دزيۋدودان ەيەلدەر مەن ەرلەر اراسىندا اقتاۋدا ٶتٸپ جاتقان ەل چەمپيوناتىندا تٶرت سالماقتا جەڭٸمپاز-جٷلدەگەرلەر بەلگٸلٸ بولدى, دەپ حابارلايدى "ۇلت اقپارات".
قر دزيۋدو فەدەراتسيياسى مەلٸم ەتكەندەي, جارىستىڭ ٷشٸنشٸ كٷنٸ ەيەلدەر اراسىندا 63 كگ سالماقتا الماتىلىق يولانتا بەردٸبەكوۆا توپ جاردى.
ول فينالدا شىعىسقازاقستاندىق كريستينا سوتنيكوۆانى ۇتتى. تاعى بٸر الماتىلىق ساەرا مىرزاحمەتوۆا مەن شىعىسقازاقستاندىق زارينا ساريپوۆا قولا جٷلدەنٸ قاناعات تۇتتى.
70 كگ سالماقتا شىعىسقازاقستاندىق زەرە بەكتاسقىزىنىڭ مەرەيٸ ٷستەم بولدى. تٷركٸستاندىق پەريزات جاقىپبەكوۆا ەكٸنشٸ, الماتى وبلىسىنىڭ ٶكٸلٸ جانار قاشقىن مەن الماتىلىق دايانا تالعات ٷشٸنشٸ ورىنعا كٶتەرٸلدٸ.
ەرلەر اراسىندا 81 كگ سالماقتا فينالدا قىزىلوردالىق ابىلايحان جۇمانازاردى سٷرٸندٸرگەن ەلوردالىق مەدي امانگەلدٸ جەڭٸمپاز اتاندى. ماڭعىستاۋلىق رۋسلان مۇساەۆ پەن تٷركٸستاندىق ەرەحان نۇريدين قولا مەدالدٸ ەنشٸلەدٸ.
تالاي دودادا ولجا سالعان تٷركٸستاندىق ديدار حامزا 90 كگ سالماقتا ٷزدٸك شىقتى. شىمكەنتتٸك ەرسۇلتان مۇزاپپاروۆ ەكٸنشٸ, قوستانايلىق اسلان ساعيتبەك پەن اقتٶبەلٸك ەدٸلەت ميسين ٷشٸنشٸ ورىنعا ٸلٸكتٸ.
