El aýmaǵyndaǵy ekpe pýnktterinde koronavirýs vaktsinasynyń 2,3 millionnan astam dozasy bar. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Búgingi tańda vaktsinanyń birinshi komponentin 6,4 mln adam qabyldady. Vaktsina alýǵa jatatyn halyqtyń qamtylý deńgeii – 62 paiyz. Ekinshi komponentti 5 millionnan astam adam aldy. Vaktsina alýǵa jatatyn halyqtyń 50 paiyzy qamtyldy. Vaktsinatsiiamen qamtý deńgeii boiynsha eń joǵary kórsetkish 9 óńirde – Shymkent, Almaty, Nur-Sultan qalalary men Túrkistan, Soltústik Qazaqstan, Shyǵys Qazaqstan, Qyzylorda, Aqmola, Atyraý oblystarynda tirkeldi», - dedi vedomstvo basshysy,
Onyń aitýyna qaraǵanda vaktsiannyń birinshi dozasyn alǵandardyń eń tómengi kórsetkishi Mańǵystaý oblysynda tirkelgen – 38 paiyz.
«Barlyq ekpe pýnktterinde birinshi komponenttiń 1,4 mln dozasy, ekinshi komponenttiń 940 myń dozasy bar. Jetkizý keste boiynsha jalǵasyp jatyr», - dedi Aleksei Tsoi.
Sondai-aq, ol Úkimet otyrysynda kúzdegi epidahýaldyń úsh stsenariidegi yqtimal boljamyn aitty.
«Ministrlik qarasha aiyna deiingi epidemiologiialyq boljamdy jańartty. Pessimistik stsenarii boiynsha qyrkúiek aiynda 6 300 jaǵdaiǵa, qazan aiynda 2 400 jaǵdai jetedi. Shynaiy stsenarii boiynsha qyrkúiekte 5 400 jaǵdaiǵa, qazanda 1 800 jaǵdaiǵa jetedi. Optimistik stsenarii jaǵdaiynda qyrkúiekte 4 200 jaǵdaiǵa, qazanda 1 300 jaǵdaiǵa jetedi», - dedi ministr.
