ەكران مەن ساحنادا سىر-سيپاتى سان الۋان نەبٸر كٷردەلٸ كەيٸپكەرلەردٸ سومداعان ەيگٸلٸ اكتەر دوسحان جولجاقسىنوۆتىڭ سوڭعى جىلدارى رەجيسسۋراعا دەن قويىپ جٷرگەنٸن ٶنەر سٷيەر قاۋىم جاقسى بٸلەدٸ. وسىدان ەكٸ-ٷش جىل بۇرىن «بٸرجان سال» كٶركەم فيلمٸن تٷسٸرٸپ, رەجيسسەرلٸك تىرناقالدى جۇمىسى بولسا دا باس-اياعىنان شاشاۋ شىعارماي جۇپ-جۇمىر جۇتىندىرىپ, كەنٸگٸ شەبەردٸڭ قولتاڭباسىن تانىتقان ەدٸ. ەنٸمەن, اڭىزعا اينالعان تاعدىرىمەن ەر قازاقتىڭ جٷرەگٸنە ۇيالاعان بٸرجاندى ەكراننان جاتىرقاماي «ياپىراۋ, مىناۋ سول عوي, مٸنە, مٸنە دەل ٶزٸ!» دەپ جالپاق جۇرتتىڭ جاپىرىلا كٶرٸپ, زور حوشامەتكە بٶلەۋٸ – سول جەمٸستٸ ەڭبەكتٸڭ كۋەسٸ, تالانتقا بەرٸلگەن باعا.
دوسحان بٸر سٶزٸندە: «مەن باسقالار قالاي قابىلدايدى, كٶڭٸلٸنەن شىعا ما, جوق پا دەپ جالتاقتامايمىن. مەنٸڭ ماقساتىم – ەڭ بٸرٸنشٸ قازاقتىڭ ٶزٸنە قاجەتتٸ فيلم تٷسٸرۋ» دەگەن ەدٸ. بۇل دا, ەرينە, جەڭٸل-جەلپٸ امبيتسييا ەمەس. ۇلتتىڭ ٷدەسٸنەن شىعۋ – ۇلى مٸندەت. رەجيسسەر ٶز ۇستانىمىندا نىق تۇرىپ, تاريحي تۇلعالار گالەرەياسىن جاساۋعا بەل شەشە كٸرٸسكەن سيياقتى. مٸنە, جاقىندا ونىڭ «قۇنانباي» دەپ اتالاتىن كٶركەم فيلمنٸڭ تۇساۋكەسەرٸنە قاتىسىپ, كٶپپەن بٸرگە كٶزايىم بولۋدىڭ سەتٸ تٷستٸ.
قۇنانباي – ۇلى ابايدىڭ ەكەسٸ عانا ەمەس, قازاق تاريحىندا ٶزٸندٸك ورىنى بار شوقتىقتى تۇلعا: سٶز ۇستاعان شەشەن, ەل باستاعان كٶسەم, قارادان شىعىپ حان بولماسا دا قارقارالى ۋەزٸنٸڭ العاشقى اعا سۇلتانى بولعان; تٶبە بي بوپ تٶرەلٸك ايتقان, تەلٸ مەن تەنتەككە تيىم سالعان قاتال بيلەۋشٸ, اينالاسىنا ەدٸلەت ورناتىپ, ٶنەگە تارتقان كەمەڭگەر ابىز... ونىڭ عادٸلەتتٸلٸگٸ, تاقۋالىعى تۋرالى ەڭگٸمەلەر حالىق جادىندا كٶپتەپ ساقتالعان. قۇنانباي ايتتى سٶز, دانالىق تولعامدار اۋىزدان-اۋىزعا اڭىز بوپ تارادى. قۇنانبايدىڭ اقىل-پاراساتىنا, دٸلمارلىعىنا تاڭ-تاماشا تەنتٸ بولعان بەلگٸلٸ پولياك اقىنى, رەۆوليۋتسيونەر, ساياحاتشى ا.يانۋشكەۆيچ ٶزٸنٸڭ كٷندەلٸگٸندە: «...تابيعات وعان كەمەل اقىل, عاجايىپ زەيٸن, جٷيرٸك تٸل بەرگەن. دالا زاڭدارى مەن قۇران قاعيدالارىنىڭ جەتٸك بٸلگٸرٸ, – دەپ جازدى. – الدى ەرتەلٸ-كەش ادامنان بوساعان ەمەس. قىر قازاقتارى اقىل-كەڭەس سۇراپ, ارىز ايتىپ تولاسسىز كەلٸپ جاتادى. ونىڭ باسى دالانىڭ كٷللٸ زاڭ-جورالعىلارىن جازىپ العان ماشينا سيياقتى, تاڭ اتقاننان تٷندە كٶزٸ ۇيقىعا كەتكەنگە دەيٸن توقتاۋسىز سٶيلەۋمەن بولادى... قارا قىلدى قاق جارعان بي, ٶنەگەلٸ مۇسىلمان. قاراپايىم قۇنانباي ەۋليەنٸڭ داڭقىنا بٶلەنگەن... بارلىق بايلار قۇنانبايدىڭ كەبٸسٸن كيگٸزۋگە جارامايدى...» مۇحتار ەۋەزوۆ ٶزٸنٸڭ داڭقتى رومانىندا قۇنانبايدى سىڭارجاق بەينەلەگەنٸ بەلگٸلٸ. ٶمٸر شىندىعىنا تاپتىق تۇرعىدان باعا بەرۋ دەيتٸن جاڭساق سوتسياليستٸك سحولاستيكانىڭ سالقىنى تيدٸ. ٷستەم تاپ ٶكٸلٸ رەتٸندە قاتىگەز, وزبىر, ەسٸرە دٸندار, كەرتارتپا بوپ سۋرەتتەلدٸ. كەر زاماننىڭ قىسپاعىنان شىعا الماعانىنا قينالىپ مۇحانىڭ ٶزٸ دە: «قاجىعا قييانات جاسادىم, وبالىنا قالدىم!» دەپ ٶلە-ٶلگەنشە ٶكٸنٸپ ٶتكەن كٶرٸنەدٸ. شەكەن ايمانوۆ تا زامانداستارىنىڭ ايتۋىنشا, «قۇنانبايدى ساحنادا باسقاشا سومداسام» دەپ ارمانداپ جٷرٸپتٸ. مٸنە, ەندٸ سول ەكٸ الىپتىڭ ورىنداي الماي كەتكەن ارمانىن دوسحان باۋىرىمىز ٸسكە اسىرعان سيياقتى.
قۇنانبايدىڭ ٶمٸربايانى باي, ول تۋرالى ەل اۋزىنداعى اڭىز-ەڭگٸمە دە, جازبا دەرەكتەر دە جەتكٸلٸكتٸ. ەدەتتە, تاريحي تۇلعالار تۋرالى تٷسٸرٸلگەن بٸزدەگٸ فيلمدەردەگٸ باستى كەمشٸلٸك – كەيٸپكەردٸڭ تۋعاننان ٶلگەنگە دەيٸنگٸ ٶمٸرٸن تٷگەل قامتيمىن دەپ ۇساق- تٷيەكتٸڭ بەرٸن تىقپالاپ, ٸش پىستىراتىن شەگٸنٸستەر ارقىلى ٶتكەن-كەتكەندٸ جٸپكە تٸزبەلەپ, جاداعاي دەرەكتٸ حرونيكا دەرەجەسٸندەگٸ شۇبالاڭقىلىققا ۇرىنىپ جاتاتىن. مۇندا ونداي شاشىراڭقىلىق جوق, دوسحان باسقاشا كٸلت تاپقان. قۇنانباي ٶمٸرٸنٸڭ تٷيٸندٸ ەكٸ ەپيزودى عانا الىنىپ, فيلمنٸڭ بٷكٸل وقيعاسى سونىڭ اينالاسىندا ٶربيدٸ. ەتەك-جەڭٸ جيناقى, قات-قابات شيىرشىق اتقان ٸشكٸ ديناميكاسىمەن كٶرەرمەندٸ بٸردەن ٷيٸرٸپ, يٸرٸمٸنە تارتىپ ەكەتەدٸ. شارپىسقان سٶز, مٸنەزدەر قاقتىعىسى, ەگەس پەن ەرەگەس مايدانىندا قۇنانبايدىڭ ازاماتتىق, كٷرەسكەرلٸك بەينەسٸ ەر قىرىنان ايشىقتالىپ, ناداندىق پەن بوداندىقتىڭ قامىتىن قوس قاباتتاپ كيگەن ەل تراگەديياسى, زامان سۇرقى كٶرٸنٸس تابادى. باستى رٶلدٸ دوسحاننىڭ ٶزٸ ويناعان. قاسقايعان ەردٸڭ قايسار تۇلعاسىن تانيسىڭ. دوسحاننىڭ قۇنانبايى– سىر الدىرماس ٸشٸ تەرەڭ, كەمەل ويلى ەل اعاسى. جاسى جەر ورتالاسا دا قيمىلى شيراق, قاعىلەز. زامانىندا جاۋ تٷسٸرگەن قارىمى قاتتى قايرات يەسٸ بولعانى شىمىر بٸتٸمٸنەن كٶرٸنٸپ تۇرعانداي. تٶڭٸرەگٸن قاس-قاباعىمەن ىقتىرسا دا وزبىر ەمەس, قاتالدىعىندا قييانات جوق, ەدٸلەت ٸسٸنە تابانداپ تۇرىپ الاتىن قايسار مٸنەزدٸ جان. قۇنانبايدىڭ ٸشكٸ بولمىسى, پاراسات-ٶرەسٸ قودار مەن قامقانىڭ ٷكٸمٸ ٷستٸندە سىنعا تٷسەدٸ. قودار مەن قامقا وقيعاسى ەسكٸ قازاق تۇرمىسىندا كٶز كٶرٸپ, قۇلاق ەستٸمەگەن سۇمدىق, سوراقىلىق ەدٸ. جەكە ادامنىڭ ٶمٸرٸ مەن دالانىڭ باعزىدان قالىپتاسقان مورالٸ تەڭسەلٸپ تارازىنىڭ ەكٸ باسىندا تۇردى. نامىسقا شاپپاي, «جابۋلى قازان جابۋلى كٷيٸ قالسىنمەن» كٶز جۇمبايلىق جاساسا, جامان ەدەت – جۇقپالى دەرت, اسىل سٷيەگٸنە سىزات تٷسٸپ, ەرتەڭ ەل بٷلٸنەدٸ, ۇرپاق توزاعىندايدى. ال اتا جولىمەن تٸزەگە سالسا, ازعىننىڭ ارام قانىن موينىنا جٷكتەمەك. ەكٸ وتتىڭ ورتاسىنان تابىلار اراشا بار ما? نە ٸستەمەك كەرەك? تىعىرىققا تٸرەلگەن ەل اعاسى بيلەردٸڭ قازىلىعىنا جٷگٸنەدٸ. سەمەيدەن ارنايى احمەت ريزا يمامدى شاقىرتادى. ماعان قازاقتىڭ ەسكٸ ميزامى مەن شاريعاتتان وسى قىلمىستىڭ ٸزٸن تاۋىپ بەرٸڭدەر دەيدٸ. قۇنانباي جاۋىز ەمەس, بٸراق ەدٸلەت پەن تازالىققا قۇرىلعان دالا مورالٸ, ۇرپاق الدىنداعى جاۋاپكەرشٸلٸك ەرٸكسٸز ونى قاتال بولۋعا مٸندەتتەيدٸ. سوندا دا شارق ۇرىپ اراشا ٸزدەيدٸ, تۇيىقتان شىعار ساڭلاۋ ٸزدەيدٸ. اناسى زەرەگە: «شەشە, ەكٸ بەيباققا ەۋ باستان-اق تٸلەۋلەس بولدىم, بٸراق اقتاۋ تابا المادىم» دەپ مۇڭىن شاعادى. بابالار جولى مەن شاريعات زاڭى ازعىندىققا كەشٸرٸمسٸز قاتال, بيلەر مەن يمام ٶز كەسٸمدەرٸن ايتىپ, سٶز سالماعىن ٶزٸنە سالعان سەتتەگٸ قۇنانبايدىڭ جان كٷيزەلٸسٸن كٶرسەڭٸز. ماڭدايىنان تەر بۇرشاقتاپ بٸر دەم ٷنسٸز قالادى. سول ارقىلى اكتەر كەيٸپكەردٸڭ ٸشكٸ ارپالىسىن, وبال-ساۋاپتى ويلاپ شاراسىز كٷيگە تٷسكەن پەندەنٸڭ كٷيٸكتٸ حالٸن بارىنشا تابيعي قالىپتاي بٸلگەن. ٷكٸمنەن كەيٸن قۇنانبايدىڭ بايىز تاپپاي اتپەن قۇيعىتىپ قىر اسىپ قييانداپ كەتۋٸ, قوڭىر ەۋليەنٸڭ ٷڭگٸرٸنە بارۋى... بەرٸ-بەرٸ ونىڭ شيىرشىق اتىپ شارپىسقان ٸشكٸ ەلەمٸن ەسٸرەلەي تٷسەدٸ.
فيلمدە ٸس-قيمىل, سويىل سٸلتەر قاقتىعىستاردان گٶرٸ ٸشتەي ارباسۋ, پسيحولوگييالىق تارتىستار باسىم. ەل ٸشٸندەگٸ داۋ-جانجالعا بٸتٸم ايتاتىن بيلەر كەڭەسٸ – تٷرلٸ پايىم- پيعىلداردىڭ قارجاسقان قىپ-قىزىل مايدانى. بٸرٸ ويعا, بٸرٸ قىرعا تارتىپ, تەرٸس ەزۋلەپ جانتايىپ جاتىپ الاتىندار قانشاما, تٸزەلٸنٸ بٷگٸلتٸپ, كەكجيگەن باستى يٸلتۋ ٷشٸن ٷنەمٸ قۇنانباي جالعىز ٶزٸ جانتالاسۋمەن بولادى. بٸردە جٶنگە جىعىلماي, قيياناتقا دەم بەرٸپ قىرىنداعان سارىبايدى جيىننان سوڭ جىلىستاپ كەتٸپ بارا جاتقان جەرٸنەن شابارمانىن جۇمساپ شاقىرتىپ الادى, جاقىنداي بەرگەندە شالما تاستاپ, ات ٷستٸنەن اۋدارىپ تٷسٸرەدٸ دە ەۋدەم جەرگە سٷيرەپ اپارىپ تاستايدى. بۇل دا قۇنانبايعا تەن مٸنەز. اتالى سٶزگە توقتاماس ارسىزعا ٶستٸپ بٸلەك كٷشٸن جۇمساۋعا مەجبٷر.
ٸش قاتپارى مول كٷردەلٸ كەيٸپكەردٸڭ بٸرٸ باراق – رۋلى ەلدٸڭ بەتكە ۇستارى. ايباتىمەن ىقتىرىپ, قايراتىمەن بۇقتىرعان دالانىڭ شىنجىر بالاق, شۇبار تٶس الپاۋىتىن بەلگٸلٸ اكتەر ايدوس بەكتەمٸروۆ بار بولمىسىمەن تاماشا سومداي بٸلگەن. باراق – قۇنانبايدىڭ قاشاننان بەرگٸ باقتالاسى.ٷنەمٸ قارا نيەتپەن وڭتايى كەلسە باقايدان قاعىپ وماقاستىرۋعا بەيٸم. دٷردە- ارازدىق ٶرشي كەلە اشىق جاۋلىققا ۇلاسقانداي. ارادا كٸسٸ ٶلٸمٸ بولىپ, ەكٸ رۋ ەگەر بولعان تۇستا, ٶز اتالاستارىنىڭ نامىسىن جىرتىپ «قانعا – قان!» دەپ وتىرىپ الادى قاسارىسىپ. ۇزاق ىرعاسىپ بارىپ قۇنانباي بەرٸ بٸر تٷيٸندٸ شەشەدٸ. «قاننان قان عانا تٶگٸلەدٸ, قان قۋعان قانسىراپ ٶلەدٸ» دەپ ەكٸ جاقتى قۇنمەن بٸتٸستٸرەدٸ. جٶننەن جەڭٸلسە دە نامىسى كٷيگەن باراق كەۋدەگە سالىپ, «كەزدەسەر جەرٸڭدٸ ايت!» دەپ قامشىسىن كٶلدەنەڭ ۇستاپ دوق كٶرسەتەدٸ. اياماسقا بەكٸنگەن دٶكٸردٸڭ سۇستى جٷزٸن كٶرٸپ ٸشٸڭ سۋىپ كەتكەندەي بولادى سول سەت.
قاشاندا ناداندىقتىڭ قولى جاقسىنىڭ جاعاسىنا جارماسۋمەن كەلەدٸ ەمەس پە. ەدٸل كٷرەستە ەسەسٸ كەتكەنگە ٸشٸ كٷيٸپ بىقسىعان باقاس اعايىن تىنىش وتىرا السىن با. بارىمتامەن قولعا تٷسٸپ «يتجەككەنگە» ايدالعان ۇرى-قارىنىڭ ارتتاعى جۇراعاتتارى, ساسىق نامىسقا شاپقان رۋ شونجارلارى جەڭ ۇشىنان جالعاسىپ, ورىس ۇلىقتارىنا دومالاق ارىزدى ٷستٸ-ٷستٸنە بوراتۋمەن بولادى. اقىرى جاقسىنىڭ ارتىنا يت سالىپ تٷسەتٸن قازاقتىڭ يت مٸنەزٸ قۇنانبايداي اسىلدى تٷرمەگە تىعىپ تىنادى. ومبى اباقتىسىنداعى ەپيزودتى فيلمنٸڭ شارىقتاۋ شەگٸ دەسە دە بولعانداي. سۇراق – جاۋاپ بارىسىنداعى شارپىسۋلار وقيعانى شيراتىپ شيەلەنٸستٸرە تٷسەدٸ. تەرگەۋشٸنٸڭ اۋزىمەن ايتىلاتىن ايىپتاۋلاردان قۇنانبايدىڭ ٶتكەن ٶمٸرٸنە قاتىستى كٶپتەگەن جايلارعا قانىعامىز. ەسٸرەسە كەنەسارىعا بايلانىستى تەرگەۋشٸ سۇراعىنا قايتارعان جاۋابىندا قۇنانبايدىڭ ازاماتتىق ۇستانىمى ايقىندالىپ, كٷرەسكەرلٸك تۇلعاسى اسقاقتاي تٷسەدٸ. قۇنانباي– كەنەسارى كٶتەرٸلٸسٸنە تٸكەلەي قاتىسپاعانمەن ٸشتەي تٸلەۋلەس بولعان ادام. سويىسقا مال, مٸنٸسكە كٶلٸك بەرٸپ استىرتىن كٶمەكتەسٸپ وتىرعان. ونىسىن, ەرينە, تەرگەۋشٸ الدىندا مويىندامايدى. قيسىنمەن قييادان جول تاۋىپ جالتارىپ كەتەدٸ. بٸراق ەڭگٸمە قازاقتىڭ نامىسىنا تٸرەلگەن تۇستا بوي جاسىرمايدى. «قوڭىرقۇلجا باستاعان تٶرەلەر جەر قايىسقان قول جيناپ كەنەسارىعا قارسى اتتانعاندا اتىمنىڭ باسىن كەرٸ بۇردىم, ٶزٸمنٸڭ قارىنداسىم كەنەسارىمەن, ٶزٸمنٸڭ تۋعان ەلٸممەن سوعىسا المادىم. سەبەبٸ مەن ەۋەلٸ اللانىڭ قۇلىمىن, سودان كەيٸن بارىپ اق پاتشانىڭ قىزمەتشٸسٸمٸن. ٶز تاعدىرىن سەنٸپ تاپسىرعان بودان ەلدٸ بۇلاي باسىنۋعا بولمايدى. بەرٸنە ٷكٸمەتتٸڭ ٶزٸ كٸنەلٸ. باسىمدى كەسٸپ الساڭ دا ايتارىم وسى!» دەپ كٶزٸنەن وت شاشىپ, اقىرىپ اتىپ تۇرعاندا, ناعىز قۇنانبايدىڭ زاڭعار بەينەسٸ جارق ەتٸپ قارسى الدىمىزدا تۇرا قالعانداي بولادى. ەل ٷشٸن جانى ىشقىنىپ ەڭٸرەگەن ەسٸل ەرگە تەن شىنايى مٸنەز, قايتپاس قايسارلىق.
قۇنانباي مەن پاتشا ۇلىقتارى ۇزاق ارباسادى. تەرگەۋ بٸر جارىم جىلعا سوزىلادى. قالاي يٸرسە دە الشىسىنان تٷسەتٸن وت اۋىز, وراق تٸلدٸ دالانىڭ داناگٶيٸ قىرىق ايلا قاقپانعا اياعىن باسپاي سوت اينالاسىنداعى ۇلىقتاردىڭ دىمىن قۇرتىپ ەبدەن سارسىلتادى. اقىرى ساياسي, قىلمىستىق ايىپ تاقساق دەگەن ٷمٸتٸ ادىرا قالىپ پۇشايمان بولعان سوڭ, ازاماتتىق ٸس بويىنشا سوتتاپ, سٸبٸرگە جەر اۋدارۋعا ٷكٸم شىعارادى. وسىعان دەيٸن سٷيكٸمٸ جوق, كەرتارتپالىعىمەن كٶڭٸلگە ۇيالاعان توڭمويىن, تومىرىق باراق دەل وسى تۇستا جارق ەتٸپ مٷلدە باسقا قىرىمەن كٶرٸنەدٸ. دٷرديگەن سىرتى بولماسا, جٷرەگٸندە قييانات جوق, كەك تٷيمەيتٸن كەشٸرٸمٸ مول اسىل ەردٸڭ سويى ەكەن. مال-مٷلكٸن بەتٸنە قاراماي قازىناعا كەپٸلگە قويىپ, قۇنانبايدى اباقتىدان بوساتىپ الادى. ٶكپەگە قيسا دا ٶلٸمگە قيمايتىن ناعىز دالانىڭ دارحان مٸنەزٸ. اق قاردى تٸزەدەن ومبىلاپ قىردىڭ قوس باھادٷرٸ بٸر-بٸرٸنە قارسى ۇمتىلىپ: «امانسىڭ با, باۋىرىم!» «اقىرىندا اتىمىزدىڭ باسى بٸر كەرمەدە تابىلدى ما!» دەپ قۇشاقتارى ايقاسا كەتكەندە, جٷيكەڭ بوساپ, كٶزٸڭە قالاي جاس ٷيٸرٸلگەنٸن بٸلمەي قالاسىڭ.
فيلمنٸڭ سوڭعى كٶرٸنٸستەرٸندە ٷلكەن سيمۆوليكالىق مەن بار: جاسٶسپٸرٸم اباي بيٸك قۇزارعا ەكپٸندەي باسىپ ٶرلەپ بارادى, قۇنانباي «ارتىڭا قارايلاما» دەگەندەي قولىن بۇلعاپ باۋرايدا تۇر. اباي – جاڭانىڭ باسى, قۇنانباي ەسكٸنٸڭ سوڭى ەدٸ. اق نايزانىڭ ۇشى, اق بٸلەكتٸڭ كٷشٸنە سٷيەنەتٸن قۇنانباي دەۋرەنٸ ٶتتٸ, باسى بودانداعى بۇراتانا جۇرتتىڭ ەندٸگٸ بولاشاعى – وقۋ-بٸلٸمدە. ٶزگەلەرمەن ٶنەر-عىلىمىڭمەن عانا بەسەكەگە تٷسٸپ, بوي تالاستىرا الاسىڭ. جەڭٸس تە, جەڭٸلٸس تە تەك سوندا. ەنە, اباي «سوقتىقپالى, سوقپاقسىز» سول بيٸككە ٶرلەپ بارادى.
دوسحاننىڭ ەكٸ فيلمنٸڭ دە ستسەناريٸن جازعان – تالاسبەك ەسەمقۇلوۆ. تالاس ەنتسيكلوپەدييالىق تەرەڭ بٸلٸمدٸ, كەمەل ويلى, قازٸرگٸ قازاق ينتەللەكتۋالدىق كەڭٸستٸگٸندەگٸ سيرەك قۇبىلىستىڭ بٸرٸ ەدٸ. جٸگٸتكە تەن جەتٸ ٶنەر بٸر بويىندا توعىسقان ناعىز بەساسپاپ ٶنەرپاز بولدى. سىنشى, پۋبليتسيست, تاريحشى, پروزاشى, كٷيشٸ, اۋدارماشى... سوڭعى جىلدارى كينودراماتۋرگييادان جاڭا ٶرٸس تاۋىپ, تىنىسى اشىلىپ, دوسحان ەكەۋٸنٸڭ شىعارماشىلىق تاندەمٸ ٶزٸنٸڭ تاماشا جەمٸسٸن بەرە باستاپ ەدٸ, امال نە, قازاقتىڭ تايقى دا تار ماڭدايىنا سىيماي, ەسٸل ٶمٸرٸ ەرتە ٷزٸلدٸ. «قۇنانباي» فيلمٸندە تالاستىڭ دراماتۋرگتٸك قارىمى ايقىن تانىلادى. وقيعاسى شىمىر, قييۋىن تاۋىپ, بٸرٸنەن بٸرٸ ٶربٸپ جٸبٸ ٷزٸلمەي جۇتىنىپ تۇر. كٶنەنٸ تٸرٸلتٸپ, قىر ٶمٸرٸنٸڭ قاتپار-قاتپار كەڭ پانوراماسىن كٶز الدىمىزعا توسادى. ەسٸرەسە شارت جٷگٸنٸپ, قامشىلارىن الدىنا كٶلدەنەڭ تاستاپ, بٸر-بٸرٸمەن شارپىسقان بيلەردٸڭ سٶز جۇپتاسى قانداي! بٸرٸ اتىپ, بٸرٸ قاعىپ, نەبٸر قاقپاقىلدان جول تاۋىپ جالتارىپ شىعاتىن قۋاتتى وي, جٷيەلٸ قيسىنعا سٷيسٸنەسٸڭ. تالاس وسى فيلم ارقىلى قازاقتىڭ ٶلمەس, ٶشپەس بابا سٶزٸنٸڭ التىن زەرلٸ بٸر ۇشتىعىن ۇرپاق قولىنا ۇستاتىپ كەتكەندەي.
«قازاقفيلم» كينوستۋديياسى وسى ۋاقىتقا دەيٸن ۇلتىمىزدىڭ ٶتكەن-كەتكەن ۇلى تۇلعالارى تۋرالى تالاي كٶركەم فيلم تٷسٸردٸ. امانگەلدٸ, اباي, جامبىلدان باستاپ ماحامبەت, مۇستافاعا دەيٸن تاريحي تۇلعالاردىڭ تۇتاستاي گالەرەياسى جاسالدى. ەرينە, ەر جٷيرٸك ەلٸنە قاراي شابادى, ولاردىڭ دەڭگەي-دەرەجەسٸ ەرقيلى ەكەنٸ بەلگٸلٸ. تاياۋدا عانا تۇساۋى كەسٸلٸپ, كٶرەرمەن قازىلىعىنا جول تارتقان دوسحاننىڭ «قۇنانبايى» سولاردىڭ قاي-قايسىنان دا مويىنى وزىق, تالعام بيٸگٸنەن شىعاتىن تولىمدى تۋىندى دەسەك, اسىرا باعالاعاندىق بولا قويماس.
تۇرىسبەك سەۋكەتاەۆ
"جۇلدىز" جۋرنالى
