Joǵarǵy sot tóraǵasy Jaqyp Asanov joǵary instantsiia sýdia shyǵarǵan úkimniń kúshin joiǵannan keiin, zań qyzmetkerin jaýapkershilikke tartý máselesin kóterdi, dep habarlaidy QazAqparat.
«Sýdia tarapynan óreskel qatelikke jol berilgeni týraly kassatsiialyq instantsiia qaýlysynda atap ótilgen jaǵdaida ǵana biz bul sýdiany jaýapkershilikke tarta alamyz. Bul turǵyda qaǵida túrinde áreket jasalmaǵandyqtan, jergilikti jerlerde sapasyz sot tóreligine uryndyramyz. Keiinnen sot sheshiminiń kúshin joiǵan kezde nemese ózgertken jaǵdaida ǵana ózimizdiń mindetimiz oryndaldy dep sanaimyz. Budan keiin ne bolady? Nege sýdia qyzmetine qatysty másele tótesinen qoiylmaidy? Nege adamdardyń Joǵarǵy sotqa barýyna májbúr etemiz», - dedi ol sot júiesiniń 2018 jylǵy jumysynyń qorytyndysyna arnalǵan keńeitilgen otyrysta.
J. Asanovtyń paiymynsha, jergilikti jerlerde sýdialar ózderiniń sheshimderine jaýap bermegendikten, jaýapsyzdyqty sezinip otyr.
«Adamdar sýdianyń nelikten jaýapkershilikke tartylmaǵandyǵy týraly tóraǵadan surap jatady. Kassatsiialyq alqa qaýlysynda sýdia óreskel qatelik jibergeni nemese jibermegeni jaiynda atap kórsetilmeidi. Biz bul týraly úndemeimiz. Sondyqtan bizde kassatsiialyq instantsiialarǵa júzdegen shaǵym túsip jatady», - dedi ol.
