دٷنيەجٷزٸلٸك مۇسىلماندار قاۋىمىنىڭ كەڭەسٸ شۆەتسييادا قۇران كٸتاپتىڭ ٶرتەلۋٸن سىناپ, دٸني رەمٸزدەردٸ قۇرمەتتەۋ كەرەكتٸگٸن, دٸندەر مەن حرامداردى قورلاۋ ارقىلى ٶشپەندٸلٸككە جول بەرمەۋ قاجەتتٸگٸن مەلٸمدەدٸ, دەپ حابارلايدى قازاقپارات تٸلشٸسٸ بٸرٸككەن اراب ەمٸرلٸكتەرٸنٸڭ WAM جاڭالىقتار اگەنتتٸگٸنە سٸلتەمە جاساپ.
دٷنيەجٷزٸلٸك مۇسىلماندار قاۋىمىنىڭ كەڭەسٸ دٷيسەنبٸدە جارييالاعان مەلٸمدەمەدە شۆەتسييادا كٶرٸنٸس تاپقان مۇسىلمان قاۋىمىنا دەگەن تٶزٸمسٸزدٸك پەن ٶشپەندٸلٸك تولقىنى ەلەۋمەتتٸك ىنتىماققا قاۋٸپتٸ قۇبىلىس ەكەنٸن ايتتى. كەڭەس ەۋروپاداعى مۇسىلماندار قاۋىمىن ارانداتۋ ەرەكەتتەرٸنە بوي ۇرماۋعا, يسلام دانالىعىنىڭ ٷلگٸسٸ بولىپ, زاڭداردى ساقتاۋعا, ەلەۋمەتتٸك قاۋٸپسٸزدٸك پەن تاتۋلىقتى تۋ ەتۋگە شاقىردى.
بٸرقاتار اراب ەلدەرٸ قۇراننىڭ كٶشٸرمەسٸن ٶرتەپ, اكتسييا ٶتكٸزگەن Hard Line پارتيياسىنىڭ جەتەكشٸسٸ, ساياساتكەر راسمۋس پالۋداننىڭ ەرەكەتٸن قاتاڭ سىناعان بولاتىن. ٶتكەن بەيسەنبٸدە وسى پارتييانىڭ مٷشەلەرٸ بٸرنەشە قالادا قۇران كٸتاپتى ٶرتەگەن ۆيدەولار تاراتقان ەدٸ.
يوردانييا, ساۋدا ارابيياسى, باحرەين, تٷركييا, كاتار, پەكٸستان, باە, مىسىر جەنە ومان ەلدەرٸ بۇل اكتسييانى «يسلامعا دەگەن فوبييا» دەپ باعالادى. ال يران مەن يراكتاعى شۆەتسييانىڭ ەلشٸلەرٸ سىرتقى ٸستەر مينيسترلٸگٸنە شاقىرىلعان بولاتىن. يراننىڭ سىرتقى ٸستەر مينيسترلٸگٸ قالىپتاسقان كيكٸلجٸڭگە شۆەتسييانىڭ ٷكٸمەتٸ جاۋاپتى ەكەنٸن مەلٸمدەپ, رەسمي ستوكگولمدٸ شۇعىل شارالار قابىلداپ, مۇنداي اكتسييالاردى تىيۋعا شاقىردى. ال يراكتىڭ سىرتقى ٸستەر مينيسترلٸگٸ مۇنداي شارالاردىڭ «شۆەتسييا مەن اراب-مۇسىلمان ەلەمٸنٸڭ اراسىنداعى قارىم-قاتىناسقا زاردابىن تيگٸزەتٸنٸن» اتادى.
ونسىز دا ۋشىعىپ تۇرعان شيەلەنٸس پالۋداننىڭ قۇران كٸتاپتى كٶپشٸلٸكتٸڭ كٶزٸنشە ٶرتەيتٸن اكتسييالاردىڭ جالعاسى بولاتىنىن ايتقاننان كەيٸن ودان بەتەر ٶرشٸگەن. وسى سٶزدەن كەيٸن شۆەتسييالىق مۇسىلماندار مەن پوليتسييا ٶكٸلدەرٸنٸڭ اراسىندا قاتىعىس بولىپ, ونىڭ سوڭى تەرتٸپسٸزدٸكتەرگە ۇلاستى.
Al-Bawaba اقپارات پورتالىنىڭ جازۋىنشا, شۆەتسييانىڭ پرەمەر-مينيسترٸ ماگدالەنا اندەرسسون تولاسسىز تەرتٸپسٸزدٸكتەرگە جاۋاپ رەتٸندە راسمۋس پالۋدانعا ونداي شارالار ٶتكٸزۋگە تىيىم سالا المايتىندارىن مەلٸم ەتكەن. ٶيتكەنٸ بۇل ەلدٸڭ زاڭدارى ازاماتتارى ٶز ويىن ەش كەدەرگٸسٸز بٸلدٸرۋگە مٷمكٸندٸك بەرەدٸ.
تاسس اگەنتتٸگٸنٸڭ مەلٸمەتٸ بويىنشا, راسمۋس پالۋدان Hard Line پارتيياسىنىڭ نەگٸزٸن 2017 جىلى قالاعان. ساياساتكەردٸڭ ٶزٸ YouTube-تەگٸ انتييسلاميستٸك ۆيدەولارىمەن تانىمال. ول قۇران كٸتاپتى ٶرتەپ تۇرىپ, مۇنى سٶز ەركٸندٸگٸنە دەگەن قۇرمەت دەپ اتاعان ەدٸ. پالۋدان جەتەكشٸلٸك ەتەتٸن پارتييا ەلدە يسلامعا تىيىم سالىپ, دانييادان پانا تاپقان «باتىستىق ەمەس تۇلعالاردىڭ» بەرٸن دەپورتاتسييالاۋدى تالاپ ەتٸپ جٷر.
