دٷنيەجٷزٸلٸك كٶشپەندٸلەر ويىندارى ديرەكتسيياسىنىڭ بۇرىنعى باسشىسى نايل نۇروۆ اسا ٸرٸ كٶلەمدە پارا الدى دەگەن كٷدٸكپەن قاماۋعا الىندى. بۇل تۋرالى جۋرناليست ميحايل كوزاچكوۆ ٶزٸنٸڭ Telegram-ارناسىندا جازدى, دەپ حابارلايدى ult.kz.
جارييالانعان اقپاراتقا سەيكەس, 59 جاستاعى بۇرىنعى شەنەۋنٸك ەكٸ اپتاعا جۋىق ۋاقىتتان بەرٸ استاناداعى تەرگەۋ يزولياتورىندا وتىر. دەرەككٶز مەلٸمەتٸنشە, نايل نۇروۆتىڭ ٷستٸنەن سىبايلاس جەمقورلىق فاكتٸسٸ بويىنشا قىلمىستىق ٸس قوزعالعان.
نايل نۇروۆ بۇعان دەيٸن ەلٸمٸزدەگٸ بٸرقاتار ٸرٸ سپورتتىق جوبالاردى باسقارعان. اتاپ ايتقاندا, 2011 جىلعى ازييا ويىندارىن جەنە 2017 جىلعى ۋنيۆەرسيادانى ۇيىمداستىرۋ جۇمىستارىنا جەتەكشٸلٸك ەتكەن. سونداي-اق ول 2024 جىلى ٶتكەن V دٷنيەجٷزٸلٸك كٶشپەندٸلەر ويىندارىنا دايىندىق جۇمىستارىن ٷيلەستٸرگەن.
ميحايل كوزاچكوۆتىڭ مەلٸمەتٸنشە, كٶشپەندٸلەر ويىندارىنان كەيٸن قۇقىق قورعاۋ ورگاندارى كەيبٸر نىسانداردىڭ قۇرىلىسىنا قاتىستى سۇراقتار كٶتەرگەن. تەرگەۋ نۇسقاسى بويىنشا, ديرەكتسييا باسشىسى قۇنى 500 ميلليون تەڭگەدەن اساتىن ەتنواۋىل قۇرىلىعىنا كەلٸسٸم جاساپ, كەيٸن مەردٸگەردەن كەلٸسٸمشارت سوماسىنىڭ 10 پايىزىن تالاپ ەتكەن.
سونداي-اق تەرگەۋ بارىسىندا قاراجاتتىڭ نۇروۆقا قولما-قول بەرٸلگەنٸن راستايتىن دەلەلدەر جينالعانى ايتىلدى. بۇدان بٶلەك, مەردٸگەر ونىڭ جەكە پايدالانۋىنا ارنالعان مەتالل بەسەدكا ورناتۋ شىعىندارىن دا كٶتەرگەن كٶرٸنەدٸ.
تەرگەۋ نۇسقاسىنا سەيكەس, نايل نۇروۆ جالپى العاندا كەمٸندە 40 ميلليون تەڭگە كٶلەمٸندە زاڭسىز سىياقى العان بولۋى مٷمكٸن.
سوت كٷدٸكتٸگە قاتىستى ەكٸ اي مەرزٸمگە قاماۋعا الۋ تٷرٸندەگٸ بۇلتارتپاۋ شاراسىن سانكتسييالادى.
