ەلباسى نۇرسۇلتان نازارباەۆ كونستيتۋتسييانىڭ 26-بابىن كەيٸنگە شەگەرە تۇرۋ قاجەت دەپ سانايدى. بۇل تۋرالى ول استانادا ٶتٸپ جاتقان پارلامەنت پالاتالارىنىڭ بٸرٸككەن وتىرىسىندا ايتتى, دەپ حابارلايدى قازاقپارات.
«مەملەكەت باسشىسى كونستيتۋتسييانىڭ 26-بابىن ٶزگەرٸسسٸز قالدىرۋدى ۇسىنعانىن تاعى بٸر مەرتە ەسكە سالىپ: «نەگٸزٸ, «قازاقستان ازاماتتارىنىڭ» ورنىنا «ەركٸم» دەگەن ٶزگەرٸستٸ ەنگٸزۋدٸ زاڭگەرلەر قاۋىمى تولىعىمەن قولدادى. سەبەبٸ سونىڭ ارقاسىندا ەلٸمٸزگە ينۆەستيتسييانى كٶبٸرەك تارتۋعا مٷمكٸندٸك بار. ينۆەستورلاردىڭ سەنٸمٸ دە ارتا تٷسەدٸ. دەگەنمەن, اسىعىستىق جاساماي-اق قويالىق. بٸزگە كونسەنسۋس كەرەك. وسىنى كەڭٸنەن تٷسٸندٸرۋ قاجەت. بەرٸبٸر بٸز وعان كەلەمٸز. جەر مەسەلەسٸندە دە ونداي بولادى. ٶيتكەنٸ يەسٸز جەر توزادى. ونىڭ قۇنارلىعى جوعالادى. سوندىقتان كٷندەردٸڭ كٷنٸندە ونى تٷسٸنٸمۋٸمٸز كەرەك. «يەسٸ جوق جەر جەتٸم» دەگەن قازاقتىڭ سٶزٸ بار. تالاي رەت كٶرگەنبٸز, قۋراي ٶسٸپ, جەردٸڭ توزىپ كەتكەنٸن. بۇل باپتى كەيٸنگە شەگەرە تۇرايىق»,-دەدٸ نۇرسۇلتان نازارباەۆ پارلامەنت پالاتالارىنىڭ بٸرلەسكەن وتىرىسىندا. پرەزيدەنت زاڭدى جولمەن يەلەنگەن كەز كەلگەن جەكە مەنشٸكتٸڭ كونستيتۋتسييامەن قورعالاتىنىنا باسا نازار اۋداردى.
ايتا كەتسەك, 1 ناۋرىز كٷنٸ مەملەكەتتٸك بيلٸك تارماقتارى اراسىندا ٶكٸلەتتٸكتەردٸ قايتا بٶلۋ مەسەلەلەرٸ جٶنٸندەگٸ جۇمىس توبىنىڭ وتىرىسىنا قاتىسقان ەلباسى نۇرسۇلتان نازارباەۆ كونستيتۋتسييانىڭ 26-بابىنا ٶزگەرٸس ەنگٸزبەۋدٸ ۇسىنعان بولاتىن.
