بٷگٸنگٸ سەناتتىڭ جالپى وتىرىسىنىڭ الدىندا قر تۇڭعىش پرەزيدەنتٸ – ەلباسى نۇرسۇلتان نازارباەۆ پالاتانىڭ مٷشەلەرٸنە «قۇرمەتتٸ سەناتور» مەرتەبەسٸن بەرۋ شەشٸمٸن قولداعانى ٷشٸن العىسىن بٸلدٸردٸ, دەپ حابارلايدى Baq.kz اگەنتتٸگٸ.
«قادٸرلٸ دەپۋتاتتار, سەناتورلار, بٷگٸن سەناتقا ارنايى كەلٸپ, ٶزدەرٸڭٸزبەن جٷزدەسكەنٸمە ٶتە قۋانىشتىمىن. وسى الاساپىران 30 جىلدىڭ ٸشٸندە كٶپشٸلٸگٸڭٸزبەن بٸر كەلە جاتىرمىز. قۋانىشتى دا, قيىنشىلىقتى دا بٸرگە ٶتكٸزٸپ, ەلمەن, جۇرتپەن بٸرگە قىزمەت ٸستەپ, ەڭبەگٸڭٸزدٸ سٸڭٸرٸپ كەلە جاتىرسىزدار. مەن ەدەيٸ وسىنداي ەكٸ پالاتالى پارلامەنت قۇرىپ, زاڭدى سٷزبەدەن ٶتكٸزٸپ, ٶڭٸرلەردٸڭ ويىن ەسكەرۋ ٷشٸن جاسادىم. بٷگٸنگٸ ٸستەلٸپ وتىرعان شارا – ماعان «قۇرمەتتٸ سەناتور» مەرتەبەسٸن بەرۋ شەشٸمٸن قابىلداعاندارىڭىز ٷشٸن شىن جٷرەگٸمنەن ريزاشىلىعىمدى بٸلدٸرەمٸن. بۇل – بٸزدٸڭ ەگەمەن ەلٸمٸزدٸڭ وسى جىلداردىڭ ٸشٸندە مەن جاساعان ەڭبەگٸمنٸڭ بٸر ۇشىنىڭ مەرتەبەسٸ, سوعان دەگەن قۇرمەت دەپ بٸلەمٸن», - دەدٸ ەلباسى.
ول قازاقستاننىڭ بٷگٸنگٸ دەرەجەسٸ وڭايلىقپەن كەلمەگەنٸن اتاپ ٶتتٸ.
«تەۋەلسٸزدٸك جىلدارى كٶپ جاعداي بولدى. كٶپ جۇمىس ٸستەدٸك. پارلامەنت كٶپ زاڭ قابىلدادى. شيەلەنٸسكەن زاڭدار دا بولدى ونىڭ ٸشٸندە, كەلٸسپەگەن زاڭدار دا بولدى. دەگەنمەنەن, سەنات بايسالدىلىقپەن قاراپ, ونىڭ بارلىعىن ورنىنا كەلتٸردٸ. ونى ٶزدەرٸڭٸز دە بٸلەسٸزدەر. سوندىقتان ەلٸمٸز تىنىش بولدى. ەشقانداي جاعدايلارعا جول بەرگەنٸمٸز جوق. مٸنەكەي, مەن ەل باسىنا كەلگەلٸ دەل وسى ايدىڭ ٸشٸندە 30 جىل بولادى ەكەن. سونىڭ ٸشٸندە تٸزٸمگە قاراپ وتىرسام, كٶپشٸلٸگٸڭٸزبەن بٸرگە كەلە جاتىرمىز. بٸرگە جۇمىس ٸستەپ, بٸرگە جٷرٸپ, بٸرگە كٷلٸپ-ويناپ دەگەندەي. تالاي نەرسەنٸ باسىمىزدان ٶتكٸزدٸك. ەلٸمٸز تۇراقتاندى. دٷنيەجٷزٸنە بەلگٸلٸ قازاقستان بولدى. اياعىنان تٸك تۇردى. ەكونوميكاسى كٶتەرٸلٸپ, حالىقتىڭ ەل-اۋقاتى بٸرشاما ەمەس, ٶتە كٶپ دەڭگەيگە كٶتەرٸلدٸ. حالىق ونى كٶرٸپ وتىر. قازاقستانعا باعىتتالعان بٸرنەشە باعدارلاما قابىلدانىپ, ٸسكە اسىرىپ جاتىر. ونىڭ بارلىعىنا سٸزدەر اتسالىساسىزدار. جوسپارلانعان رەفورمالار تابىستى ٸسكە اسىرىلۋ دا سٸزدەرگە, شەشٸمدەرٸڭٸزگە بايلانىستى... دٷنيەدە بولىپ جاتقان جاعدايدى بٸلٸپ وتىرسىزدار. قۇدايعا شٷكٸر, ىستىق سوعىس بولماسا دا, ەكونوميكا, تەحنولوگييا جاعىنان بٸرٸن-بٸرٸ جٸبەرمەۋ ٷشٸن سۇراپىل كٷرەس جٷرٸپ جاتىر. وسىنىڭ ٸشٸندە بٸزگە الپاۋىت ەلدەردٸڭ ورتاسىندا وتىرىپ, تەۋەلسٸزدٸگٸمٸزدٸ ساقتاپ قالۋ, ٶزٸمٸزدٸڭ ساياساتىمىزدى جٷرگٸزٸپ, سولارمەن دوس بولىپ, جۇمىس ٸستەۋ وڭايعا تٷسە قويعان جوق. بەرٸڭ بٸلەسٸزدەر. ونى قازٸر ايتۋعا وڭاي. دەل وسىلاي بولا قويعان سيياقتى دەپ ويلايدى كەيبٸرەۋلەر. بٸراق سانداعان كەلٸسسٶزدەر, سانداعان كەزدەسۋلەر. بٸز الپاۋىت ەلدەردٸڭ الدىندا قازاقستاننىڭ دەرەجەسٸن قالاي كٶتەرەمٸز? تەك پاراساتپەن, اقىلمەن, دۇرىس سٶزبەن, دۇرىس قارىم-قاتىناسپەنەن, كٶرشٸلٸك قارىم-قاتىناسپەن عانا ولاردىڭ كٶڭٸلٸن اۋلايمىز», - دەدٸ نۇرسۇلتان نازارباەۆ.
سونىمەن قاتار, ەلباسى سەناتتىڭ ەلدەگٸ ماڭىزدى زاڭداردى قابىلداۋداعى ورنىنىڭ ەرەكشە ەكەنٸن ايتتى.
«ەندٸ مٸنە التىنشى شاقىرىلىمداعى IV سەسسييا اياقتالىپ كەلە جاتىر. قازٸر ماعان كٶپ سٶيلەي بەرۋدٸڭ جاعدايى جوق. بۇل سەسسييانىڭ ٶزٸندە كٶپ ماڭىزدى زاڭ قابىلدادىڭىزدار. تيٸستٸ جوبالاردى جان-جاقتى قاراپ, ساپالى زاڭ شىعارۋ – سٸزدەرگە سەنٸپ تاپسىرىلعان ميسسييا. پارلامەنت سەناتىنىڭ ەرەكشەلٸگٸ – سٸزدەر ەر ٶڭٸردەن سايلاندىڭىزدار. ەر ٶڭٸردٸڭ جاعدايىن وسى جەرگە الىپ كەلدٸڭٸزدەر. مەجٸلٸستٸڭ جاعدايى ول باسقا. سوندىقتان دەرەجەسٸ ٶتە كٶپ. بٸزدٸڭ باسقارۋ جٷيەسٸنە قاراي بارلىعى دا ٶزدەرٸنٸڭ سەناتتارىڭ, پارلامەنتٸن وسىلاي تٷزەپ كەلە جاتىر. سوندىقتان تاعى بٸر راقمەت ايتا وتىرىپ, ەندٸ وسىنداي «قۇرمەتتٸ سەناتور» مەرتەبەسٸن الۋ ٷلكەن قۇرمەت. سٸزدەردٸڭ كٶپشٸلٸكتەرٸڭٸزبەن جۇمىس ٸستەۋٸمدٸ جالعاستىرامىن. مەنٸڭ بيىل قابىلداعان شەشٸمٸم – بولاشاق ٷشٸن جەنە مەن جٷرگٸزگەن سوڭعى 30 جىلداعى ساياساتتىڭ ساباقتاستىعى ٷشٸن», - دەدٸ ول.
بۇدان بٶلەك, ەلباسى ٶزٸنٸڭ پرەزيدەنتتٸك ٶكٸلەتتٸگٸن توقتاتۋ تۋرالى شەشٸمٸن كٶپتەگەن ەلدەردٸڭ باسشىلارى قالاي قابىلداعانىن ايتىپ بەردٸ.
«مەن ٶزٸمٸنٸڭ ٶكٸلەتتٸگٸمدٸ توقتاتۋ تۋرالى شەشٸم جاساعاندا, بارلىق مەملەكەت باسشىلارىنان حات الدىم جەنە ولارمەن تەلەفون ارقىلى سٶيلەستٸم. وسىنداي رەاكتسييا بولاتىنىنا ٶزٸم تاڭعالدىم. بۇدان بٸزدٸڭ بارلىعىنا تاعى دا ٷلگٸ كٶرسەتكەنٸمٸزدٸ بايقاۋعا بولادى. ياعني, بيلٸك ترانزيتٸ مەسەلەسٸن قالاي شەشۋ كەرەكتٸگٸن كٶرسەتتٸك. وسى ورايدا بارلىق قادامداردا حالىق دانالىعى بولۋى تيٸس», - دەدٸ ن. نازارباەۆ.
ەسكە سالا كەتەيٸك, بٷگٸن سەنات تٶراعاسى داريعا نازارباەۆا قر تۇڭعىش پرەزيدەنتٸ – ەلباسى نۇرسۇلتان نازارباەۆقا «قۇرمەتتٸ سەناتور» تٶسبەلگٸسٸ مەن كۋەلٸگٸن تابىستادى.
