قر دسم سانيتارلىق-ەپيدەميولوگييالىق باقىلاۋ كوميتەتٸ تٶراعاسىنىڭ ورىنباسارى نۇرلىبەك اسىلبەكوۆ دەرٸ-دەرمەك سالاسىنداعى زاڭ بۇزۋشىلىقتار تۋرالى ايتتى, دەپ حابارلايدى "ۇلت اقپارات".
«مەملەكەت باسشىسىنىڭ دەرٸ-دەرمەك باعاسىنىڭ نەگٸزسٸز ٶسۋٸنە جول بەرمەۋ تاپسىرماسىن ورىنداۋ ماقساتىندا دەرٸلٸك زاتتاردىڭ باعاسىن باقىلاۋدى قامتاماسىز ەتۋ تۇرعىسىندا وبلىستار مەن رەسپۋبليكالىق ماڭىزداعى قالالاردا مونيتورينگٸلٸك توپتار قۇرىلدى. ولاردىڭ قۇرامىنا بٸزدٸڭ كوميتەتتٸڭ اۋماقتىق بٶلٸمشەلەرٸ, جەرگٸلٸكتٸ اتقارۋشى ەرٸ قۇقىق قورعاۋ ورگاندارى ەنگٸزٸلدٸ. مونيتورينگٸلٸك توپتارمەن 1640-تان استام دەرٸحانا قامتىلىپ, شەكتٸ باعادان اسىپ ساتىلعان دەرٸلٸك زاتتاردىڭ 199 اتاۋى انىقتالدى», - دەدٸ ن. اسىلبەكوۆ ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, بيىلعى 15 شٸلدەدەن 9 قاراشاعا دەيٸن 174 ملن تەڭگە سوماسىنا شەكتٸ باعانىڭ ارتۋىنىڭ 876 فاكتٸسٸ, 39,4 ملن تەڭگە سوماسىنا دەرٸلٸك زاتتاردى زاڭسىز ٶتكٸزۋدٸڭ 347 فاكتٸسٸ انىقتالدى. مۇنىمەن قوسا, 1223 ەكٸمشٸلٸك حاتتاما تولتىرىلىپ, 213 ملن تەڭگەدەن استام سومادا ايىپپۇل سالىندى. زاڭسىز اينالىمنان 10 ملن-نان استام دەرٸ-دەرمەك پەن مەديتسينالىق زاتتار الىندى.
بۇدان بۇرىن حابارلانعانداي, نۇرلىبەك اسىلبەكوۆ ەلٸمٸزدەگٸ دەرٸلٸك زاتتاردىڭ قورىنا قاتىستى تٷسٸنٸك بەردٸ. قازٸرگٸ كەزدە دەرٸحانالاردا حالىقتىڭ دەرٸلٸك زاتتارعا قاجەتتٸلٸگٸن قامتاماسىز ەتۋ ٷشٸن پرەپاراتتار جەتكٸلٸكتٸ.
