فوتو: primeminister.kz
پرەمەر-مينيستر ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا الداعى جىلىتۋ ماۋسىمىنا دايىندىق بارىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ەنەرگەتيكا مينيسترٸ الماسادام سەتقاليەۆ وسى جىلى ەلەكتر ستانسالارىندا 10 ەنەرگوبلوك, 49 قازاندىق جەنە 54 تۋربينانى كٷردەلٸ جٶندەۋدەن ٶتكٸزۋ جوسپارلانعانىن باياندادى. قازٸرگٸ تاڭدا 3 ەنەرگوبلوك, 19 قازاندىق جەنە 8 تۋربينادا جۇمىس جٷرگٸزٸلٸپ جاتىر. 3 قازاندىق پەن 8 تۋربينادا جٶندەۋ جۇمىستارى اياقتالدى.
بيىل 25,3 مىڭ شاقىرىمعا جۋىق ەلەكتر بەرۋ جەلٸسٸن, 567 قوسالقى ستانسانى, 3,5 مىڭ تاراتۋ پۋنكتٸن جەنە ترانسفورماتورلىق قوسالقى ستانسالاردى جٶندەۋ جوسپارلانىپ وتىر. بٷگٸنگٸ تاڭدا 2 مىڭ شاقىرىمعا جۋىق ەلەكتر بەرۋ جەلٸلەرٸ, 69 قوسالقى ستانسا, سونداي-اق 469 تاراتۋ پۋنكتٸ مەن ترانسفورماتورلاردا جۇمىس اياقتالدى.
مينيستر جٶندەۋ جۇمىستارىن جٷرگٸزۋ كەزٸندە الداعى جىلىتۋ كەزەڭٸندە تەۋەكەل ايماعىنا كٸرەتٸن ەنەرگەتيكالىق كەسٸپورىندارعا ەرەكشە نازار اۋدارىلاتىنىن ايتىپ ٶتتٸ. اتاپ ايتقاندا, ريددەر جەو-نىڭ بارلىق 6 قازاندىعىن جٶندەۋدٸ باستاۋ ٷشٸن قاجەتتٸ شارالار قابىلداندى. وسىنداي جۇمىستار ەكٸباستۇز, جەزقازعان, كەنتاۋ جەنە ت. ب. جىلۋ ەلەكتر ورتالىقتارىندا دا جٷرگٸزٸلٸپ وتىر.
يندۋسترييا جەنە ينفراقۇرىلىمدىق دامۋ مينيسترٸ مارات قاراباەۆ اتاپ ٶتكەندەي, بٷگٸندە ەلەۋمەتتٸك نىساندار مەن تۇرعىن ٷيلەر الداعى جىلىتۋ كەزەڭٸنە قىزۋ دايىندىق ٷستٸندە. 22 ماۋسىمداعى جاعداي بويىنشا 2,5 مىڭ بٸلٸم بەرۋ نىسانى مەن 1,7 مىڭ دەنساۋلىق ساقتاۋ نىسانىندا جەنە 7,3 مىڭ تۇعىن ٷيدە قىسىمدى تەكسەرۋ جۇمىستارى جٷرگٸزٸلدٸ.
سونىمەن قاتار بارلىق ٶڭٸرلەردە جىلۋ جەلٸلەرٸنە تەحنيكالىق تەكسەرۋ جٷرگٸزٸلٸپ جاتىر. بٷگٸنگٸ تاڭدا 89 قالانىڭ 30-ىندا جۇمىس اياقتالدى. جالپى, جىل سوڭىنا دەيٸن 500 شاقىرىمنان استام جىلۋ جەلٸلەرٸن جٶندەۋدەن ٶتكٸزۋ جوسپارلانعان. سونداي-اق 1,4 مىڭ شاقىرىم سۋمەن جابدىقتاۋ جەلٸلەرٸنٸڭ 233 شاقىرىمى, 46 شاقىرىم سۋ بۇرۋ جەلٸسٸ جٶندەلدٸ.
سونداي-اق اتقارىلىپ جاتقان جۇمىستار تۋرالى پاۆلودار وبلىسىنىڭ ەكٸمٸ – اسايىن بايحانوۆ, قاراعاندى وبلىسىنىڭ ەكٸمٸ – ەرماعانبەت بٶلەكپاەۆ, اباي وبلىسىنىڭ ەكٸمٸ – نۇرلان ۇرانحاەۆ بايانداما جاسادى.
پرەمەر-مينيستر الداعى جىلىتۋ ماۋسىمىنا دايىندىق مەسەلەسٸ ماۋسىم ايىندا ەدەيٸ ەرتەرەك قارالىپ جاتقانىن اتاپ ٶتتٸ. الايدا, ونىڭ ايتۋىنشا, قازٸر ەكٸمدٸكتەر مەن ورتالىق مەملەكەتتٸك ورگانداردىڭ جۇمىسىنان بٸرقاتار كەمشٸلٸكتەر كٶرٸنٸپ جاتىر.
مەسەلەن, جٷيەلٸ وپەراتور «KEGOC» كومپانيياسى جىلۋ ەلەكتر ورتالىقتارىنداعى كٷردەلٸ جٶندەۋ جۇمىستارىن بەكٸتتٸ, بٸراق, بۇل جۇمىستار كٶپتەگەن ٶڭٸردە كەشٸگٸپ جاتىر, ال, ەندٸ بٸرٸ جٶندەۋ جۇمىستارىن تٸپتٸ كەلەسٸ جىلعا قالدىرۋدا.
«مىسالى, اتىراۋ جىلۋ ورتالىعىندا تۋربينالاردى جٶندەۋ جۇمىستارى باستالعان جوق. مەرزٸمنٸڭ بۇزىلۋى – 60 كٷندٸ قۇراپ وتىر. رۋدنىي جىلۋ ورتالىعىندا دا وسىنداي جاعداي. 45 كٷننەن بەرٸ جۇمىس توقتاپ تۇر. تەمٸرتاۋ قالاسىنىڭ 1-گرەس-ٸندەگٸ قازاندىقتى جٶندەۋ جۇمىستارى جوسپاردان مٷلدەم الىنىپ تاستالعان. ايتا بەرسەك, مۇنداي مىسالدار كٶپ. بۇلاي جۇمىس ٸستەۋگە بولمايدى. ەنەرگييا وبەكتٸلەرٸ يەلەرٸنٸڭ جاۋاپكەرشٸلٸگٸن كٷشەيتۋ قاجەت. ولاردىڭ الدىنا قاتاڭ تٷردە قارسى مٸندەت قويۋ كەرەك», — دەدٸ ەليحان سمايىلوۆ.
ول سونداي-اق جىلۋ جەلٸلەرٸن جٶندەۋ جۇمىستارىنىڭ قارقىنى ٶتە باياۋ ەكەنٸن اتاپ ٶتتٸ: 47 جوبانىڭ 30-ىندا عانا جۇمىس جٷرٸپ جاتىر. جەلٸلەردٸ تەحنيكالىق تەكسەرۋ جۇمىستارى دا بٸتكەن جوق. ٷكٸمەت باسشىسىنىڭ پٸكٸرٸنشە, ۋەكٸلەتتٸ ورگان مەن ەكٸمدٸكتەردٸڭ اراسىندا ٷيلەستٸرۋدٸڭ جوقتىعىنان وسىنداي كەمشٸلٸكتەر ورىن الىپ وتىر.
«جالپى, جىلىتۋ ماۋسىمىنا دايىندىق جۇمىستارىن ناشار دەپ باعالايمىن. بٸرٸنشٸ باسشىلاردىڭ, ەكٸمدەر مەن مينيسترلەردٸڭ جاۋاپتى ورىنباسارلارى «كابينەتتە وتىرماي» جۇمىستىڭ بەل ورتاسىندا جٷرۋٸ تيٸس. پروبلەمالاردى وبەكتٸنٸڭ باسىندا شۇعىل شەشۋ قاجەت. ارقانى كەڭگە سالاتىن ۋاقىت جوق, جاز ورتاسى كەلٸپ قالدى. تەۋلٸك بويى جۇمىس ٸستەۋ كەرەك. بٸزدە قۇرىلىس ماۋسىمى ٶتە قىسقا, سوندىقتان تەۋەكەل دە جوعارى. ەگەر جاز بٸتكەنشە جاعداي جاقسارمايتىن بولسا, وندا جاۋاپتى ادامدارعا قاتىستى كادرلىق شەشٸمدەر قابىلداناتىن بولادى», — دەدٸ ەليحان سمايىلوۆ.
ٷكٸمەت باسشىسى ەنەرگەتيكا مينيسترلٸگٸ ٶڭٸر ەكٸمدەرٸمەن بٸرلەسٸپ, جىلۋ كٶزدەرٸنٸڭ جٶندەۋ مەرزٸمدەرٸن اۋىستىرماي, جىلىتۋ ماۋسىمىنا تولىق دايىندىقتى قامتاماسىز ەتۋٸ, يندۋسترييا مينيسترلٸگٸ ٶڭٸر ەكٸمدەرٸمەن بٸرلەسٸپ, جىلۋ جەلٸلەرٸندەگٸ جٶندەۋ جۇمىستارىن اياقتاۋ ٷشٸن بارلىق قاجەتتٸ شارالاردى قابىلداۋى تيٸس ەكەنٸن ايتىپ ٶتتٸ.
ەليحان سمايىلوۆ سونداي-اق جىلۋ ەنەرگەتيكاسى جٶنٸندەگٸ زاڭ جوباسى شەڭبەرٸندە بەكٸتٸلگەن جٶندەۋ كەستەسٸن بۇزعانى ٷشٸن ەنەرگييا ٶندٸرۋشٸ ۇيىمداردىڭ جاۋاپكەرشٸلٸگٸن بەلگٸلەۋ مەسەلەسٸن پىسىقتاۋى كەرەك ەكەنٸن اتاپ ٶتتٸ.
«تاريفتٸ بەكٸتۋ كەزٸندە بەرٸلگەن ٶتٸنٸشتەردٸڭ نەگٸزدٸلٸگٸن جەنە ستانساداعى ناقتى جاعدايدى انىقتاۋعا مٷمكٸندٸك بەرەتٸن كەشەندٸ تەسٸل قاجەت», — دەدٸ ول.
سونىمەن قاتار پرەمەر-مينيستر ەكٸ اپتا ٸشٸندە ٶڭٸرلٸك ەلەكتر جەلٸلٸك كومپانييالاردىڭ تەحنيكالىق جاي-كٷيٸنە تالداۋ جٷرگٸزٸپ, تەۋەكەلدەر كارتاسىن ەزٸرلەۋدٸ تاپسىردى. سونداي-اق ول جىلىتۋ ماۋسىمىنا دايىندىق جٶنٸندەگٸ ٶڭٸرلٸك شتابتاردىڭ جۇمىسىن تٷگەل قايتا قاراۋدى تالاپ ەتتٸ.
«جىل سايىن ولاردىڭ جۇمىسىندا ناقتى ٸستەر ەمەس, ناۋقانشىلدىق ورىن الىپ وتىر. ولار قاعاز جٷزٸندە بار, ال جٶندەۋ جۇمىستارىنا قاتىستارى جوق. شتاب وتىرىستارى ەكٸمدٸكتەردە ەمەس, تٸكەلەي وبەكتٸلەردە ٶتۋٸ كەرەك», — دەپ تٷيٸندەدٸ سٶزٸن ەليحان سمايىلوۆ.
