Reseidiń Densaýlyq saqtaý ministrligi janyndaǵy áielderdiń reprodýktivti densaýlyǵy boiynsha shtattan tys bas mamany Natalia Dolgýshina ekpe saldyrý úshin júktiliktiń ynǵaily kezeńin atady, - dep habarlaidy Tengrinews.kz tilshisi RIA Novostige silteme jasap.
Mamannyń aitýynsha, Reseide qazirgi ýaqytta "Spýtnik V" vaktsinasyn júktilik kezinde qoldanýǵa ruqsat berilgen. "Ekpeni 22 aptadan keiin saldyrsa bolady", - dedi Dolgýshina.
Onyń aitýynsha, COVID-19 júkti áielder úshin qaýipti aýrý, bul akýsherlik asqynýlar men ana óliminiń joǵarylaýyna ákeledi. Júktilik kezinde koronavirýs semizdik, júrek-tamyr aýrýlary, ókpeniń sozylmaly aýrýlary, qant diabeti, qaterli isik, baýyr men búirektiń sozylmaly aýrýlary bar áielderde asa qaýipti.
Koronavirýstyń aýyr túri men óliminiń aldyn alý úshin vaktsina saldyrý qajet, dedi maman.
Onyń aitýynsha, júktilikti josparlaý kezeńinde aldyn ala vaktsina alǵan durys, alaida ol kezde almasa, júktilik kezinde saldyra alady.
