WBC, WBA (Super), IBF جەنە IBO تۇجىرىمدارى بويىنشا ەلەم چەمپيونى قازاقستاندىق گەنناديي گولوۆكين ەكٸنشٸ بالاسى دٷنيەگە كەلەتٸنٸن مەلٸمدەدٸ. بۇل تۋرالى بوكسشى L'Equipe فرانتسۋز گازەتٸنە بەرگەن سۇحباتىندا ايتتى, - دەپ حابارلايدى Vesti.kz.
"اقش-تا ٶزٸممەن بٸرگە باۋىرىم ماكسيم جٷر, سەبەبٸ ول كوماندانىڭ بٸر بٶلشەگٸ, باپكەر. قاسىمدا ەيەلٸم مەن بالام دا بار, ۇلىم امەريكالىق مەكتەپتە وقىپ, ەردايىم قۋانتىپ جٷر. ەيەلٸم جٷكتٸ. ەكٸنشٸ بالانى كٷتٸپ جٷرمٸز. ول وسىندا, اقش-تا تۋادى", - دەدٸ گولوۆكين.
ايتا كەتەيٸك, بيىل 7 شٸلدەدە 35 جاستاعى گولوۆكين ٷيلەنگەنٸنە 10 جىل تولعانىن تويلادى. بۇل بٸردەي ساندارعا كەلەتٸن كٷنٸ اتالىپ ٶتتٸ - 7.07.2007. ونىڭ ەيەلٸ الينا دا قاراعاندىنىڭ تۋماسى, ٶزٸ جايلى ينتەرنەتتە جارييا ەتە بەرمەيدٸ. جۇپ تويعا دەيٸن جەتٸ جىل كەزدەسٸپ جٷرٸپتٸ. الينا گولوۆكينانىڭ ەكٸ جوعارى بٸلٸمٸ بار, الايدا وتباسى ٷشٸن مانسابىنان باس تارتقان. 2009 جىلى ولاردىڭ ۆاديم ەسٸمدٸ بالاسى دٷنيەگە كەلگەن, ونىڭ ەسٸمٸ بوكسشىنىڭ قايتىس بولعان اعاسىنىڭ قۇرمەتٸنە قويىلعان. بالا حوككەيمەن اينالىسادى.
