قر پرەمەر-مينيسترٸنٸڭ ورىنباسارى ەربولات دوساەۆ ٶتكەن جىلداعى ەلدٸڭ ەلەۋمەتتٸك-ەكونوميكالىق دامۋىنىڭ قورىتىندىلارى تۋرالى باياندادى, دەپ حابارلايدى Sputnik قازاقستان تٸلشٸسٸ.
ونىڭ اقپاراتىنشا, جالپى ٸشكٸ ٶنٸمنٸڭ ٶسٸمٸ جىل قورىتىندىسى بويىنشا 4,1 پروتسەنتتٸ قۇراعان. بۇل ٶسٸمنٸڭ 75%-ٸ شيكٸزاتتىق ەمەس سەكتورلار ەسەبٸنەن قامتاماسىز ەتٸلدٸ.
"ينفلياتسييا 5,3%-كە دەيٸن تٶمەندەدٸ. جۇمىسسىزدىق قاۋٸپسٸز دەڭگەيدە, جىل قورىتىندىسى بويىنشا 4,9 پروتسەنتتٸ قۇرادى", — دەدٸ دوساەۆ ٷكٸمەتتٸڭ كەڭەيتٸلگەن وتىرىسىندا.
پرەمەر-مينيستردٸڭ ورىنباسارى پرەزيدەنت جارييالاعان بەس باستامانىڭ ٸسكە اسىرىلۋ بارىسىنا توقتالدى.
"7-20-25" باعدارلاماسى بويىنشا بٷگٸندە 43,7 ميلليارد تەڭگەگە 3 600 كرەديت بەرٸلدٸ. جالپى 92 ميلليارد تەڭگەگە ٶتٸنٸم تٷستٸ. 2019 جىلدىڭ 1 قاڭتارىنان باستاپ جالاقىسى 63 مىڭ تەڭگەدەن تٶمەن جۇمىسشىلاردىڭ سالىق جٷكتەمەسٸ 10 ەسەگە تٶمەندەدٸ. بۇل شارا 2 ميلليوننان استام ازاماتتىڭ تابىسىنا وڭ ەسەر ەتتٸ", — دەدٸ ول.
سونداي-اق, ٶتكەن جىلدىڭ 1 قىركٷيەگٸنەن باستاپ ەڭبەك نارىعىندا سۇرانىسقا يە ماماندىقتار بويىنشا بٸلٸم گرانتتارى 20 مىڭ ورىنعا ۇلعايتىلدى.
"جاڭا جاتاقحانالار سالۋ ٷشٸن 100 جەر ۋچاسكەسٸ بٶلٸندٸ. مەملەكەتتٸك-جەكەمەنشٸك سەرٸكتەستٸك اياسىندا بٸلٸم بەرۋ ۇيىمدارىمەن 12 كەلٸسٸمشارت بەكٸتٸلدٸ. بيىل ستۋدەنتتەرگە 5 مىڭ جاڭا ورىن پايدالانۋعا بەرٸلەدٸ", — دەدٸ دوساەۆ بايانداماسىندا.
سونىمەن قاتار, 2018 جىلى 595 ميلليارد تەڭگەگە 14 مىڭنان استام ميكروكرەديت بەرٸلٸپ, نەتيجەسٸندە 22 مىڭنان استام ادام جۇمىسپەن قامتىلدى. "باستاۋ بيزنەس" جوباسى بويىنشا 11 مىڭ ازامات ميكروكرەديت الىپ, ٶز كەسٸبٸن اشتى.
