ەل اۋماعىنداعى ەكپە پۋنكتتەرٸندە كوروناۆيرۋس ۆاكتسيناسىنىڭ 2,3 ميلليوننان استام دوزاسى بار. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«بٷگٸنگٸ تاڭدا ۆاكتسينانىڭ بٸرٸنشٸ كومپونەنتٸن 6,4 ملن ادام قابىلدادى. ۆاكتسينا الۋعا جاتاتىن حالىقتىڭ قامتىلۋ دەڭگەيٸ – 62 پايىز. ەكٸنشٸ كومپونەنتتٸ 5 ميلليوننان استام ادام الدى. ۆاكتسينا الۋعا جاتاتىن حالىقتىڭ 50 پايىزى قامتىلدى. ۆاكتسيناتسييامەن قامتۋ دەڭگەيٸ بويىنشا ەڭ جوعارى كٶرسەتكٸش 9 ٶڭٸردە – شىمكەنت, الماتى, نۇر-سۇلتان قالالارى مەن تٷركٸستان, سولتٷستٸك قازاقستان, شىعىس قازاقستان, قىزىلوردا, اقمولا, اتىراۋ وبلىستارىندا تٸركەلدٸ», - دەدٸ ۆەدومستۆو باسشىسى,
ونىڭ ايتۋىنا قاراعاندا ۆاكتسياننىڭ بٸرٸنشٸ دوزاسىن العانداردىڭ ەڭ تٶمەنگٸ كٶرسەتكٸشٸ ماڭعىستاۋ وبلىسىندا تٸركەلگەن – 38 پايىز.
«بارلىق ەكپە پۋنكتتەرٸندە بٸرٸنشٸ كومپونەنتتٸڭ 1,4 ملن دوزاسى, ەكٸنشٸ كومپونەنتتٸڭ 940 مىڭ دوزاسى بار. جەتكٸزۋ كەستە بويىنشا جالعاسىپ جاتىر», - دەدٸ الەكسەي تسوي.
سونداي-اق, ول ٷكٸمەت وتىرىسىندا كٷزدەگٸ ەپيداحۋالدىڭ ٷش ستسەنارييدەگٸ ىقتيمال بولجامىن ايتتى.
«مينيسترلٸك قاراشا ايىنا دەيٸنگٸ ەپيدەميولوگييالىق بولجامدى جاڭارتتى. پەسسيميستٸك ستسەناريي بويىنشا قىركٷيەك ايىندا 6 300 جاعدايعا, قازان ايىندا 2 400 جاعداي جەتەدٸ. شىنايى ستسەناريي بويىنشا قىركٷيەكتە 5 400 جاعدايعا, قازاندا 1 800 جاعدايعا جەتەدٸ. وپتيميستٸك ستسەناريي جاعدايىندا قىركٷيەكتە 4 200 جاعدايعا, قازاندا 1 300 جاعدايعا جەتەدٸ», - دەدٸ مينيستر.
