20 قاڭتاردا ۆاشينگتونداعى كاپيتوليي سارايىندا انت بەرٸپ, پرەزيدەنت قىزمەتٸنە كٸرٸسكەن دجو بايدەن سالتاناتتى رەسٸمنەن سوڭ بۇرىنعى پرەزيدەنت دونالد ترامپتىڭ بٸرقاتار شەشٸمدەرٸنٸڭ كٷشٸن جويدى.
اتاپ ايتقاندا, پرەزيدەنت اقش-تى كليمات جٶنٸندەگٸ پاريج كەلٸسٸمٸنە قايتا قوسىپ, اقش-تىڭ دٷنيەجٷزٸلٸك دەنساۋلىق ساقتاۋ ۇيىمىنا مٷشەلٸگٸن قالپىنا كەلتٸردٸ.
"بٸز بۇرىن-سوڭدى بولماعان دەرەجەدە كليماتتىڭ ٶزگەرۋمەن كٷرەسەمٸز" دەدٸ بايدەن. AFP اگەنتتٸگٸ ونىڭ سٶزٸنەن ٷزٸندٸ كەلتٸردٸ.
"امەريكا داۋىسى" سايتىنىڭ جازۋىنشا, بايدەن سونىمەن بٸرگە مۇسىلماندار كٶپ شوعىرلانعان كەيبٸر ەل تۇرعىندارىنىڭ اقش-قا كٸرۋٸنە قويىلعان شەكتەۋدٸ جوياتىن بۇيرىققا قول قويعان. كاپيتولييدەگٸ سالتاناتتى شارا اياقتالا سالىسىمەن ونىڭ كٶمەكشٸلەرٸ بايدەننٸڭ اقش پەن مەكسيكا اراسىنداعى دۋال قۇرىلىسىن توقتاتاتىنىن دا حابارلاعان.
دونالد ترامپ 2017 جىلى پاريج كەلٸسٸمٸن "اقش ەكونوميكاسى ٷشٸن قولايسىز كەلٸسٸم بولدى" دەپ اتاپ, ٶز ەلٸن بۇل كەلٸسٸمنەن شىعاراتىنىن مەلٸمدەگەن. اقش رەسمي تٷردە بۇل كەلٸسٸمنەن 2020 جىلى قاراشا ايىندا شىقتى. ونىڭ قايتا قوسىلۋى ٷشٸن بٸر اي ۋاقىت كەرەك بولادى.
سەناتور-رەسپۋبليكاشىل تەد كرۋز بايدەننٸڭ پاريج كەلٸسٸمٸنە ورالۋ باستاماسىن سىناپ, "بۇل شەشٸم امەريكانى ەلەمدە كٶشباسشى ەتپەيدٸ, كليمات مەسەلەسٸن دە شەشپەيدٸ, سونىڭ سالدارىنان مىڭداعان امەريكالىق جۇمىسىنان ايىرىلادى" دەپ مەلٸمدەدٸ. ال سەناتور-رەسپۋبليكاشىل كەۆين كرامەر بايدەن شەشٸمٸن "اقىلعا قونىمدى قادام" دەپ اتاپ, تەك جاڭا ەكٸمشٸلٸك امەريكانىڭ ۇلتتىق مٷددەسٸن ۇمىتپاي, امەريكالىق سالىق تٶلەۋشٸلەردٸڭ اقشاسىنىڭ ىسىراپ بولۋىنا جول بەرمەۋٸ تيٸس دەدٸ.
