رەسەيدٸڭ دەنساۋلىق ساقتاۋ مينيسترلٸگٸ جانىنداعى ەيەلدەردٸڭ رەپرودۋكتيۆتٸ دەنساۋلىعى بويىنشا شتاتتان تىس باس مامانى ناتاليا دولگۋشينا ەكپە سالدىرۋ ٷشٸن جٷكتٸلٸكتٸڭ ىنعايلى كەزەڭٸن اتادى, - دەپ حابارلايدى Tengrinews.kz تٸلشٸسٸ ريا نوۆوستيگە سٸلتەمە جاساپ.
ماماننىڭ ايتۋىنشا, رەسەيدە قازٸرگٸ ۋاقىتتا "سپۋتنيك V" ۆاكتسيناسىن جٷكتٸلٸك كەزٸندە قولدانۋعا رۇقسات بەرٸلگەن. "ەكپەنٸ 22 اپتادان كەيٸن سالدىرسا بولادى", - دەدٸ دولگۋشينا.
ونىڭ ايتۋىنشا, COVID-19 جٷكتٸ ەيەلدەر ٷشٸن قاۋٸپتٸ اۋرۋ, بۇل اكۋشەرلٸك اسقىنۋلار مەن انا ٶلٸمٸنٸڭ جوعارىلاۋىنا ەكەلەدٸ. جٷكتٸلٸك كەزٸندە كوروناۆيرۋس سەمٸزدٸك, جٷرەك-تامىر اۋرۋلارى, ٶكپەنٸڭ سوزىلمالى اۋرۋلارى, قانت ديابەتٸ, قاتەرلٸ ٸسٸك, باۋىر مەن بٷيرەكتٸڭ سوزىلمالى اۋرۋلارى بار ەيەلدەردە اسا قاۋٸپتٸ.
كوروناۆيرۋستىڭ اۋىر تٷرٸ مەن ٶلٸمٸنٸڭ الدىن الۋ ٷشٸن ۆاكتسينا سالدىرۋ قاجەت, دەدٸ مامان.
ونىڭ ايتۋىنشا, جٷكتٸلٸكتٸ جوسپارلاۋ كەزەڭٸندە الدىن الا ۆاكتسينا العان دۇرىس, الايدا ول كەزدە الماسا, جٷكتٸلٸك كەزٸندە سالدىرا الادى.
