2017 جىلى زەينەتاقى مەن بالالاردىڭ دٷنيەگە كەلۋٸنە وراي بەرٸلەتٸن جەردەماقى 20 پايىزعا ٶسەدٸ, دەدٸ مەملەكەت باسشىسى نۇرسۇلتان نازارباەۆ تەۋەلسiزدiكتiڭ 25 جىلدىعىن ارنالعان سالتاناتتى شارادا. بۇل تۋرالى "ۇلت اقپارات" حابارلايدى.
بٷگٸن استانادا تەۋەلسiزدiك سارايىندا مەملەكەت باسشىسىنىڭ قاتىسۋىمەن قازاقستان رەسپۋبليكاسىنىڭ تەۋەلسiزدiگٸنٸڭ 25 جىلدىعىنا ارنالعان سالتاناتتى شارا ٶتٸپ جاتىر.
"مەن ٷكٸمەتكە كەلەسٸ جىلى 2016 جىلمەن سالىستىرعاندا زەينەتاقى مٶلشەرٸن 20 پايىزعا ٶسٸرۋدٸ تاپسىرامىن. بۇل 2,2 ميلليون قازاقستاندىقتى قامتۋى تيٸس. سونىمەن قاتار, 2017 جىلدىڭ 1 شٸلدەسٸنەن باستاپ بالانىڭ دٷنيەگە كەلۋٸنە وراي بەرٸلەتٸن بٸر رەتتٸك جەردەماقى مٶلشەرٸن 20 پايىزعا ٶسٸرۋدٸ تاپسىرامىن, - دەدٸ نازارباەۆ. - قازٸرگٸ ۋاقىتتا بٸزدٸڭ ەلدە بالالاردىڭ دٷنيەگە كەلۋٸ ٶتە جوعارعى دەڭگەيدە. 55 پايىزعا ٶستٸ, بۇل بٸز ٷشٸن ٶتە جاقسى".
مەملەكەت باسشىسى 1996 جىلى قازاقستاننىڭ 35 پايىزى كەدەيلٸك دەڭگەيٸندە بولعانىن ايتتى.
"تەۋەلسٸزدٸك جىلدارى كەدەيلٸك دەڭگەيٸندە تۇراتىن ادامدار سانى 12,5 ەسەگە ازايدى. ەلەمنٸڭ دامىعان ەلدەرٸندە مۇنداي كٶرسەتكٸش جوق", - دەدٸ نازارباەۆ.
