ەلباسىنىڭ باسپاسٶز قىزمەتٸنٸڭ Yoytube ارناسىندا نۇرسۇلتان نازارباەۆتىڭ «شتريحي ك پورترەتۋ» دەرەكتٸ فيلمٸنٸڭ ٷشٸنشٸ بٶلٸمٸ جارييالاندى, دەپ حابارلايدى قازاقپارات.
نۇرسۇلتان نازارباەۆ فيلمدەگٸ سۇحباتىندا ٷلكەن ساياساتتان گٶرٸ بۇل جولى جەكە ٶمٸرٸ مەن جەكە كٶزقاراسى جايلى كٶبٸرەك سىر شەرتتٸ. جيەنٸ ايسۇلتان نازارباەۆتىڭ ٶلٸمٸنە قاتىستى پٸكٸر بٸلدٸرٸپ, استانانىڭ نۇر-سۇلتان دەپ اتالۋىنا قاتىستى ويىن ايتتى. سونىمەن قاتار ەلباسى ادامداردىڭ بويىنداعى قانداي قاسيەتتەردٸ باعالايتىنىن جەتكٸزدٸ.
«پرەزيدەنت لاۋازىمىندا بولعان كەزٸمدە مەن مۇندايعا مٷلدە قارسى بولدىم, تىيىم سالىپ وتىردىم. تەۋەلسٸزدٸك مەرەكەسٸ نەمەسە مەنٸڭ تۋعان كٷنٸم كەلگەن سايىن مەنٸڭ ەسٸمٸممەن قانداي دا بٸر كٶشەنٸ نەمەسە مەكتەپتٸ اتاۋ تۋرالى ۇسىنىستار تٷسٸپ جاتاتىن. بٸراق ويلاپ قاراساڭىز, ٶزٸم وقىعان اباي اتىنداعى مەكتەپكە ٶز اتىڭدى بەرۋگە كەلٸسۋ دەگەن مٷلدە دۇرىس ەمەس قوي!? مەن وندايعا تىيىم سالىپ وتىردىم. ونى بٸلەسٸزدەر. كەلٸسٸمٸمدٸ بەرگەن بٸردەن-بٸر جاعداي – ول ۋنيۆەرسيتەت», - دەگەن نۇرسۇلتان نازارباەۆ ەلوردادا ٸرگەلٸ جوعارى وقۋ ورنىن اشۋ يدەياسىنىڭ اۆتورى ٶزٸ ەكەنٸن ەسكە سالدى.
ەلباسىنىڭ ايتۋىنشا باسقا جاعدايلاردىڭ بەرٸ دە ٶز ماقۇلداۋىنسىز اتالىپ جاتىر.
«تەۋەلسٸزدٸككە 25 جىل تولعان كەزدە دە پارلامەنت ەلوردانى نۇر-سۇلتان دەپ اتاۋ تۋرالى باستاما كٶتەرگەن بولاتىن. بۇرىن قالا اقمولا دەپ اتالعان. استانانى حالىقارالىق دەڭگەيدە تانىستىرۋ مٸندەتٸ تۇر ەدٸ. قوناقتاردى شاقىردىق. اقمولا دەپ اتاۋ تۋراسىندا دا ەرتٷرلٸ پٸكٸر بولعاندىقتان, ويىما ەلوردانى استانا دەپ اتاۋ تۋرالى يدەيا كەلدٸ. بۇل – جاڭاشىلدىق ەمەس. مىسالى بەيجٸڭ دەگەن سٶز دە سولتٷستٸك استانا دەگەندٸ بٸلدٸرەدٸ. سونداي مىسال كٶپ. استانا دەگەن اتاۋ جاقسى سٸڭٸسٸپ, ادامدار دا, ەلەم دە ٷيرەندٸ», - دەدٸ ول.
نۇرسۇلتان نازارباەۆ ەلوردانىڭ اتاۋىن ٶزگەرتۋ باستاماسىن قازٸرگٸ پرەزيدەنت قاسىم-جومارت توقاەۆتىڭ كٶتەرگەنٸن ەسكە سالدى.
«از دەگەندە نۇر-استانا, كٶپ دەگەندە نۇر-سۇلتان دەپ اتاۋ ۇسىنىلدى. كەزٸندە سول جاعالاۋعا قاراپ وتىرعاندا كٶز الدىمدا الىپ دالا جاتاتىن. ەشتەڭە جوق ەدٸ. قازٸرگٸ ەكسپو تۇرعان جەردە كارتوپ پەن ورامجاپىراق ٶسەتٸن ەدٸ. ال قازٸر ول قانداي عاجايىپ قالاعا اينالدى. سۇحبات بەرٸپ وتىرعان سەتتٸ پايدالانىپ, تاعى دا باسشىلاردان, قازاقستاندىقتاردان سۇرايتىنىم, وندايعا ەۋەستەنۋدٸڭ قاجەتٸ جوق. مۇنىڭ تٷك كەرەگٸ جوق. تٸرٸ كەزٸندە ەسكەرتكٸش ورناتۋ دەگەن سٶز – ٶلگەننەن كەيٸن ۇرپاق سەنٸ ەسٸندە ساقتاپ قالاتىنىنا سەنبەۋ دەر ەدٸم. سوندىقتان مۇندايعا ەۋەستەنۋدٸڭ قاجەتٸ جوق دەپ ٶتٸنەمٸن. كەرٸسٸنشە بٸز قازٸر تاريحي اتاۋلاردى قايتارىپ جاتىرمىز», - دەدٸ ەلباسى.
دەرەكتٸ فيلمنٸڭ سوڭعى نۇسقاسىن مىنا سٸلتەمەدەن كٶرۋگە بولادى.
