Nur-Sultan qalasynyń turǵyn úi qory basqarmasy páter kezegine onlain tirkelý ádisin túsindirdi, dep habarlaidy QazAqparat.
Onlain kezekke turýǵa kómektesetin egjei-tegjeili nusqaýlyqty basqarma óziniń Instagram paraqshasynda jariialady.
Ol úshin ne qajet:
- Elektrondyq tsifrlyq qoltańba (ETsQ).
1-qadam:
- egov.kz portalyna kiremiz;
- Sizdiń aldyńyzda portaldyń barlyq bólimderi shyǵady, «Jyljymaityn múlik» qyzmetin tańdaimyz;
- Osydan keiin alyńyzda «Jyljymaityn múlik» qyzmeti shyǵady, onyń ishinde «Memlekettik turǵyn úi qorynan beriletin turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige muqtaj azamattardy esepke alý jáne kezekke qoiý, sondai-aq jergilikti atqarýshy organdardyń turǵyn úi berý týraly sheshim qabyldaýy» qyzmetin tańdaisyz.
- «Qyzmetke onlain tapsyrys berý» batyrmasyn basasyz.
Odan keiin ári qarai sizdiń aldyńyzda eki qyzmet shyǵady:
- kezekke qoiý;
- kezekte turǵandar týraly málimetti ózgertý.
Siz «Kezekke qoiýdy» tańdaýyńyz kerek.
2-qadam:
- Sizdiń aldyńyzda bos órister paida bolǵannan keiin derekterdi toltyrý qajet.
- Sodan keiin qolaily sanatty tańdańyz.
- Ishki sanatty tańdańyz.
- «Negizdeme» bóliminde «QR aýmaǵynda menshik quqyǵynda turǵyn úidiń bolmaýyn» tańdaý qajet.
- Derekterdi toltyramyz: telefon nómiri, elektrondy poshta, JSN.
- «Týystyq dáreje» bóliminde otbasy músheleri bolǵan jaǵdaida mindetti túrde kórsetemiz.
- Nazar aýdaryńyz: «Jumys orny» bólimin «Memlekettik qyzmetshi» retinde turǵyn úige kezekke turǵysy keletin ótinish berýshiler ǵana toltyrady.
3-qadam:
- Ótinimge ETsQ kiltimen qol qoiamyz;
Nátijesinde ótinim toltyrylyp, jiberildi.
Ótinimniń mártebesin jeke kabinette «Qyzmetterdi alý tarihy»bóliminde kórýge bolady.
Ótinimdi turǵyn úi basqarmasy 30 kúntizbe kúni ishinde qaraidy, jaýap esepke qoiý nemese qoiýdan bas tartý túrinde telefonǵa sms-habarlamamen keledi.
