«قاھارماندار» قوعامدىق قورىنىڭ پرەزيدەنتٸ سابىر قاسىموۆ مەملەكەت باسشىسى قاسىم-جومارت توقاەۆتىڭ ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸنە وراي جارييالاعان ٷندەۋٸنە پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«قازاقستان پرەزيدەنتٸ قاسىم-جومارت توقاەۆتىڭ ٷندەۋٸندە ساياسي قۋعىن-سٷرگٸن قۇرباندارىن اقتاۋ ٷشٸن ارنايى مەملەكەتتٸك كوميسسييا قۇرۋدى تاپسىرعانى ٶتە ورىندى دٷنيە بولدى. مۇنى جالپى قازاق قوعامى, زييالى قاۋىم, تاريحشىلار مەن ٶلكەتانۋشىلار, تۇتاستاي العاندا ۇلتجاندى ازاماتتار كٶپتەن بەرٸ كٷتكەن ەدٸ. مەملەكەت باسشىسىنىڭ بۇل شەشٸمٸ ٶزٸنٸڭ ساياسي رەفورمالارىنىڭ, «حالىق ٷنٸنە قۇلاق اساتىن مەملەكەت» تۇجىرىمداماسىنىڭ زاڭدى جالعاسى ٸسپەتتٸ. قاسىم-جومارت كەمەلۇلى «Egemen Qazaqstan» گازەتٸنە بەرگەن سۇحباتىندا «جاڭا سىن-سىناققا تٶتەپ بەرۋ ٷشٸن, ەڭ الدىمەن, ۇلتتىق قۇندىلىقتاردى قورعاي بٸلگەن جٶن» دەگەن بولاتىن. دەمەك, پرەزيدەنتتٸڭ سوڭعى ٷندەۋٸ دە, كوميسسييا قۇرۋ تۋرالى شەشٸمٸ دە دەل وسى باعىتتا جاسالىپ وتىر دەپ بٸلەمٸن», - دەدٸ ول.
سوناۋ 1991 جىلدىڭ قاراشاسىندا قازاقستان رەسپۋبليكاسى جوعارعى كەڭەسٸ قازاقستانداعى ساياسي قۋعىن-سٷرگٸن جەنە جاپپاي اشارشىلىقتىڭ سەبەپتەرٸ مەن زارداپتارىن ارنايى ساراپتاۋدان ٶتكٸزۋ ماقساتىندا پارلامەنتتٸك ارنايى كوميسسييا قۇرعان بولاتىن. جوعارى كەڭەس دەپۋتاتى ماناش قوزىباەۆ باسشىلىق جاساعان اتالعان كوميسسييا قۇرامىندا جۇمىس ٸستەگەن سابىر قاسىموۆ سول ۋاقىتتا جۇمىستىڭ اتقارىلعانىمەن كەمشٸلٸكتەردٸڭ دە ورىن العاندىعىن ايتادى.
«ول ۋاقىت تەۋەلسٸزدٸگٸمٸزدٸ الىپ, «بٶركٸمٸزدٸ اسپانعا اتىپ جاتقان» سەت بولاتىن. ٶكٸنٸشكە قاراي 1993 جىلعى «جاپپاي ساياسي قۋعىن-سٷرگٸن قۇرباندارىن اقتاۋ تۋرالى» زاڭنىڭ نەگٸزگٸ جەرلەرٸن كٶرشٸ رەسەي ەلٸنەن كٶشٸرٸپ الا سالعان. قازاقتىڭ ۇلتتىق ەرەكشەلٸگٸن, قازاقستاندا بولعان قۋعىن-سٷرگٸننٸڭ رەسەيدە بولماعاندىعىن ايتىپ, زاڭدى ٶزٸمٸز جاساۋدى ۇسىنعان ەدٸك. تٸپتٸ, ماناش قوزىباەۆ باسقارعان كوميسسييانىڭ ۇسىنىستارىن سول كەزدەگٸ جوعارعى كەڭەس دەپۋتاتتارى زاڭعا كٸرگٸزبەي قويدى. ٶيتكەنٸ, قازاقتىڭ تەڭ جارتىسى قىرىلىپ قالدى», - دەدٸ سابىر قاسىموۆ.
«قاھارماندار» قوعامدىق قورىنىڭ پرەزيدەنتٸ ەكٸنشٸ دٷنيەجٷزٸلٸك سوعىس كەزٸندە نەمٸستەردٸڭ قولىنا تۇتقىن بولعان وتانداستارىمىزدىڭ دا ەلٸ كٷنگە اقتالماي كەلە جاتقاندىعىنا قىنجىلىس بٸلدٸرەدٸ.
«1995 جىلى رەسەيدٸڭ سول كەزدەگٸ پرەزيدەنتٸ بوريس ەلتسيننٸڭ جارلىعىمەن سوعىس كەزٸندە ەسكەري تۇتقىن بولعان رەسەيلٸكتەردٸڭ بارلىعى اقتالدى. ال بٸز وسى كٷنگە دەيٸن سوعىس كەزٸندە تۇتقىن بولعان ازاماتتارىمىزدىڭ اقتاي الماي كەلەمٸز. تاريحتى قايتا جازۋ ويىمىزدا جوق. بٸراق, بۇل ەسكەري تۇتقىندار اقتالۋى تيٸس», - دەدٸ ول.
