ەۋرازييالىق ەكونوميكالىق وداققا مٷشە مەملەكەتتەردٸڭ ٷكٸمەت باسشىلارى بەلارۋس ەلٸندە كەزدەسەدٸ. بۇل تۋرالى بٷگٸن قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى قازاقپارات تٸلشٸسٸ.
«27 قاراشادا مينسك قالاسىندا ٷكٸمەت باسشىلارى دەڭگەيٸندە ەۋرازييالىق ٷكٸمەتارالىق كەڭەستٸڭ كەزەكتٸ وتىرىسى ٶتەدٸ. وتىرىستىڭ كٷن تەرتٸبٸ شاعىن جەنە كەڭەيتٸلگەن قۇرامدا قارالاتىن 23 تارماقتى قامتيدى. وتىرىس بارىسىندا ەۋرازييالىق ەكونوميكالىق وداعى اياسىنداعى ينتەگراتسييالىق ٶزارا ٸس-قيمىلدىڭ بٸرقاتار كٶكەيكەستٸ مەسەلەسٸ قارالماق. ٷكٸمەت باسشىلارى قول جەتكەن ۋاعدالاستىقتاردىڭ ارالىق نەتيجەلەرٸن قورىتىندىلاپ, ەاەو-نىڭ ودان ەرٸ جۇمىس باعىتتارىن بەلگٸلەيدٸ», - دەدٸ ول.
سونىمەن قاتار ونىڭ ايتۋىنشا, ساۋدا-ەكونوميكالىق ىنتىماقتاستىق پەن مٷشە مەملەكەتتەر اراسىنداعى ٶزارا ساۋدانى كەڭەيتۋ, ٸشكٸ نارىقتىڭ جۇمىس ٸستەۋٸنە كەدەرگٸ كەلتٸرەتٸن توسقاۋىلداردى جويۋ, سونداي-اق ەكونوميكانىڭ جەكەلەگەن سالالارىنداعى ينتەگراتسييالىق ەلەۋەتٸن دامىتۋ مەسەلەلەرٸنە ەرەكشە نازار اۋدارىلادى.
ٷكٸمەتارالىق كەڭەستٸڭ مٷشەلەرٸ جوعارى ەۋرازييالىق ەكونوميكالىق كەڭەس شەشٸمدەرٸنٸڭ جوبالارىن, ەۋرازييالىق جوبانىڭ 25 جىلدىعى مەن ەاەو تۋرالى شارتتىڭ 5 جىلدىعىن تويلاۋ جٶنٸندەگٸ ٸس-شارالاردىڭ باعدارلامالارىن, سونداي-اق ەلەكتر قوزعالتقىشى بار كٶلٸك قۇرالدارى ٶندٸرٸسٸن قامتاماسىز ەتۋ مەن ىنتالاندىرۋ جەنە قولدانۋ جٶنٸندەگٸ ٸس-شارالار باعدارلاماسىن بەكٸتەتٸنٸ جوسپارلانعان.
«ٷكٸمەت باسشىلارى ٶزارا ساۋداداعى توسقاۋىلداردى جويۋعا, تاريفتٸك جەڭٸلدٸكتەردٸ قولدانۋعا قاتىستى تاپسىرمالاردى ٸسكە اسىرۋ بارىسىن قاراۋعا ەرەكشە نازار اۋدارادى», - دەدٸ ايبەك سماديياروۆ.
