نۇر-سۇلتان قالاسىنىڭ تۇرعىن ٷي قورى باسقارماسى پەتەر كەزەگٸنە ونلاين تٸركەلۋ ەدٸسٸن تٷسٸندٸردٸ, دەپ حابارلايدى قازاقپارات.
ونلاين كەزەككە تۇرۋعا كٶمەكتەسەتٸن ەگجەي-تەگجەيلٸ نۇسقاۋلىقتى باسقارما ٶزٸنٸڭ Instagram پاراقشاسىندا جارييالادى.
ول ٷشٸن نە قاجەت:
- ەلەكتروندىق تسيفرلىق قولتاڭبا (ەتسق).
1-قادام:
- egov.kz پورتالىنا كٸرەمٸز;
- سٸزدٸڭ الدىڭىزدا پورتالدىڭ بارلىق بٶلٸمدەرٸ شىعادى, «جىلجىمايتىن مٷلٸك» قىزمەتٸن تاڭدايمىز;
- وسىدان كەيٸن الىڭىزدا «جىلجىمايتىن مٷلٸك» قىزمەتٸ شىعادى, ونىڭ ٸشٸندە «مەملەكەتتٸك تۇرعىن ٷي قورىنان بەرٸلەتٸن تۇرعىن ٷيگە نەمەسە جەكە تۇرعىن ٷي قورىنان جەرگٸلٸكتٸ اتقارۋشى ورگان جالداعان تۇرعىن ٷيگە مۇقتاج ازاماتتاردى ەسەپكە الۋ جەنە كەزەككە قويۋ, سونداي-اق جەرگٸلٸكتٸ اتقارۋشى ورگانداردىڭ تۇرعىن ٷي بەرۋ تۋرالى شەشٸم قابىلداۋى» قىزمەتٸن تاڭدايسىز.
- «قىزمەتكە ونلاين تاپسىرىس بەرۋ» باتىرماسىن باساسىز.
ودان كەيٸن ەرٸ قاراي سٸزدٸڭ الدىڭىزدا ەكٸ قىزمەت شىعادى:
- كەزەككە قويۋ;
- كەزەكتە تۇرعاندار تۋرالى مەلٸمەتتٸ ٶزگەرتۋ.
سٸز «كەزەككە قويۋدى» تاڭداۋىڭىز كەرەك.
2-قادام:
- سٸزدٸڭ الدىڭىزدا بوس ٶرٸستەر پايدا بولعاننان كەيٸن دەرەكتەردٸ تولتىرۋ قاجەت.
- سودان كەيٸن قولايلى ساناتتى تاڭداڭىز.
- ٸشكٸ ساناتتى تاڭداڭىز.
- «نەگٸزدەمە» بٶلٸمٸندە «قر اۋماعىندا مەنشٸك قۇقىعىندا تۇرعىن ٷيدٸڭ بولماۋىن» تاڭداۋ قاجەت.
- دەرەكتەردٸ تولتىرامىز: تەلەفون نٶمٸرٸ, ەلەكتروندى پوشتا, جسن.
- «تۋىستىق دەرەجە» بٶلٸمٸندە وتباسى مٷشەلەرٸ بولعان جاعدايدا مٸندەتتٸ تٷردە كٶرسەتەمٸز.
- نازار اۋدارىڭىز: «جۇمىس ورنى» بٶلٸمٸن «مەملەكەتتٸك قىزمەتشٸ» رەتٸندە تۇرعىن ٷيگە كەزەككە تۇرعىسى كەلەتٸن ٶتٸنٸش بەرۋشٸلەر عانا تولتىرادى.
3-قادام:
- ٶتٸنٸمگە ەتسق كٸلتٸمەن قول قويامىز;
نەتيجەسٸندە ٶتٸنٸم تولتىرىلىپ, جٸبەرٸلدٸ.
ٶتٸنٸمنٸڭ مەرتەبەسٸن جەكە كابينەتتە «قىزمەتتەردٸ الۋ تاريحى»بٶلٸمٸندە كٶرۋگە بولادى.
ٶتٸنٸمدٸ تۇرعىن ٷي باسقارماسى 30 كٷنتٸزبە كٷنٸ ٸشٸندە قارايدى, جاۋاپ ەسەپكە قويۋ نەمەسە قويۋدان باس تارتۋ تٷرٸندە تەلەفونعا سمس-حابارلامامەن كەلەدٸ.
