ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ (ەقىۇ) باس حاتشىسى, نەمٸس ديپلوماتى حەلگا مارييا شميدت قازاقستاننىڭ ۇيىم اياسىنداعى بەلسەندٸلٸگٸن جاقسى باعالايتىنىن ايتتى, دەپ حابارلايدى قازاقپارات.
ٶزٸنٸڭ Twitter-دەگٸ رەسمي اككاۋنتىندا ەقىۇ-نىڭ باس حاتشىسى قازاقستان استاناسىندا 19 اقپان كٷنٸ استانا سامميتٸنٸڭ 10 جىلدىق مەرەيتويىنا وراي اتالىپ ٶتكەن «استاناداعى ەقىۇ-2010 سامميتٸنٸڭ تاريحي مەنٸ مەن ٶزەكتٸلٸگٸ» اتتى حالىقارالىق ونلاين كونفەرەنتسيياسىندا جيىنعا قاتىسۋشىلارعا قۇتتىقتاۋىن جولدادى.
حەلگا مارييا شميد قازاقستاننىڭ ەقىۇ اياسىنداعى بەلسەندٸلٸگٸن باعالايتىنىن, مەملەكەتتٸڭ ەۋروپا مەن ازييا اراسىندا كٶپٸر ٸسپەتتەس ەكەنٸن اتاپ ٶتتٸ.
«قازاقستاننىڭ 2010 جىلعى ەقىۇ-داعى تٶراعالىعى مەن استانا سامميتٸ وسى ەلدٸڭ ۇيىم اياسىنداعى جۇمىسىنىڭ جارقىن سەتتەرٸنٸڭ بٸرٸ بولدى. استانا سامميتٸ اياسىنداعى اتقارىلعان جۇمىستار ەقىۇ-عا مٷشە ەلدەردٸ ناعىز قاۋٸپسٸزدٸك قوعامداستىعىن قۇرۋ جولىندا جۇمىستى جالعاستىرۋعا مٸندەتتەيدٸ. مەن قازاقستاننىڭ وسى ٷدەرٸس بارىسىندا ەلٸ دە ماڭىزدى رٶل اتقاراتىنىنا سەنٸمدٸمٸن»,-دەپ جازدى ول.
سونىمەن قاتار ەقىۇ-نىڭ باس حاتشىسى قازاقستاندى تەۋەلسٸزدٸكتٸڭ 30 جىلدىعىمەن قۇتتىقتادى.
ايتا كەتەيٸك, بٷگٸن قازاقستان استاناسى نۇر-سۇلتاندا ونلاين رەجيمدە «استاناداعى ەقىۇ-2010 سامميتٸنٸڭ تاريحي مەنٸ مەن ٶزەكتٸلٸگٸ» حالىقارالىق كونفەرەنتسييا ٶتتٸ.
شارانى قازاقستاننىڭ تۇڭعىش پرەزيدەنتٸ, ەلباسى كٸتاپحاناسى قر سىرتقى ٸستەر مينيسترلٸگٸ مەن ەقىۇ-نىڭ نۇر-سۇلتانداعى باعدارلامالار كەڭسەسٸمەن بٸرلەسٸپ ۇيىمداستىردى.
