جوعارعى سوت تٶراعاسى جاقىپ اسانوۆ جوعارى ينستانتسييا سۋديا شىعارعان ٷكٸمنٸڭ كٷشٸن جويعاننان كەيٸن, زاڭ قىزمەتكەرٸن جاۋاپكەرشٸلٸككە تارتۋ مەسەلەسٸن كٶتەردٸ, دەپ حابارلايدى قازاقپارات.
«سۋديا تاراپىنان ٶرەسكەل قاتەلٸككە جول بەرٸلگەنٸ تۋرالى كاسساتسييالىق ينستانتسييا قاۋلىسىندا اتاپ ٶتٸلگەن جاعدايدا عانا بٸز بۇل سۋديانى جاۋاپكەرشٸلٸككە تارتا الامىز. بۇل تۇرعىدا قاعيدا تٷرٸندە ەرەكەت جاسالماعاندىقتان, جەرگٸلٸكتٸ جەرلەردە ساپاسىز سوت تٶرەلٸگٸنە ۇرىندىرامىز. كەيٸننەن سوت شەشٸمٸنٸڭ كٷشٸن جويعان كەزدە نەمەسە ٶزگەرتكەن جاعدايدا عانا ٶزٸمٸزدٸڭ مٸندەتٸمٸز ورىندالدى دەپ سانايمىز. بۇدان كەيٸن نە بولادى? نەگە سۋديا قىزمەتٸنە قاتىستى مەسەلە تٶتەسٸنەن قويىلمايدى? نەگە ادامداردىڭ جوعارعى سوتقا بارۋىنا مەجبٷر ەتەمٸز», - دەدٸ ول سوت جٷيەسٸنٸڭ 2018 جىلعى جۇمىسىنىڭ قورىتىندىسىنا ارنالعان كەڭەيتٸلگەن وتىرىستا.
ج. اسانوۆتىڭ پايىمىنشا, جەرگٸلٸكتٸ جەرلەردە سۋديالار ٶزدەرٸنٸڭ شەشٸمدەرٸنە جاۋاپ بەرمەگەندٸكتەن, جاۋاپسىزدىقتى سەزٸنٸپ وتىر.
«ادامدار سۋديانىڭ نەلٸكتەن جاۋاپكەرشٸلٸككە تارتىلماعاندىعى تۋرالى تٶراعادان سۇراپ جاتادى. كاسساتسييالىق القا قاۋلىسىندا سۋديا ٶرەسكەل قاتەلٸك جٸبەرگەنٸ نەمەسە جٸبەرمەگەنٸ جايىندا اتاپ كٶرسەتٸلمەيدٸ. بٸز بۇل تۋرالى ٷندەمەيمٸز. سوندىقتان بٸزدە كاسساتسييالىق ينستانتسييالارعا جٷزدەگەن شاعىم تٷسٸپ جاتادى», - دەدٸ ول.
