2017 jyly zeinetaqy men balalardyń dúniege kelýine orai beriletin járdemaqy 20 paiyzǵa ósedi, dedi Memleket basshysy Nursultan Nazarbaev Táýelsizdiktiń 25 jyldyǵyn arnalǵan saltanatty sharada. Bul týraly "Ult aqparat" habarlaidy.
Búgin Astanada Táýelsizdik saraiynda Memleket basshysynyń qatysýymen Qazaqstan Respýblikasynyń Táýelsizdiginiń 25 jyldyǵyna arnalǵan saltanatty shara ótip jatyr.
"Men úkimetke kelesi jyly 2016 jylmen salystyrǵanda zeinetaqy mólsherin 20 paiyzǵa ósirýdi tapsyramyn. Bul 2,2 million qazaqstandyqty qamtýy tiis. Sonymen qatar, 2017 jyldyń 1 shildesinen bastap balanyń dúniege kelýine orai beriletin bir rettik járdemaqy mólsherin 20 paiyzǵa ósirýdi tapsyramyn, - dedi Nazarbaev. - Qazirgi ýaqytta bizdiń elde balalardyń dúniege kelýi óte joǵarǵy deńgeide. 55 paiyzǵa ósti, bul biz úshin óte jaqsy".
Memleket basshysy 1996 jyly Qazaqstannyń 35 paiyzy kedeilik deńgeiinde bolǵanyn aitty.
"Táýelsizdik jyldary kedeilik deńgeiinde turatyn adamdar sany 12,5 esege azaidy. Álemniń damyǵan elderinde mundai kórsetkish joq", - dedi Nazarbaev.
