بۇرىنعى قر قورعانىس مينيسترٸ سەكەن جاسۇزاقوۆ جاڭا قىزمەتكە تاعايىندالدى, دەپ حابارلايدى "ۇلت اقپارات" اقورداعا سٸلتەمە جاساپ.
"مەملەكەت باسشىسىنىڭ ٶكٸمٸمەن سەكەن ەدٸلحانۇلى جاسۇزاقوۆ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى اتىنداعى ۇلتتىق قورعانىس ۋنيۆەرسيتەتٸنٸڭ باستىعى قىزمەتٸنە تاعايىندالدى" دەلٸنگەن رەسمي حابارلامادا.
قازاقستان رەسپۋبليكاسى قورعانىس مينيسترٸ قىزمەتٸن اتقارعان سەكەن ەدٸلحانۇلى جاسۇزاقوۆ ەندٸ قر تۇڭعىش پرەزيدەنتٸ – ەلباسى اتىنداعى ۇلتتىق قورعانىس ۋنيۆەرسيتەتٸن باسقاراتىن بولدى.
ال, تۇڭعىش پرەزيدەنتٸ – ەلباسى اتىنداعى ۇلتتىق قورعانىس ۋنيۆەرسيتەتٸنٸڭ باستىعى اسحات ناۋرىزبايۇلى رىسپاەۆ قر مەملەكەت باسشىسىنىڭ ٶكٸمٸمەن قىزمەتٸنەن بوساتىلدى.
ايتا كەتسەك, سەكەن ەدٸلحانۇلى جاسۇزاقوۆ 1957 جىلعى 25 قازاندا وڭتٷستٸك قازاقستان وبلىسىنىڭ شالدار كەڭشارىندا تۋعان. 1978 جىلى الماتى جوعارى جالپىەسكەري كوماندالىق ۋچيليششەسٸن بٸتٸرگەن. رەسپۋبليكا قارۋلى كٷشتەرٸنٸڭ قالىپتاسۋى مەن دامۋىنا, سونداي-اق تەۋەلسٸز قازاقستاننىڭ قورعانىس قابٸلەتٸنٸڭ نىعايۋىنا لايىقتى ٷلەس قوسا وتىرىپ, لەيتەنانتتان باستاپ گەنەرالعا دەيٸنگٸ ەسكەري قىزمەتتٸڭ بارلىق ساتىلارىنان ٶتكەن.
1987 جىلدىڭ قىركٷيەگٸ مەن 1990 جىلدىڭ ماۋسىمى ارالىعىندا م.ۆ. فرۋنزە اتىنداعى ەسكەري اكادەمييادا تىڭداۋشى. ودان سوڭ الماتى قالاسى, الاتاۋ اۋداندىق ازاماتتىق قورعانىس باستىعىنىڭ ورىنباسارى – شتاب باستىعى لاۋازىمىندا بولدى.
1994 جىلعى شٸلدەدە رف قك باس شتابىنىڭ ەسكەري اكادەميياسىنا وقۋعا تٷستٸ.
1996 جىلى اتالعان اكادەمييانى بٸتٸرٸپ, قازاقستان رەسپۋبليكاسى قارۋلى كٷشتەرٸ باس شتابى باستىعىنىڭ ورىنباسارى بولدى. جەدەل جوسپارلاۋ دەپارتامەنتٸن باسقاردى. ودان سوڭ قازاقستان رەسپۋبليكاسى قارۋلى كٷشتەرٸ باس شتابى باستىعىنىڭ جەدەل جۇمىستار جٶنٸندەگٸ ورىنباسارى لاۋازىمىندا بولدى. كەيٸنٸرەك ارمييا كورپۋسىنىڭ شتاب باستىعى, ۇتقىر كٷشتەردٸڭ قولباسشىسى لاۋازىمدارىندا بولدى.
2003 جىلى باس شتاب باستىعى – قازاقستان رەسپۋبليكاسى قارۋلى كٷشتەرٸ قۇرلىق ەسكەرلەرٸ باس قولباسشىسىنىڭ بٸرٸنشٸ ورىنباسارى قىزمەتٸنە تاعايىندالدى. ودان سوڭ «شىعىس» ٶڭٸرلٸك قولباسشىلىعى ەسكەرلەرٸنٸڭ قولباسشىسى بولدى.
2007 جىلعى سەۋٸر ايىندا قر قم شتابتار باستىقتارى كوميتەتٸ تٶراعاسىنىڭ بٸرٸنشٸ ورىنباسارى لاۋازىمىنا تاعايىندالدى.
2009 جىلى سەۋٸر ايىندا مەملەكەت باسشىسىنىڭ ٶكٸمٸمەن قازاقستان رەسپۋبليكاسى قارۋلى كٷشتەرٸ قۇرلىق ەسكەرلەرٸنٸڭ باس قولباسشىسى بولىپ تاعايىندالدى.
2010 جىلعى ناۋرىز ايىنان باستاپ 2013 جىلعى 22 قاڭتارعا دەيٸن قورعانىس مينيسترٸنٸڭ بٸرٸنشٸ ورىنباسارى – قازاقستان رەسپۋبليكاسى قورعانىس مينيسترلٸگٸ شتابتار باستىقتارى كوميتەتٸنٸڭ تٶراعاسى لاۋازىمىن اتقاردى.
2013 جىلعى 22 قاڭتاردا قازاقستان رەسپۋبليكاسى پرەزيدەنتٸنٸڭ ٶكٸمٸمەن قازاقستان رەسپۋبليكاسى قورعانىس مينيسترٸنٸڭ بٸرٸنشٸ ورىنباسارى - قر قك باس شتابىنىڭ باستىعى بولىپ تاعايىندالدى.
2016 جىلعى 13 قىركٷيەكتە قازاقستان رەسپۋبليكاسى پرەزيدەنتٸنٸڭ جارلىعىمەن قازاقستان رەسپۋبليكاسىنىڭ قورعانىس مينيسترٸ بولىپ تاعايىندالدى.
«قىزىل جۇلدىز», ٸٸٸ دەرەجەلٸ «قسرو قك-دەگٸ وتانعا قىزمەتٸ ٷشٸن», II دەرەجەلٸ «دانق», II دەرەجەلٸ «ەۋليە كنياز الەكساندر نەۆسكيي» جەنە ەر تٷرلٸ دەرەجەدەگٸ 21 مەدالمەن ناگرادتالعان.
1981-1983 جىلدار ارالىعىندا ادر جاۋىنگەرلٸك قيمىلدارعا قاتىسقان.
1993-1994 جىلدارى تەجٸكستان رەسپۋبليكاسىندا بٸتٸمگەرلٸك ميسسييا اتقاردى.
