قر ەكولوگييا, گەولوگييا جەنە تابيعي رەسۋرستار مينيسترلٸگٸ سۋ رەسۋرستارى كوميتەتٸنٸڭ ماماندارى «تاۋ-كەن سامۇرىق» ۇلتتىق تاۋ-كەن كومپانيياسى» اق-نىڭ الماتى وبلىسىنىڭ بالقاش اۋدانىنداعى جوباسىنا تەرٸس باعا بەردٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سلتەمە جاساپ.
كومپانييا گەولوگييالىق بارلاۋ ٷشٸن قاراستىرىپ جاتقان اۋماقتار رەسپۋبليكالىق ماڭىزى بار تابيعي قورىقشانىڭ شەكاراسىندا ورنالاسقان.
«ەرەكشە قورعالاتىن تابيعي اۋماقتار تۋرالى» زاڭعا سەيكەس, كەشەندٸ مەملەكەتتٸك تابيعي قورىقشالاردا تابيعي كەشەندەرگە, ٶسٸمدٸكتەر مەن جانۋارلاردىڭ ينترودۋكتسيياسىنا قاۋٸپ تٶندٸرەتٸن شارۋاشىلىق قىزمەت جٷرگٸزۋگە تىيىم سالىنادى. اتالعان زاڭ نورمالارىندا «جارىلىسقا, زيياندى تەحنولوگييا مەن تەحنيكانى, جەردٸ جىرتۋعا» تىيىم سالىناتىنى دا جازىلعان.
«وسىعان بايلانىستى ەكولوگييا مينيسترلٸگٸنٸڭ سۋ رەسۋرستارى كوميتەتٸنٸڭ ماماندارى قورىقشا اۋماعىندا گەولوگييالىق بارلاۋ جٷرگٸزۋ دۇرىس ەمەس دەپ سانايدى. مينيسترلٸك ساراپشىلارىنىڭ باعالاۋىنشا, ٸلە ٶزەنٸنٸڭ ساعاسى گەولوگييالىق بارلاۋ جۇمىسىن جٷرگٸزۋ جەرٷستٸ جەنە جەراستى سۋلارىنا, سونىمەن بٸرگە ٸلەنٸڭ ەكوجٷيەسٸنە تەرٸس ەسەرٸن تيگٸزەدٸ.
ٸلە ٶزەنٸ بالقاش كٶلٸنە قۇيار تۇستا اۋماعى 8 مىڭ شارشى شاقىرىمدى قۇرايتىن اتىراۋعا (دەلتا) اينالادى. ەلٸمٸزدەگٸ ساقتالىپ قالعان جالعىز دەلتا كٶلمەن گيدراۆليكالىق بايلانىستا جەنە ول ەكوجٷيەدەگٸ ەكولوگييالىق تەپە-تەڭدٸكتٸ ۇستاپ تۇرۋدا تابيعي رەتتەۋشٸ رٶلٸن اتقارادى.
بالقاش شۇڭعىماسىنداعى ينتەنسيۆتٸ شارۋاشىلىق قىزمەت كٶلگە قاۋٸپ تٶندٸرٸپ, كەرٸ سالدارعا اپارىپ سوقتىرۋى مٷمكٸن», دەلٸنگەن حابارلامادا.
مينيسترلٸك ماماندارى, وپتيمالدى گيدرولوگييالىق رەجيمدٸ ۇستاپ تۇرۋ ٷشٸن دەلتا ۋچاسكەسٸندە ونداعى قالىپتاسقان جاعدايدى ٶزگەرتەتٸن يرريگاتسييالىق جۇمىستاردى توقتاتۋ كەرەك دەپ سانايدى.
