ەكسپو-2017 كٶرمە كەشەنٸندە امەريكا قۇراما شتاتتارىنىڭ پاۆيلونى اشىلدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«مەن بۇل سالتاناتتى شاراعا قاتىسىپ وتىرعانىما قۋانىشتىمىن. امەريكا قۇراما شتاتتارىنىڭ بٸزدٸڭ كٶرمەمٸزگە قاتىسۋى - بٸز ٷشٸن ٶتە ماڭىزدى. ٶيتكەنٸ دٷنيەجٷزٸندەگٸ جەتەكشٸ ەلدٸڭ جاڭعىرتىلعان ەنەرگەتيكا سالاسىندا جەتكەن جەتٸستٸكتەرٸ كٶپ. اقش-تىڭ ەكسپو-2017 كٶرمەسٸنە قاتىسۋى قانشالىقتى ماڭىزدى ەكەندٸگٸن بەرٸمٸز جاقسى تٷسٸنەمٸز دەپ ويلايمىن. اقش پاۆيلونىنىڭ اشىلۋىنا ٷلەس قوسقاندارعا, دەمەۋشٸلەرگە, مۇندا ۇسىنىلعان جەنە بٸز تىعىز بايلانىس ورناتقان كومپانييالاردىڭ بارلىعىنا العىسىمدى بٸلدٸرگٸم كەلەدٸ», - دەدٸ «استانا ەكسپو-2017» ۇق» اق باسقارما تٶراعاسى احمەتجان ەسٸموۆ.
«استانا ەكسپو» باسشىسى 25 جىل ٸشٸندە قازاقستان مەن اقش اراسىنداعى بايلانىس جاقسى دامىپ, كٶپتەگەن امەريكالىق كومپانييالاردىڭ قازاقستاندا جۇمىس ٸستەپ جاتقانىن اتاپ ٶتتٸ.
ا.ەسٸموۆ قازاقستانداعى اقش-تىڭ تٶتەنشە جەنە ٶكٸلەتتٸ ەلشٸسٸ, پاۆيلون كوميسسارى دجوردج كرولعا ەرەكشە العىس بٸلدٸردٸ. ونىڭ ايتۋىنشا, اقش-تىڭ كٶرمەگە قاتىسۋ مەسەلەسٸ وڭايلىقپەن قابىلدانباعان, الايدا ەكٸ جاقتى كٷش بٸرٸكتٸرۋ نەتيجەسٸندە مەسەلە وڭ شەشٸمٸن تاپتى. ا.ەسٸموۆ سونداي-اق, ەكسپو-2017 كٶرمەسٸنە كەلۋشٸلەردٸڭ اقش پاۆيلونىنداعى ەكسپوزيتسيياسىمەن تانىسۋ ٶتە قىزىقتى بولاتىندىعىنا سەندٸردٸ.
«قازاقستان مەن اقش-تاعى بٸزدٸڭ ەرٸپتەستەرٸمٸزدٸ قۇتتىقتايمىن, ولاردىڭ ەرقايسىسى بٸزدٸڭ پاۆيلوننىڭ اشىلۋىنا ەلەۋلٸ ٷلەس قوستى. بٸرلەسكەن ٸس-قيمىل اقش پەن قازاقستاننىڭ ديپلوماتييالىق قاتىناستارىنىڭ ەنەرگيياسىن كٶرسەتەدٸ», - دەپ اتاپ ٶتتٸ پاۆيلون كوميسسارى, قازاقستانداعى اقش-تىڭ تٶتەنشە جەنە ٶكٸلەتتٸ ەلشٸسٸ دجوردج كرول.
اقش پاۆيلونىنىڭ پرەزيدەنتٸ دجوشۋا ۋولكەر امەريكانىڭ شەكسٸز ەنەرگيياسىنىڭ قاينار كٶزٸ ادامدار ەكەندٸگٸن اتاپ ٶتتٸ.
ايتا كەتەيٸك, اقش ەكسپوزيتسيياسى 1 100 شارشى مەتر اۋماقتى الىپ جاتىر جەنە ول ٷش بٶلٸكتەن تۇرادى: 1-زال «ەنەرگييا كەڭٸستٸگٸ» دەپ اتالادى, 2-زال «ٶمٸر ەنەرگيياسى» جەنە پوست-شوۋ ايماعى.
اقش پاۆيلونىنىڭ تاعى بٸر ەرەكشەلٸگٸ - قوناقتاردى قازاق نەمەسە ورىس تٸلدەرٸن مەڭگەرگەن قىرىق امەريكالىق ستۋدەنت قارسى الادى.
