رەسمي ماراپاتتاۋ رەسٸمٸ ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
– مەن 1992 جىلى ديپلوماتييالىق قاتىناستار ورناعان سەتتەن باستاپ تەۋەلسٸز قازاقستاننىڭ قىتايمەن ىنتىماقتاستىعىن دامىتۋ جەنە نىعايتۋ جولىندا جۇمىس ٸستەپ كەلە جاتقانىمدى اتاپ ٶتكٸم كەلەدٸ. سٸزدەردٸڭ مەملەكەتتەرٸڭٸزبەن ٶزارا سەنٸمگە جەنە تاتۋ كٶرشٸلٸككە نەگٸزدەلگەن قاتىناستار ورناتقانىمىزعا قۋانىشتىمىن. بٸزدٸڭ ىنتىماقتاستىعىمىز ٷلگٸ تۇتارلىق. ەلدەرٸمٸز ٶڭٸردە جەنە جاھاندىق دەڭگەيدە بەيبٸتشٸلٸكتٸ, تراقتىلىق پەن ورنىقتى دامۋدى قامتاماسىز ەتۋگە ەلەۋلٸ ٷلەس قوسىپ كەلەدٸ, – دەدٸ ەلباسى.
نۇرسۇلتان نازارباەۆ «بٸر بەلدەۋ, بٸر جول» باستاماسىن ٸسكە اسىرۋ ٷدەرٸسٸنە جەنە ونىڭ جاھاندىق سىن-قاتەرلەرگە تٶتەپ بەرۋ ٸسٸندەگٸ ماڭىزدىلىعىنا توقتالدى.
– قىسقا مەرزٸم ٸشٸندە «بٸر بەلدەۋ, بٸر جول» باستاماسى ەلەمدٸك تابىستى جوبالار قاتارىنا ەندٸ. سي تسزينپين مىرزانىڭ بەرٸمٸزدٸ بٸرٸگۋگە باستايتىن دامۋ يدەياسى بٷگٸنگٸ سىن-قاتەرلەرگە تيٸمدٸ جاۋاپ رەتٸندە قالىپتاستى. قىتاي ۇسىنعان حالىقارالىق ىنتىماقتاستىقتىڭ جاڭا پلاتفورماسى ازييا, ەۋروپا جەنە افريكانىڭ كٶپتەگەن ەلدەرٸنٸڭ دامۋىندا اسا ماڭىزدى ساياسي, ەكونوميكالىق جەنە مەدەني رٶل اتقارۋدا, – دەدٸ قازاقستاننىڭ تۇڭعىش پرەزيدەنتٸ.
ەلباسى «بٸر بەلدەۋ, بٸر جول» ەكٸنشٸ حالىقارالىق ىنتىماقتاستىق فورۋمى ٶزارا تيٸمدٸ قارىم-قاتىناستى دامىتۋ مەسەلەلەرٸنە ارنالعان ماڭىزدى باسقوسۋعا اينالعانىن ايتتى.
قازاقستاننىڭ تۇڭعىش پرەزيدەنتٸ, سونداي-اق, ەكٸ ەلدٸڭ ەكونوميكالىق جوبالاردى ٸسكە اسىرۋعا باعىتتالعان بٸرلەسكەن جۇمىسىنىڭ نەتيجەلەرٸنە توقتالدى.
– وسى مٷمكٸندٸكتٸ پايدالان وتىرىپ, سٸزدٸ, تٶراعا سي تسزينپين, قىتاي ٷكٸمەتٸن جەنە حالقىن «بٸر بەلدەۋ, بٸر جول» فورۋمىن تابىستى ٶتكٸزۋلەرٸڭٸزبەن قۇتتىقتايمىن. قىتايلىق ەرەكشەلٸگٸ بار «جاڭا دەۋٸر» سوتسياليزمٸن قۇرۋ جەنە «قىتاي ارمانىن» جٷزەگە اسىرۋ جٶنٸندەگٸ بارلىق ماقساتتار مەن مٸندەتتەر سٸزدٸڭ جەنە قىتاي كوممۋنيستٸك پارتيياسىنىڭ باسشىلىعىمەن ورىندالادى دەپ سەنەمٸن, – دەدٸ نۇرسۇلتان نازارباەۆ.
قازاقستاننىڭ تۇڭعىش پرەزيدەنتٸ قىتاي مەملەكەتٸنٸڭ باسشىلىعى مەن حالقىنا كٶرسەتكەن قوناقجايلىعى مەن ماراپاتى ٷشٸن ريزاشىلىق بٸلدٸردٸ.
– قازاقستان مەن قىتايدىڭ جان-جاقتى ستراتەگييالىق سەرٸكتەستٸگٸ حالىقتارىمىزدىڭ يگٸلٸگٸ جولىندا ودان ەرٸ نىعايا بەرەدٸ دەپ ٷمٸتتەنەمٸن. سٸزگە اسا جاۋاپتى مەملەكەتتٸك قىزمەتٸڭٸزدە – جاڭا جەتٸستٸكتەر, ال دوستاس قىتاي حالقىنا باق-بەرەكە تٸلەيمٸن, – دەدٸ نۇرسۇلتان نازارباەۆ.
قىتاي حالىق رەسپۋبليكاسىنىڭ تٶراعاسى سي تسزينپين قازاقستاننىڭ تۇڭعىش پرەزيدەنتٸنٸڭ ەكٸ جاقتى قاتىناستاردى نىعايتۋعا قوسقان ٷلەسٸنە توقتالىپ, ەلباسىنىڭ حالىقارالىق ىنتىماقتاستىقتى دامىتۋ ٸسٸنە سٸڭٸرگەن ەڭبەگٸن ەرەكشە اتاپ ٶتتٸ.
– بٷگٸن بٸز قىتاي حالقىنىڭ ناعىز دوسى – قازاقستاننىڭ تۇڭعىش پرەزيدەنتٸ نۇرسۇلتان نازارباەۆقا قىتاي حالىق رەسپۋبليكاسىنىڭ جوعارى سىرتقى ماراپاتى – «دوستىق» وردەنٸن رەسمي تابىس ەتۋ رەسٸمٸن ٶتكٸزٸپ وتىرمىز. پرەزيدەنت نۇرسۇلتان نازارباەۆتىڭ بٷكٸل ەلەمدە زور بەدەلٸ بار. ول قازاقستان مەن قىتاي اراسىنداعى جان-جاقتى ستراتەگييالىق سەرٸكتەستٸكتٸڭ نەگٸزٸن قالاپ, وسى قاتىناستاردى ەردايىم دامىتىپ كەلەدٸ. قازاقستان شانحاي ىنتىماقتاستىق ۇيىمىن قۇرىپ, ازيياداعى ٶزارا ىقپالداستىق جەنە سەنٸم شارالارى جٶنٸندەگٸ كەڭەسكە باستاماشى بولدى. قازاقستاننىڭ تۇڭعىش پرەزيدەنتٸ ٶزٸنٸڭ ساياسي كٶرەگەندٸگٸنٸڭ ارقاسىندا وسى ۇيىمداردى دامىتىپ, ٶڭٸرلٸك جەنە جاھاندىق دەڭگەيدە بەيبٸتشٸلٸك پەن تۇراقتىلىقتى قولداۋعا زور ٷلەس قوسىپ كەلەدٸ, – دەدٸ سي تسزينپين.
