4-5 تامىز كٷندەرٸ قازاقستان اۋماعى ارقىلى رەسەيدەن 4 600-دەن استام ٶزبەكستان مەن قىرعىزستان ازاماتى ترانزيتتٸك دەلٸز ارقىلى ٶتتٸ, دەپ حابارلايدى "ۇلت اقپارات".
«قىرعىز بەن ٶزبەك تاراپى 27 شٸلدە مەن 3 تامىزدا رەسەي فەدەراتسيياسىنان ٶز ازاماتتارىن شىعارۋ ٷشٸن ترانزيتتٸك دەلٸز بەرۋ ٶتٸنٸشٸمەن بٸزگە رەسمي جٷگٸنگەن بولاتىن. بۇل مەسەلە وڭ شەشٸمٸن تاپتى. 4-5 تامىز كٷندەرٸ رەسەيدەن قازاقستان اۋماعى ارقىلى 2 435 قىرعىزستان ازاماتى مٸنگەن 40-تان استام اۆتوبۋس ٶتتٸ. 2,2 مىڭ ٶزبەكستان ازاماتىنىڭ ترانزيتٸ ٶزبەك تاراپى ۇسىنعان تەمٸر جول كٶلٸگٸمەن جٷزەگە اسىرىلدى», - دەدٸ قر سىرتقى ٸستەر مينيسترلٸگٸنٸڭ باسپاسٶز قىزمەتٸنەن.
قىرعىزستان سىرتقى ٸستەر مينيسترلٸگٸنٸڭ مەلٸمەتٸنشە, 1 101 قىرعىز مٸنگەن 20 اۆتوبۋس 4 تامىز كٷنٸ كەشكٸسٸن قازاقستان-رەسەي شەكاراسىنان ٶتكەن. قازٸرگٸ ۋاقىتتا قازاقستان اۋماعى ارقىلى قىرعىزستانعا كەتٸپ بارا جاتىر. ال 1 356 قىرعىز مٸنگەن 23 اۆتوبۋس قازاقستان-رەسەي شەكاراسىنان بٷگٸن ٶتتٸ جەنە قىرعىزستانعا قاراي بەت الدى.
